الموضوع: ازاى استخرج اذن سفر وانا طالب ارجوكم :)

فى الاخوة ارجوكم السفر هيضيع عليا اعمل ايه :(

المشاركة الأصلية كتبت بواسطة yahiaashraf

انا لسه مسافر من قريب هتحتاج تصور اول صفحتين فى الباسبور + صورة للتاشيره انما الباسبور نفسه محدش هيبص فيه هناك

بحكم انى لسه طالب جامعى هقولك انا عملت ايه مع العلم انى من اسكندريه :-

- روحت على الكليه وطلبت افاده اقدمها لمكتب التجنيد بان متاجل تجنيدى لانى لسه طالب
- روحت لمنطقة التجنيد وكان معايا الباسبور والبطاقة والافاده
- كان فيه طابورين واحد لمكتب تصوير والتانى بتاخد منه حاجه اسمها بون وهناك طلع انك لازم تصور اول صفحتين فى الباسبور + التاشيرة والبطاقه بتاعتك تصورها 3 نسخ ودى غلطة عمرى انى مصورتهومش قبل ما اروح لانى وقفت 3 ساعات فى طابور علشان اصور الحاجات دى بس فانت ريح نفسك وصورهم وخليك جاهز
- بعد اما صورة روحت للطابور التانى كل اللى انا عملته انى اديتله افاده تاجيل التجنيد بتاعتى اللى انا جبتها من الكليه وقولتله عايز اطلع تصريح سفر وادانى البون ( فايل فيه كام ورقه كده )
- لما تخلص من الطابور اللى انت جبت منه البون ده هتروح لشباك تصريح السفر هتديهم الفايل اللى انت اخدته ده + الاوراق اللى انت صورتها وهيسالك مسافر فين وبس
- بعد اما تسلمه الاوراق كلها هيقولك نص ساعه وهتستلمها

تصريح السفر لما هتسافر مش هياخدوه منك فى المطار هما هيشوفوه بس لانى سافرت ورجعت بيه ومعايا اهو محدش اخده


انا علشان اطلع التصريح قعدت نص يوم كامل بالظبط رغم انى كنت رايح من بدرى جد

اخى شكراً ليك جداً ع المعلومات دى .. بس هل انت سافرت وقت الدراسه صح ؟! ولا كانت اجازة نص السنة !! وياريت لو ينفع تبعتلى رقم حضرتك اتصل بيك اخد من وقتك اقل من دقيقتين لانى محتار و كل حاجه اتحجزت ومش عارف اعمل ايه وللعلم انا من اسكندرية .

محتار و كل حاجه اتحجزت ومش عارف اعمل ايه

ولا حد هيرخم عليك و لا بتاع معاك التاشيره ؟ هتاخد اثبات قيد من الكليه و تطلع على منطقه التجنيد معاك باسبورك و تاشيرتك و تاخد الاذن

المشاركة الأصلية كتبت بواسطة karim alaa

ولا حد هيرخم عليك و لا بتاع معاك التاشيره ؟ هتاخد اثبات قيد من الكليه و تطلع على منطقه التجنيد معاك باسبورك و تاشيرتك و تاخد الاذن

اثبات القيد بخلي الكليه تكتب فيه ايه وهل بيكتبولي مدة الاجازه ف اثبات القيد

لا مش هيكتبولك مده الاجازه و شؤون الطلبه عارفين هيكتبو فى ايه فهمهم انه لتصريح السفر و صور الورق و التاشيره و اطلع خلص ورفك