المشاركة الأصلية كتبت بواسطة engahmed29
الكروز عربية يمكن اختصارها فى مثل شهير ، من برة هلا هلا و من جوه يعلم الله
جبتها زيرو ب 140 الف جنيه اوتوماتك ، و كان وقتها سعر الانترا قريب ، جبت الكروز عشان حسيت انها اقيم و صاجها ناشف و عشان ابعد عن توكيل غبور
المهم العربية انا ملتزم بصيانتها فى التوكيل و كل حاجة تمام ، قبل ما اكمل بيها سنتين و تقريبا على 28 الف كيلو ، كنت راجع من القاهرة الى الاسكندرية على الطريق الصحراوى الساعة 10 مساء
وقفت عند بوابة اسكندرية ، طلعت المطب ، اظهرت التذكرة ، فتح البوابة ، بدوس بنزين يا معلم ، و الاقيلك العربية بتنقل لغاية سرعة 20 كم و مش بتزود عن كدة
مهما ادوس بنزين ، تجيب 20 او 30 كم بالكتير سرعة ، و بعد كدة تفصل كان العربية اخرها كدة مفيش نقلات تانية
طبعا اصابنى التوتر و القلق ، المكان مقطوع و الدنيا ضلمة ، و العربية الفاخرة ماشية على 20 كم
المهم ، بطلت و دورت تاني ، نفس القصة ، فضلت ماشى على 20 كم و انا فى قمة القلق و الحزن على العربية الفاخرة الي دافع فيها دم قلبي ، و فى النهاية اتحط فى الموقف المحرج ده
من التوتر و القلق ، و بكاء اطفالي الصغار ، وقفت على جنب فى اول مكان فيه نور ، و نزلت اكلم صديق فى الموبيل ، بعد عشر دقايق دورت و مشيت ، رجعت طبيعية حتى المنزل و كنت حريص اني منزلش السرعة
المهم الموضوع ده اتكرر كذا مرة و رحت التوكيل طبعا قعدت شهرين هناك لحد ما ركبولها فتيس جديد ، و بعد كدة بعتها و الحمد لله