الموضوع: حد جرب عفش من عند Oflemo

https://www.facebook.com/InOut.Furniture
Ashley Egypt
athome furniture

جزانا واياك ووفقك الله للخير دائما

أنصحك بمحلات بيلاكازا لو لها فروع فى القاهرة منتجات رائعة لأن لهم مصانعهم الخاصة هنا بمصر ودة عن تجربة

مع احترامى الشديد للاراء المطروحة ولكن
ليس معنى انه خشب صناعى انه سئ ولكن خشب تم معاملته بطريقة خاصة لصناعة الموبيليا ومنتشر فى كل دول العالم
ثقافة مصر المتعلقة بالعمر كله لا تعنينى ولا تستهوينى واراها فاشلة وهذا رايي الشخصى لا الزم به احد وغالبا ساقوم بتغيير العفش كله فى مدة اقصاها 7 سنوات
شركة ايكيا تعطيك ضمان حقيقي 25 سنة على المنتجات
الشغل البلدى ازواقه مبتذلة لا ترقى الى المستوى المودرن بحال
وفى النهاية العين وما ترى والقلب وما يهوى

متابع
علشان عايز اجيب سرير ودولاب ومكتب وجزامة (إستخدام فرد واحد)

انا صدمت بصراحة من الآراء وشايف انه فعلا في ثقافة غريبة دخلتها المتاجر الجديدة دي علينا

أولا .. الشغل العمولة بتختاره انت وبتختار شكله ونوع الخشب اللي هيتعمل بيه يعني ممكن يبقى مودرن وممكن يبقى كلاسيك

ثانيا .. اي معنى ان يكون سعر ترابيزة متعملش 200ج ف ايكيا 2000ج وهي هي نفس الترابيزة
واي معنى ان يكون حامل وعليه سبوت ب 800ج وبره ب 100ج !!
اللي بتعمله آيكيا وان اند اوت واشلي وقبنوري انهم بيهتموا جدا بالتسويق مقابل الجودة والسعر المبالغ فيه مقابل العرض الجيد لمنتجاتهم
وحتة الضمان دي مستحيل مثلا حد هيشتري الحاجة وبعد سنتين يحصل فيها مشكلة ويفكر يرجعها بيجيب نجار ويظبطهاله وخلاص

المشكلة برضه ف حاجة تانية
ان اغلب الناس اللي بتسيب المتاجر دي وبتروح تعمل عمولة مبيبقاش معاها فلوس ولا ربع الكلام ده
بس لو حد معاه نص الاسعر بتاعة المتاجر دي بس وخد صور من التصميمات وراح ورشة كبيره تعملهوله بالظبط زي ما ف الصور بس يدوي وبجودة خشب اعلى هيعمله حاجات تفوق خياله شخصيا
اكتر من واحد اعرفهم عملوا القصة دي ووفروا فوق نص سعر العفش لو كانوا جابوه من ايكيا
وبالنسبة للناس اللي حابة تغير بعد 7 سنين !
الحاجة مش هتترمي هتبيعها وهتبقى بحالة ممتازة كمان

وبعدين في نقطة
ولاد بلدك الصنايعية فيهم ناس جدعان وراهم كوم لحم ولما تعمل عندهم هيسترزقوا وهتكسب ثواب كبير على كدة
احسن ما تروح تشتري من متاجر اصحابها مش من بلدك وهما من غيرك حتى معاهم مليارات