انت انت ايوه انت بتشترى جرايد

**amro1965** · 03-04-2016 05:22 PM

السلام عليكم ورحمه الله وبركاته
مع موجه الغلاء القاسية التى تضرب مصرنا الحبيبة
بالنسبه لحضرتك بتشترى جرايد وصحف يومية
واخر مره اشتريت فيها صحيفة منذ متى
ولماذا الصحف والجرايد الورقية لم تزيد
وهل الصحف والحرايد اليومية فقدت مصداقيتها وارتباطها بالشعب مع دخول وسائل اخرى مثل النت والفيس بوك اللى المعلومه بتوصل لمتلاقيها فى اقل من نصف دقيقة
اتمنى المشاركة

**lena jo** · 03-04-2016 07:02 PM

بطلت بعد وفاة والدي(2012) بفترة قصيرة. مش مسألة فلوس لكن الصحف ووسائل الاعلام عموما فقدت مصداقيتها بالنسبة لي و الاخبار الملفقة و التي لا تعرف الواقع من التلفيق فيها غير ان الاخبار لا تسر اصلا فلا اريد معرفتها سواءا عن طريق وسائل الاعلام او غيرها. ربما اتابعها فقط من خلال بوستس تعليقات علي احداث او سخرية من بعضها فقط لكن لا ابحث عن اخبار و بعد ادمان التوك شو ايام الثورة اصبحت لا اطقها و لا اتابعها ابدا.

**م أحمد** · 03-04-2016 07:09 PM

وسيلة فعالة لو هتفرش عليها أطباق و أكل

**رامي مصطفى** · 03-04-2016 08:35 PM

المشاركة الأصلية كتبت بواسطة م أحمد

وسيلة فعالة لو هتفرش عليها أطباق و أكل

فعلا الحاجه الوحيده اللي خسرتها بعدما بطلت اشتري جرائد هي موضوع الفرش تحت الاكل

**samyyousef** · 03-04-2016 10:10 PM

مثلما قل شراء الكاميرات بعد انتشار الموبيلات ذات الكاميرات الحديثة، كذلك فقدت الجرائد بعض قيمتها بعد انتشار مواقع التواصل الاجتماعي التي ينشر عليها اهم الاخبار من كافة الجرائد...بل ان الاخبار اصبحت تفرض عليك من تكرار نشرها او بتعمد ايصالها للناس، فضلا عن برامج التووك شو التي اصيب معظم الناس بتخمة منها بعد هذه السنوات

**melouk1** · 03-04-2016 10:39 PM

كانت الجرائد قديماً متعة خاصة و خاصةً مع الإفطار صباحاً ،، و كانت الأعداد الأسبوعية أهرام الجمعة و أخبار اليوم بمثابة وجبة دسمة بطريقة عرض مميزة ..
مع ملاحظة أن قديماً هذه منذ ثلاث أو أربع أعوام فقط
لكن كل شيء في مصر تغير ،، و الحياة و الشعور العام ، كل شيء للاسف

**رامي مصطفى** · 03-04-2016 11:08 PM

المشاركة الأصلية كتبت بواسطة melouk1

كانت الجرائد قديماً متعة خاصة و خاصةً مع الإفطار صباحاً ،، و كانت الأعداد الأسبوعية أهرام الجمعة و أخبار اليوم بمثابة وجبة دسمة بطريقة عرض مميزة ..
مع ملاحظة أن قديماً هذه منذ ثلاث أو أربع أعوام فقط
لكن كل شيء في مصر تغير ،، و الحياة و الشعور العام ، كل شيء للاسف

كلام عالي اوي
ومعبر جدا
شكرا لتعليقك الجميل

**ahmedwagdy03** · 04-04-2016 08:56 AM

المشاركة الأصلية كتبت بواسطة رامي مصطفى

فعلا الحاجه الوحيده اللي خسرتها بعدما بطلت اشتري جرائد هي موضوع الفرش تحت الاكل

أبسلوتلي

كنت من فترة حوالى 7-8 سنين حريص على شراء أهرام الجمعة لأنه تخين و مربرب و ينفع طول الأسبوع للفرش بعد كدة لقيت أن أكياس الزبالة موفرة و عملية :

إزاى : بأشترى رول أكياس الزبالة نوع وان من كارفور اللى فيه 100 كيس و لما أحب أفرش تحت الأكل و خصوصا السمك المشوى أجيب كيس و أشقه بالمقص و أفرشه و فى النهاية تلم الليلة كلها و ميزته عدم التسريب زى الجرايد و أوفر

أما الأخبار على النت

**amro1965** · 04-04-2016 09:16 AM

فعلا الاهرام
كان وجبه دسمه تضمن من الرياضة والاعلانات المبوبه والكتاب المحترمين بتوع زمان اللى كان الواحد متعلق بكتاباتهم واخبار الحوادث والن والادب
العدد كان مليان وجبه غذاية مع كباية الشاى على الاقل تظل معه ساعه
وفى النهاية يستخدم لاغراض مختلفة
منها فرش للاكل
منها لمسح الزجاج
كان كله فوائد
اما الان
الرياضة لا تسر عدو ولا حبيب
الحوادث اصبحتا نشوفها رأى العين فى الطرق
الفن بقا سمك لبن تمر هندى
الوظائف اصبحت نادره جدا
الادب رحل وبقى قله الادب
السياسة رحلت وظلت مكانها علشان منعلى ونعلى لازم نطاطى نطاطى
الدين اصبح مطارد وعلى حسب وداد قلب من بيده الامر
العلم كل سنه وانت طيب لا توجد مدرسه الاخلاق الحميدة علشان تنجب علماء
توافه القوم اصبحو قمم واعلام
وعجبى

**Medhat Fathy** · 04-04-2016 09:25 AM

صراحة من فترة كبيرة توقفت عن شراء الجرايد خصوصا مع انتشار وسائل اخري للاخبار كمان كل الجرايد تقريبا فقدت مصداقيتها.
كان زمان الاعداد الاسبوعية باشتريها وأقراها لمدة اسبوع كامل لحين صدور الاعداد الجديدة. وبعد كده نستخدم العدد القديم في كل الاشياء اللي ذكرت.
اعتقد الجرايد محتاجة تتطور كتير عشان تقدر تنافس المصادر الاخري للمعلومات زي الانترنت وخلافه.

مشاهدة نتائج الإستطلاع: اهل بتشترى جرايد وصحف يومية

الموضوع: انت انت ايوه انت بتشترى جرايد

LinkBack

أدوات الموضوع

عرض

انت انت ايوه انت بتشترى جرايد - انشر الموضوع فى :

-

-

-

المواضيع المتشابهه

بتشترى عبايات منين؟؟

ايوه مش هشترى المصرى

للاسكندرانى بتشترى لبس منين؟؟

الناس بتشترى من إى باى إزاى !!!!

الكلمات الدلالية لهذا الموضوع

المفضلات

المفضلات

ضوابط المشاركة