الموضوع: تجربتي مع ماستر الدبرياج

دواسة الدبرياج فجأة لزقت تحت وبعدها ملقتش دبرياج ورحت للميكانيكي قال ان ماستر الدبرياج العلوي باظ ولازم تجيب واحد جديد وماجبش طقم اصلاح علشان مابينفعش المهم سبته ورحت البيت وفكيت الماستر بعد مجهود شاق ولفيت ملقتش زيه روحت جايب طقم اصلاح وركبته بنفسي وكرج كرج اشتغل تمام التمام لكن يافرحه ماتمت لم يستمر اكثر من 3 ايام ونفس المشكله جبت واحد تاني برضه يومين وباظ المهم شوفت ايه المشكلة لقيت الجلده الاماميه بتتقطع منها حته وبصيت في الماستر من جوه لقيت زي رايش فيه شلته وسنفره بسيطه وطقم اصلاح جديد ولكن بعد مشوار واحد باظ قولت مفيش حل غير ابعت اجيب واحد جديد من القاهرةولكن فحصت ايه اللي بيخلي الجلده تتقطع لقيت ان جلدة طقم الاصلاح ضعيفه جدا ولما ادوس دبرياج بتتقلب لوره وتقطع وفعلا كان 4 اطقم مقطوعين بنفس الشكل عارفين عملت ايه لقيت ان الجلده الخلفيه قويه جدا روحت واخد واحدة من طقم بايظ ومركبها مكان الجلدة الاماميه المقطوعة وبصراحه الدبرياج بقي استاندر واخر حلاوة انا قولت اعرفكم بالموضووع ده يمكن يفيد كم