هحاول افيدك علي قد ماقدر بما اني مالك كارينز 2010 منذ 4 شهور وكنت في نفس تفكيرك ومتخوف منها كعربيه عائليه برضه
العربيه محترمه ماشاء الله عليها واسعه / السحب كويس مع التكييف الي حد ما كعربيه عائليه / استهلاك البنزين معقول مش عالي مع مراعاه حجم السياره والموتور يعتبر كويس مش وحش / العربيه واسعه جدا جدا ماشاء الله عليها وعاليه عن الارض / مريحه جدا في السفر بجد / موضوع تركيب كنبه ورا مجربتوش بس سألت عليه بيتركب كرسين قلاب ورا بتكلفه 2000 جنيه تقريبا في التوكيل ده اللي عرفته / قطع الغيار بما اني كنت راكب لانوس قبلها فقطع غيارها حسيتها عاليه شويتين كعربيه كوري بس تستاهل وانا بتكلم طبعا علي القطع الاصليه لان في مش اصلي وده مش غالي كمثال طنابير 1150 جنيه تيل امامي 500 جنيه فلتر بنزين 160 جنيه وجوز مساعدين امامي 1100 جنيه والاسعار دي من شارع دمشق يعني مش من ممكن غالي بس تقييمي كمجمل لعربيه في مصر وعائليه فوق الممتازه ما شاء الله عليها بس اهم حاجه الحااااااااااله
بخصوص السحب ضعيف لاء خالص مش ضعيف طالما بتعمل صيانات بأنتظام
سحب ضعيف مع التكييف طبيعي الاداء بيقل مع التكييف زي اي عربيه لكن مش بالشكل العالي يعني كان معايا لانوس كانت سحبها اضعف منها بكتير مع التكييف بصراحه
بتسخن عمري مسمعت عن الموضوع ده نهائي بصراحه
رأيي افضلهالك كعربيه بصراحه
المفضلات