اسف علي التاخير في الرد
بس مجمل ان العربيه كويسه وسحبها كويس والتكييف رائع جدا بس لسه عند رائيي العفشه ناشفه جدا
اما بالنسبه لاول صيانه عملتها كانت صيانه ال 1000 كيلو وحطيت زيت 10000 وغيرلي زيت الفيتيس قالي عشان دا بتاع التخزين ودفعت 500 جنيه
اسف علي التاخير في الرد
بس مجمل ان العربيه كويسه وسحبها كويس والتكييف رائع جدا بس لسه عند رائيي العفشه ناشفه جدا
اما بالنسبه لاول صيانه عملتها كانت صيانه ال 1000 كيلو وحطيت زيت 10000 وغيرلي زيت الفيتيس قالي عشان دا بتاع التخزين ودفعت 500 جنيه
ارجو تتقولنا التقرير بتاع ال 10000 او 5000 عشان بفكر فيها ومبروووووك عليك
انا انهردا سلمت ألعربيه الي استلمها للمعرض تاني المساعد الشمال الأمامي كان فيه تخبيط جامد جدا الحمد لله الصوت ظهر قبل ما أرخص و ان شاء الله هينان واحده تانيه بكره او بعده و ربنا يكرم
بس رأي الحياديه و أحاسب عليه يوم الدين
١- ألعربيه حلوه جدا جدا
تكييف ممتاز
القعده مريحه
الخامات المستخدمة ف ألعربيه جيده
التسارع حلو انا محبتش أقرص عليها عشان لِسَّه بتلين
التوكيل بقي سمك لبن تمر هندي اي عك و سلام
شكله كدا العك و الاهمال طاله هو كمان
وبنا يهدي الحال
انا بفكر اجيبها. زيرو وبقارن بينها وبين نيسان صني الشكل القديم مستعملة كسر زيرو ايه رأيكم؟
ممكن اقولك راى انا اشترى اى عربيه زيرو حتى لو صينى لان المستعمل انتى وبختك ولو كانت النيسان مريحه صاحبها يبقى هيبيع ليه وله هوخلاص هيهاجر ومش ناوى يركب عربيه تانى خد راى اشترى زيرو بلاش مستعمل فى البلد دى ولو عايز الانفى روح معرض غبور واركبها الاول وصلى استخاره ؟سدقنى انا ركبتها عربيه كانك راكب يابانى او اوربى عربيه جميله وغبور ضامنها ربنا يوفقك
سعرها في الوكيل 101 لكن ممكن تلاقي اسعار مختلفة في المعرض من 97 حتى 107 .
الانتشار وتوفر قطع الغيار الفيرنا قطع غيارها عند أي حد : )
اسعار قطع الغيار مش فرق كبير بنهم يعني الفيرنا اكيد ارخص لانها منتشرة بس فرق بسيط لا يذكر .
سهولة الصيانة الانتين سهلين يعني الانفي مش معقدة في صيانتها والى بيشتغل في لانسر هيشتغل فيها .
بالنسبة لنقاط التفوق فالامان عند الانفي لا يقارن بالورقة ( الفيرنا ) اه والله عربية ورق ونتا تقدر تلاحظ دا بسهولة في حجم العربيتين والخامات المستخدمة فيهم .
الفرامل abs ebd ووزن العربية والعفشة الرياضية وارتفاعها عن الارض كلها مميزات مش موجودة في الانفي
كلام بحياديه وانتا صاحب القرار :)
واي سؤال تاني انا في الخدمة . تحياتي .
السلام عليكم ورحمة الله وبركاته متفق مع حضرتك فى كل كلمه وهقول لحضرتك اليوم شوفت حادث بسيط بين فيرنا والانفى الفيرنا دخله فى الانفى من الخلف والله ياجماعه الفيرنا وشها باظ خالص والريداتير جاب ميه فى الارض والكبوت اتنى فى بعضه رغم انها خبطه عبيطه والبنت اللى كانت سايقه الفيرنا اغمى عليها ودماغها ورمت حكايه ربنا يحفظنا اما الانفى الاكصيدام الخلفى انكسر بس وانا مستعجب من الناس اللى بتجرى تشترى فيرنا وسعرها 110 والانفى سعرها 101 الف من معرض غبور نفسه انا شايف بعد نجاح الانفى والتيجو فى اختبارات السلامه فى الاتحاد الاوربى يبقى هيا الافضل على الساحه الان هيا والتيجو اجتازه اختبار التصادم ومتقدمين عن الكيا ودلوقتى مفيش كلمة اسمها دى عربيه صينى الكلام ده انتها خلاص وقطع غيار الانفى موجوده جوه التوكيل وخارجه لان الانفى وm11 وm12 كل عائله ابوالفتوح موجوده من كام سنه فاته وقطع الغيار متوفره يبقى عربيه قويه وقطع غيار متوفره وفوق كل ده سعر مناسب ؟ يبقى اركب عربيه تحمينى انا واسرتى او اركب فيرنا ورق ولاقدر الله لو حادث جامد شويه مفيش حد هينجى لانها نعش متحرك ربنا يحفظنا جميعا ويسترها علينا يارب العالمين