تغيير محل الاقامة وتأثيره على رخص العربية والقيادة

السلام عليكم
كنت عملت موضوع من سنة تقريباً عن تغيير محل الاقامة في بطاقة الرقم القومي
وسؤالي لحضراتكم:
انا هاغير ان شاء الله محل الاقامة في بطاقة الرقم القومي من الفيوم إلى المعادي خلال الشهر الحالي
رخصة العربية (تتنهي في 11/2016) ورخصة القيادة (تتنهي في 11/2023) - والاتنين على مرور الفيوم
هل انا مضطر لتغيير الرخصتين ونقلهم إلى مرور المعادي مباشرة بعد تجديد البطاقة؟ ولا ممكن امشي بالرخصتين لحين موعد تجديدهم بدون تغيير؟
وايه الاجراءات اللى هاعملها لو اضطريت لتغيير الرخصتين؟
شكراً مقدماً يا محترمين

لازم تغيرهم للاسف

لا مش هتغيرهم ولا حاجه. هتمشى بيهم لحد ما الرخصه ما تخلص 11/2016
وبعد كده هتطلع الرخصه على المرور الجديد ونفس الكلام بالنسبه لرخصة القياده ان شاء الله ساعة تجديدها 2023 ان شاء الله تغيرها على المعادى وبالتوفيق

بصراحه هو القانون انك لاازم تغيرهم ............
بس و لا حد فعليا و لا ظابط و لا امين بيبص على الموضوع ده ........... اخرهم تاريخ صلاحيه و اسمك و خلاص
فعادي امشي بيهم لحد اما يخلصم...........

شكراً يا رجالة على سرعة الرد

للاسف وانا بادور على النت وصلت للموضوع ده:
http://www.nilemotors.net/Nile/39763...post3875355799
اللى فهمته منه ان رخصة القيادة هتعتبر ملغاة اذا لم يتم اعلام قسم المرور المنقول له خلال 30 يوم

بالنسبة لكماين المرور انت وحظك للاسف... حصلت معايا مرة واحدة في كمين مفاجئ عند صينية ميدان النادي بين نادي المعادي وجراند مول - الظابط شاف الرخصتين تبع الفيوم فقالي البطاقة لو سمحت وبعد اما شافها مشاني عادي...

بناء على ردودكم المحترمة فانا مضطر اجددهم للاسف
اجراءات التجديد ايه؟ سواء بالنسبة لرخصة القيادة أو رخصة السيارة؟؟
هل فيه اختبار قيادة تاني؟ هل فيه فحص وبصمة؟ خاصة اني هاخد نمر جديدة عشان النقل من محافظة لاخري

وربنا يبارك فيكم
والله المستعان

أرجو الافادة بارك الله فيكم

اجراءات تغيير الرخص ايه؟ سواء بالنسبة لرخصة القيادة أو رخصة السيارة؟؟
هل فيه اختبار قيادة تاني؟ هل فيه فحص وبصمة؟ خاصة اني هاخد نمر جديدة عشان النقل من محافظة لاخري

اقتباس:

---

المشاركة الأصلية كتبت بواسطة mkaram84

أرجو الافادة بارك الله فيكم

اجراءات تغيير الرخص ايه؟ سواء بالنسبة لرخصة القيادة أو رخصة السيارة؟؟
هل فيه اختبار قيادة تاني؟ هل فيه فحص وبصمة؟ خاصة اني هاخد نمر جديدة عشان النقل من محافظة لاخري

---

بالنسبه لرخصة السياره اول حاجه هتطلع على مرور المعادى تجيب ورقة فحص فنى وتقف فى طابور الفحص يقوم المهندس مش هيبص عالعربيه ويكتبك على ضهر ورقة الفحص الفنى انك تروح تطابق بصمه من مرور الفيوم فتروح الفيوم تطابق البصمه والمشوار ده مش بيحتاج ان العربيه تكون معاك وبالمره تطلع شهادة مخالفات للعربيه ولرخصة القياده من مرور الفيوم وترجع تانى على مرور المعادى تقف فى طابور الفحص الفنى والفحص البيئى والطفايه وتدخل المرور تأمن سنه او تلات سنوات وتدفع الضريبه كذلك سنه او تلات سنوات وغالبا هتاخد تصريح 6 شهور فى 6 شهور لحد ما الملف يجى من مرور الفيوم وبالتوفيق

اقتباس:

---

المشاركة الأصلية كتبت بواسطة amr011111

بالنسبه لرخصة السياره اول حاجه هتطلع على مرور المعادى تجيب ورقة فحص فنى وتقف فى طابور الفحص يقوم المهندس مش هيبص عالعربيه ويكتبك على ضهر ورقة الفحص الفنى انك تروح تطابق بصمه من مرور الفيوم فتروح الفيوم تطابق البصمه والمشوار ده مش بيحتاج ان العربيه تكون معاك وبالمره تطلع شهادة مخالفات للعربيه ولرخصة القياده من مرور الفيوم وترجع تانى على مرور المعادى تقف فى طابور الفحص الفنى والفحص البيئى والطفايه وتدخل المرور تأمن سنه او تلات سنوات وتدفع الضريبه كذلك سنه او تلات سنوات وغالبا هتاخد تصريح 6 شهور فى 6 شهور لحد ما الملف يجى من مرور الفيوم وبالتوفيق

---

شكراً جداً... ربنا يبارك فيك
طيب ممكن اجيب من الفيوم تطابق البصمة وباقي الورق علطول قبل ما اطلع على مرور المعادي؟

اقتباس:

---

المشاركة الأصلية كتبت بواسطة mkaram84

شكراً جداً... ربنا يبارك فيك
طيب ممكن اجيب من الفيوم تطابق البصمة وباقي الورق علطول قبل ما اطلع على مرور المعادي؟

---

تقدر تجيب شهادة المخالفات لرخصة العربيه ولرخصة القياده انما مطابقة البصمه للاسف لا