حد جرب عفش من عند Oflemo

**inceptor** · 03-04-2016 03:27 PM

ياريت اللى جرب يجيب عفش من عند oflemo ياريت يقولى ايه رايه وهل تنصحونى به ولالا

**inceptor** · 03-04-2016 08:57 PM

اسمه Alfemo معلش

**lemo147** · 04-04-2016 10:23 AM

ياريت حد يفيدك ويفيدني معاك لو حد يعرف اماكن عفش كويسه ومجربة ف القاهرة

**inceptor** · 04-04-2016 12:07 PM

شكرا ليك انا عاوز حد يفدنا ضرورى فى الفيمو مكنش كدة ياريت تقولوا لنا نجيب استايلاتهم منين خشب كويس فى دمياط ؟ بس خلى بالكوا احنا منعرفش حاجة ف دمياط

**lonedoctor** · 04-04-2016 11:30 PM

اليومين دول المدام بتلف على المحلات علشان بنشترى عفش جديد والفيمو مش كويس وغالى
خليك فى ديزينى وايهوم وايكيا افضل
وفى عروض كويسة اليومين دول

**inceptor** · 05-04-2016 07:57 AM

شكرا لحضرتك طيب بالنسبة لخشب الاماكن ديه كويس؟ وهل جربت تروح دمياط ولاقيت نفس الديزاين ده؟

وممكن مواقعه ديزينى وايهوم فى مصر؟

**inceptor** · 08-04-2016 07:22 PM

فين اى اضافة من الاعضاء

**lonedoctor** · 08-04-2016 10:24 PM

الخشب فى المجمل كله صناعى والغرف معظمها ستايل مودرن
الفيمو يحط لك اسعار غالية و مثلا غرفة النوم بدون دولاب بخصم وبعدين تلاقى الدولاب ب 10000 جنيه
ديزينى عامل عرض كويس تاخد 3 غرف او وحدات وعليهم الرابعة مجانا
معظمها صناعة تركية متوسط السعر 15 الف الى 25 الف
عايز حاجات كلاسيك وفخمة وخشب طبيعى يبقى تتكلم من 40 الف اقل شئ زى عند in and out ومستوردة
موضوع دمياط وتجيب خشب وتعمله عمولة الله اعلم لكن انا ماليش خلق على الكلام ده
المحلات اللى باقول لسعادتك عليها دى مشهورة جدا وليها ويب سايت اعمل عليه بحث على النت وشوف العروض والعنوانين وارقام التليفونات سهلة جدا
انا اعتقد انه ثقافة العفش اللى من خشب جامد ومتين دى بقى خلاص راحت لحالها دلوقت الديزين اهم حاجة وديكورات الشقة اللى تعملك جو جميل ومريح
كل المعلومات دى صراحة انا اخدتها من الاهل انما انا صراحة ابيض فى الموضوع ده
تقبل تحياتى

**lonedoctor** · 08-04-2016 11:02 PM

شوف اخى الفاضل انا كنت باتكلم مع المدام الان فى الموضوع ده فنبهتنى لشركة ايكيا وانهم عندهم حاجات جميلة جدا صناعة اوروبى وعليها ضمان 25 سنة والتوصيل والتركيب لغاية بيتك
الاجمل انه كل حاجة تتخيلها هناك من الابرة للصاروخ وتباع منفردة
ادخل الموقع وسجل وجمع كل ما تحتاجه فى اوردر وشوف كام التكلفة الاجمالية وروح راجع اللى اشتريته فى الحقيقة عجبك اشترى وتوكل على الله
احنا نوينا على كدة
تقبل تحياتى

**inceptor** · 09-04-2016 12:38 PM

شكرا لحضرتك واهتمامك انا حشوف ايكيا بس انا اعرف ان ايكيا غالى اكتر من الطبيعى وحشوف الاماكن الاخرى لكن انت قلت لي ان الاهل قالوا لك ان متانة الخشب مش بقت مهمة زى الاول طيب انت الاهل عندك جابوا الانواع ديه من الخشب؟
لان انا فعلا محتاج راحة بال وشكل مريح مش خشب شكله وحش ومتين
هل ده موقع اللى ديزاين
https://www.facebook.com/Designy.Furniture/
ممكن موقع ايهوم؟