الموضوع: جيب Renegde ومشكلتي مع الحجز من الطارق

ربنا يكون في عون حضرتك ويعينك على الاشكال القذره دي
المشكله مش فيه المشكله في البلد الزباله اللي سايباه يعمل كده
نصيحتي اسحب فلوسك بدل مايحصل اي حاجه وتخسر الفلوس هاتلك اي عربيه مشي بيها نفسك اليومين الهم دول

المشاركة الأصلية كتبت بواسطة رامي مصطفى

ربنا يكون في عون حضرتك ويعينك على الاشكال القذره دي
المشكله مش فيه المشكله في البلد الزباله اللي سايباه يعمل كده
نصيحتي اسحب فلوسك بدل مايحصل اي حاجه وتخسر الفلوس هاتلك اي عربيه مشي بيها نفسك اليومين الهم دول

لا مبلغ الحجز مش حايزعلني ...بس انا اللي يزعلني انه يضحك عليا ...وده اللي مش حاقبل بيه ان شاء الله ..وانا وراهم للآخر ..تحياتي على مرورك الكريم

المشاركة الأصلية كتبت بواسطة omarali_mcse

لا مبلغ الحجز مش حايزعلني ...بس انا اللي يزعلني انه يضحك عليا ...وده اللي مش حاقبل بيه ان شاء الله ..وانا وراهم للآخر ..تحياتي على مرورك الكريم

ربنا يعين حضرتك وينتقم منهم ومن كل حرامي

المشاركة الأصلية كتبت بواسطة omarali_mcse

انا حاجز عربية جيب رينيجيد من شهر 11 السنة اللي فاتت والطارق للسيارات فرع مول العرب بيضغط عليا علشان ادفع اوفر برايس مع اني حاجز من شهر 11 ..معاد الاستلام كان في 20 فبراير اجله لاول مارس وفي اول مارس قالولي 15 مارس وفي 15 مارس قالولي 25 مارس والنهاردة قالولي في ابريل شغل قذر غير انهم كانو بينصبو على واحد صاحبي انا جايبهلهم يشتري منهم عربية رينو لوجان قالولو انها 16 صباب وبعد ماستلمها اكتشف انها 8 صباب بعد ما حلفو ميت يمين انها 16 صباب ووريناهم المانيوال بتاعها وبيبين انها 8 صباب رجعو العربية وخدنا الفلوس شغل عصابات وللاسف التوكيل بيبعنا للموزعين علشان يلعبو بينا .... احنا بنعذب نفسنا علشان عربية لسه ماجربناهاش ولا عارفين حلوة ولا وحشة بدل ما الوكيل يصرف عليها دعاية وينزلها علشان تتجرب في السوق ويحالول ينجحها لا لسه مانزلتش وعاملين يرفعو في اسعارها اللي هيا اصلا مبالغ فيها جدا ....الله لايبارك للموزعين ولا للوكلاء اللي بيتواطؤو معاهم في كل قرش بيكسبوه .....الطارق اثبتلي انه معرض تحت المستوى ولا يستحق حتى ستار واحدة في جودة الخدمة وهدفه الربح القذر حتى على حساب العملاء ...مع اني عميل سابق عندهم وشاري منهم كيا سبورتاج 2015 اوفر برايس كاش..لاكن للاسف المدير بتاعهم اخر مرة بكلمة في التليفون بيزعقلي في التليفون وقولي تعالى خد حجزك لو مش عاوز تستنى ...يعني انا حاجز ومتفق استنى ده ينفع ...هو انت تخليني استناك اربع شهور وفي الاخر تقولي تعالى خد حجزك اصل احنا شركة مالهاش كلمة ولا اتفاق ولا مواعيد ...طيب انت حاترجعلي الفلوسي بالجنيه بالسعر اللي انت اخدتهم مني ولا حاتراجعلي الجنيه بعد ما قيمته نزلت 30%...طيب انت حاتجيبلي العربية اللي انا سيبتها علشان اشتري من عندك بنفس سعرها ساعة ماحجزت عندك من شهر 11 ولا حاتلبسني في الجيط ...يعني استنى اربع شهور ترجعلي الحجز واروح اشتري العربيه اللي كنت حاجبها من اربع شهور بزيادة 40 الف جنيه ...طيب فلوس اللي انت حولتها دولار النهاردة الدولار بقى ب 20 جنيه سعادتك حاتديني المكسب ده ولا حاتخدو ليك ...فلوسي اللي انت اخدتها وشغلتها حاترجعهالي بارباحها ولا خاتقولي والله ماليش دعوة ....اربع شهور وبعد ما استنيت بكل بساطة يقلي لو مش عاوز خد حجزك ...هي دي للاسف فكر التجارة المصرية الفاشلة اللي بتبص تحت رجليها وللاسف هيا الطاغية على معظم الشركات وااللي انا واثق انها حاتكون السبب الرئيسي في انهار تجارة السيارات في مصر ...على الغموم لا انصح احد يشتري من الطارق للسيارات نهائيا .وانا حاروح جهاز حماية المستهلك واشوف ايه المفروض يتعمل في خالتي ...اللي خلاني اخرج عن صمتي النهاردة اني فوجئت ان الطارق باع العربيات اللي كانت محجوزه ليا ولي غيري استلام مارس لا حد الاشخاص اوفر برايس وناس واصحاب معراض صغيرة استلامو سيارتهم وبيبيعوها اوفر برايس واحنى محطوطين على الرف ياندفع اوفر يا حايفضالو يمطوحو فينا ...ده رقم تليفوني علشان ما حدش يقول اني باتبلى عليهم 01127226244 وياريت لو في اشخاص نفس مشكلتهم مع الطارق يتواصلو معايا اذا هما حابين ...

الله يكون في عونك
و هوة ده اللى وصفته قبل كدا انهم مافيا المعارض في مصر
المفروض التوكيل هو اللى بيسعر النهاردة مافيا المعارض هى اللى بتسعر بمزاجها و اللى مش عاجبه مايشتريش

للأسف نحن من نساعد هؤلاء على الاستغلال
كما قلت حضرتك سيارة جديدة و غير معروف ادائها و مع ذلك نسعى بشدة لاقتنائها فطبعا لابد لأمثال الطارق أن يفعلوا هذا و أكثر
الحل هو أن تستغنى عنه بأكثر مما يستغنى هو عنك

انا كنت بافكر اشتري العربية دي وباجمع معلومات عنها لكن للاسف كل يوم بيمر بابتعد عن الفكرة دي بسبب الوكيل ولاني لغاية دلوقتي معرفش سعر العربية وصل كام