الموضوع: منتظر مشورة طبقاًُُ للأولويات

المشاركة الأصلية كتبت بواسطة ahmed_mido1313

ال 406 عربية جميلة وعائلية اكتر .. 307 افضلها في شكلها شبابي اكتر وهاتشباك

بس للاسف نفس التحذيرات سمعتها وسببت نفس القلق اللي عندي

متابع ومنتظر رأي م احمد

ابقى بغشك لو قلت لك مفيش مشكلة فتيس

بس مش معنى كدة ان دا وضع عام فى العربية او ان العربية اللى فيها مشكلة فتيس مش بتتحل...تمن الفتيس الاستيراد من 4 ل 5 آلاف و العمرة الكاملة ليه ب 4 آلاف و مش عند اى حد

فى ناس موديلات من 2001 ماشيين زى الفل بدون مشاكل فتيس و لا حتى تغيير زيت

العربية الموديل القديم عدادها 240 و الجديد 260 ...متخيل لو واحد رجله تقيلة فى السواقة مع المكنة بتاعتها هيبقى وضع الكلاتشات بعد فترة هيبقى ازاى....دا حتى لو مانوال لازم تغير لها ديسك و اسطوانة

بقول لو لقى حاجة استعمال محترم ----و مس بالساهل لو حد معاه العربية بالصورة دى يفرط فيها--- هتبقى ان شاء الله صفقة رابحة و على راى واحد لو كان عليها علامة النجمة كان زمان سعرها مضروب فى اتنين

العربية لغاية موديل 2004 استعمال افراد و هئيات و ما بعد ذلك نازل لهيئات و سفارات فقط ....و الاستعمال اكيد يفرق .....يعنى لو لقيت واحد معاه العربية و داخل يمون بنزين 80 اكيد الاجابة لما تسأله عنها هيقول لك ان الكورولا افضل منها

و لو مش فارق معاه الاوتوماتيك ممكن يجيبها مانوال و يريح دماغه

ال 307 حجمها اقل و هو عايز عربية عائلية و نفس الفتيس

و ال 308 شكلها اجمل منها بس هتبقى اعلى فى السعر و فيها اوبشنز اعلى بس قطع غيار اغلى و اقل انتشارا

المشاركة الأصلية كتبت بواسطة محمد يحيى

عايز أجيب عربية في د ال 80 : 85 ألف
في أساسايات محتاج توافرها قدر الإمكان ترتيب الأولوليات
1/ وسائل الأمان - لأن طريقي سفر يوميا رايح جاي 90 كيلو على الطريق السريع يعني فرامل abs و ....

2/ واسعة - خصوصاً الكنبة الخلفية عشان كل أسبوع زيارات عائلية

5/ تكييف محترم حتى وهي درجة الحرارة فوق ال 40

منتظر تفاعلكم وألف شكر

في أول إستفساري كان عندي أولويات
وترتيبها زي ما أنتم شايفيين
أنااعرف ان لانسر بومة تكييفها سيء - مقارنة بالهيونداي
وواسعة نسبياً
لكن وسائل الأمان هي اللي مش أقدر أحكم عليها