انا لسة بدرس في سنة 3 كلية .. المشكلة بدأت اني كنت بحب بنت من فرنسا لمدة 3 سنين علي النت طبعا ..و كانت كل حياتي .. و نزلت مصر و كنت بحلم باليوم دة .. و قابلتها مرة ..وخرجنا مع بعض .. و تقريبا اليوم دة كان احسن يوم في حياتي كلة .. كنت فرحان بفرحة مش عادية ..و حياتي اتغيرت 180 درجة ..و فاجأة بعد 3 اسابيع .. لقتها عملت ليا بلوك من رقم الموبيل و الفيس و الوتس اب و كل وسائل الاتصال و من غير سبب .و بعتلها رسالة من رقم تاني وللاسف مفيش رد. الكلام دة من شهر 10 اللي فات ..يعني فات علية 7 شهور .. المشكلة اني مش عارف انسها خالص .. صورتها مش عاوزة تروح من دماغي ..حاسس اني اتكسرت بمعني اصح .. و كارهت الناس و البنات كلها .. و حاسس اني عايش من غير هدف و متدمر .. انا ولله مش مأفور في كلامي .. بس دة ولله اللي حاسس بية .. الموضوع دة عامل زاي شريط و كل مرة و مدة بيلف في دماغي .. زهقت من الدنيا كلها ..انا واحد من الناس اللي عندها ادرادة بس للأسف انا اتكسرت من جواية انا زمان كنت تخين و خسيت 65 كيلو يعني عندي اردة قوية .. بس للأسف دلوقتي مش حاسس بنفسي و عايز اخرج من المود دة .. بس بنسي فترة و بعدين برجع افتكر و اكتئب تاني .. !
المفضلات