-
حوادث الوصول للشغل
النهاردة جاي الصبح مع واحد صحبي راكبين عربيته وصلاح سالم واقف وفي مدخل نفق العروبة ولما الطريق بداء يتحرك من وافة سكون لمدة ربع ساعة . جه واحد راكب فورد قديم هوب خيش فيه من الرفرف الوراني (صاحبي معاه صاني جديد زي)
التلفيات:
هو الكبود بتاعة اتعوج
الصاني : الرفرف اتخرشم الأكصدام انكسر ووقع الشنطة اتعوجت و ماتقفلش. الفنوس الوراني راح...
طبعا بعد الهيصة والراجل الي خبطنا بيزعق ان صاحبي هو الي وقف فجأة (وده ماحصلش) الموضوع رسي في الأخر ان العوض على الله
انا من ساعتها وانا بطني مكركبة ومرعوب. انا كنت ممكن اكون بداله ومش معايا فلوس الأصلاحات دي خالص .الواحد لو راح الشغل بالعربية ممكن في تكة يتخرب بيته .هو ايه المطلوب نقعد نتمرمط في الميكروبصات أحنا ساكنين في مدينة جديدة وعلشان نوصل الشغل بتركب 3 موصلات وانتو طبعا عارفين الي بيحصل في الميكروبصات.....
هو ايه الحل علشان تحاول تحافظ على ادميتك وشقى عمرك مايروحش ....
-
ياباشا كلنا هذا الرجل
عملت قبل كده حادثتين على الدائري وربك هو الستار والاثنين كانوا حوادث صعبة
الاولى كلفت 700 ج تقريبا والتانية دخلت في 6000ج
-
الحل هو التأمين الشامل لغاية ما يخترعوا أو يستوردوا قانون لتسوية نزاعات الحوادث المرورية ويطبقوه
-
ربنا يعوض علي صاحب حضرتك و يسترها معنا جميعا.حضرتك فاكر ان ركنة العربية بتحميها من الخبط؟
يا ريت. هذا قدر. انا سيارتي اتخبطت و هي مركونة امام المنزل. اقرأ الموضوع بعد التوقيع.
المهم في النهاية بعد ما اتخبطت احترت مدة و في الاخر اتصلحت . انا لم اكتب بعدها في الموضوع لانه طول جدا لكن الحمد لله بعد تردد شديد بين التوكيل و خارج التوكيل اشتريت الدنجل (الي بيمسك العجل الامامي مع بعض) استيراد ب 1750 شامل التركيب و ضبط الزوايا .السمكرة اتكلفت 1600 لانها علي الساخن . لم ينفع ردها علي البارد.يعني كله 3350. متخيل ؟ و هي واقفة و امام المنزل. لكن الحمد لله اني لم اكن بها وقت الخبطة و الحمد لله اني لم ارها وقت الخبط اكيد كانت الصدمة هتكون اكبر. المبلغ مكتوب انه هيتصرف في خبطة ، في اي حاجة هو خارج خارج. مجرد ان السيارة تكون سليمة بدون خبط دة رزق .
انا اصلا مش بحب السواقة و بخاف و لا اخرج بالسيارة الا قليل و يوم الجمعة لان الشوارع فاضية لكن شوف برده اتخبطت. قدرك سيصيبك . توكل علي الله و قل دعاء الركوب قبل التحرك بالسيارة .
-
طيب تعمل ايه لما تبقى شارى عربية زيرو ما كملتش 2000 ك وراكنها امام بيتك فى امان الله تلاقى واحد ابن حلال واقف ساند على الرفرف الامامى وبيتكلم فى الجوال وواخد راحته ووزنه تقيل زى الخرتيت
بعدين تقوله يا اخى اتقى الله فى حاجة غيرك ولما يبعد تلاقى الرفرف مطبق وعايز سمكرة وتقول له ليه تعمل كده فى سيارات الناس ؟يرد بمنتهى البجاحة ويقولك من فضلك كلمنى بطريقة افضل من كدة وياخد بعضه ويمشى بدون اعتذار
انها ثقافة للاسف وعدم اكتراث بحقوق الناس واموالهم او خوف من حساب الله
حسبى الله ونعم الوكيل
-
ربنا يعوضكم خير والحمد لله انكم بسلام
-
حرقت دمى عالصبح
يا باشا فيه قانون الشارع
قانون الشارع بيقول انك تشترى عربية قديمة و حجمها متوسط او كبير و لما واحد يخبطك من ورا عربيته تتخرشم هوه و انت اخرك فانوس ببلاش
تمشى بعربيتك محدش بيحاول يقفل عليك او يرخم لانه عارف انه عربيته هتتحك او هتتخرشم و انت مش خسران
و قديما قالو اول ما الفيات تتطلع على الكوبرى الى فاتح بابه يقفله و يضم مرياته لغاية ما الحديدة تعدى
Content Relevant URLs by
vBSEO 3.6.0 PL2