هما دول هبة و نادين ؟!!!! اللي مكتوب عنهم في العربية.نت ؟
ربنا يرحمهم و يصبر اهاليهم
عرض للطباعة
هما دول هبة و نادين ؟!!!! اللي مكتوب عنهم في العربية.نت ؟
ربنا يرحمهم و يصبر اهاليهم
ربنا يرحمهم
اللهم آمين
انا مش فاهم إيه القرف ده كل اللي هامم وسائل الإعلام اللي كتبت إن هبة بنت ليلي غفران و اللي يخش يقولك زي سوزان تميم أحسن دي أخرت الإنحلال و هو مش عارف حاجة أصلاَ .
ربنا يغفر لهم ويسامحهم
طيب يا موتوريزر هما فعلا صحابك ؟
الكلام ده منقول من اخبار مصراوى
تبين من المعاينة الاولية وجود أثار استضافة وعدد من أعقاب السجاير كما عثر على عدد من زجاجات الخمور الفارغة ،
وانتقلت النيابة إلى مسرح الجريمة والأجهزة الفنية المعاونة
وقامت برفع البصمات مع على الأكواب وزجاجات الخمور الفارغة
وعثرت أجهزة الأمن من خلال المعاينة المبدئية لموقع الجريمة على السكين المستخدمة في الحادث
كما عثرت المباحث على كمية من المواد المخدرة في الشقة
ورجحت التحريات المبدئية أن المجني عليهما متعددي العلاقات .
الكلام ده مظبوط فعلا ولا كلام صحافة !!!
ربنا يرحمهم
ربنا يرحمهم ويرحم اموات المسلمين جميعا
انا عرفتهم عن طريق أصدقاء لي في ال msa لأن انا في جامعة تانية must .. مكناش أصدقاء مقربين و لكن .. بعيداَ عن الكلام اللي مصراوي كاتبه اللي ممكن جداَ يكون صح و لكن زي ما قلت قبل كدة في موضوع إتحذف إن 70 % من شباب الجامعة سواء ولاد أو بنات بيحششوا و بيسكروا و أتحدي أي حد يدافع عن الجملة أو النسبة لأن انا متوغل في ال community ده كويس .. يعني لو دخلت شقة طلبة في الجامعة في أكتوبر غالباَ هتلاقي مخدرات أو خمور .. و لو دخلت حمام البنات في أي جامعة هتلاقي بنات بتحشش .. بس هو كطيش مش مدمنين و ماشيين يطوحوا في الشارع .. و هما شكلهم بنات عادية جداَ و لبسهم عادي يعني متحسش إنهم بنات فاقدة .. و لو إفترضت حتي الصحة في كلام مصراوي فا هم كانوا قاعدين في بيتهم .. لنفرض إنهم كانوا بيحششوا ولا بيسكروا أهو طيش و غلط و كل حاجة بس في بيتهم يتقتلوا ليه !! إنما مصراوي مصور الموضوع علي إنه ليلة حمرا ! و كلمة متعددة العلاقات دي كلمة هبلة جداَ يعني إيه متعددة العلاقات هي أي بنت لها صحاب شباب كتير بتخرج معاهم تبقي متعددة العلاقات !
انا مش بدافع عنهم انا لسة معرفش إيه اللي حصل بالتفصيل بس مهما حصل مش من حق حد يقتلهم !
و انا رأيي إن ده كلام صحافة في الهوا .