السلام عليكم ورحمة الله وبركاته
انا والحمد لله ربنا كرمني واشتريت شيري انفي 2017 من غبور وهحكيلكوا انطباع اول تجربه لسواقة عربيه صيني في حياتي
اولا تقفيل العربيه هايل جدا والصالون واسع وحلو
ثانيا انا جبت بيها 110 كيلومتر والعربيه ثابته علي الطريق كويس
ثالثا العفشه ناشفه جدا ودا اللي اعرفه بحكم اراء اصدقائي اللي عندهم اسبرانزا ان عفشه الاسبرانزا كلها ناشفه
الكاسيت صوته حلو وتوزيع السماعات كويس جوا العربيه
الشنطة واسعه جدا وتشيل كتير ما شاء الله
في حاجه غريبه حاسسها في العربيه ومش عارف دا كدا العادي ولا لا دواسة الفرامل حاسس انها خفيفة اوي بس هي بتمسك عادي بس الدواسه حاسسها خفيفة
التكييف لسه مجربتوش الصراحه عشان لسه انا مستلم انهارده
في المجمل العربيه كويسه وعلي الاوبشنز اللي فيها تعتبر رخيصة وانا حاسس ان غبور هيظبط العربيه دي بعد اللي ابو الفتوح عمله فيها
لو في اي سؤال انا موجود ارد علي الاسئله
وهوافيكم بالجديد مع السواقه
شكرا