انا واحد من الناس اللي نفسهم يغيروا سياراتهم والميزانية محدودة
والتقليدي انا ادور علي ياباني او كوري وكلاهما غالي
و فكرت في سيارات غير منتشرة لكنها عالية الجوده او علي الاقل قليلة الاعطال
مقارنة ب اللادا بتاعتي
في فكري التالي
ستروين
في منها ax صغيرة و عمليه
تقريبا في حدود ال18 الف موديتلات منتصف التسعينات
والكبيرة zx. اغلي شوية
وبعدهم في الموديلات اي الاحدث الاكسارا 1 و الاكسارا 2
الاغلي مما سبق ال. C4
وينافسها البيجو 406
ولو اغلي شوية يبقي ال 307
السلام عليكم ورحمة الله وبركاته حضرتك بترمى نفسك فى متاهة السيتروين رغم انها سياره قويه واعتماديه لكن العيب البشع قطع غيار نادره وازا وجدتها اسعار نار اغلى من البيجو حتى لو مستعمل وربنا يوفقك
شكرا للنصيحة
الفكرة في عربيه رخيصة وفي نفس الوقت موديل حديث الي حد. ما وتقدر تسافر ويفترض ان قطع الغيار معمرة و قليلة الاعطال ده اللي اتقال لي
و الله اعلم
طيب ما تشوف الكيا برايد العصفورة والسيدان
وفي منها مكيف وباور وسنتر وزجاج كهرباء
كنت بسافر مرة كل اسبوع بيها اسكندرية وكنا 5 اشخاص
وساعات كنت بطلع بيها الساحل عربية عمرها ما قالت لأ
ابسط الفكرة
ايه العربيه اللي ممكن تكون بالمواصفات التالية
اقل من 30 الف
اعلي من سنة 1995 م
مش كوري
مش صيني
مش روسي
مش داتشا
فورد فيستا
ممكن فورد اسكورت 1300
ال فيستا صغيرة تتقارن بال ax
الاسكورت لو اتقارنت بال zx
فايهما افضل من ناحية قله الاعطال وسعر قطع الغيار
بالاضافة للوسع و الاتزان
الاسكورت 1300ccتكسب اي ميكانيكي بيشتغل فيها غير 1600cc معقده شويه
صالون اوسع وشنطه (سيدان)سيتروين حجمها صغير
بس سحبها وحش بطيئه جدا
نصيحة بلاش سيتروين نهائى ملهاش قطع غيار ونااااااااااااااااااااااا ااااااار كان معايا zx سنة 2005 وطلعت عينى كنت بروح وكالة البلح علشان اجيب حاجاتها ونار فبلاش والله المستعان