معظم الناس متعرفش الا ال 2107 فقط
عرض للطباعة
منور المنتدى والله يا اخ محمد وفعلا هذه الشركة محظوظة جدا فانا لا ادرى كيف تستمر هذه الشركة كل هذا الوقت وقطاع التسويق والدعاية فيها منعدم؟
هذه معادلة صعبة جدا لا يمكن قبولها الا اذا اعتقدنا ان السيارة الادا هى منتج جيد جدا له سمعته بين العملاء وهو الذى يقوم بنفسه بالدعاية المبنية على هذا الاساس وهذا طبعا بالمقارنة بالسعر المعروض .
وانا مثلا عندى السيارة الادا بشكلها القديم بعد التعديل وتركيب الباور والمكيف افضل من الصينى بكل انواعه وكثير من الموديلات الكورية فالسيارة ليست شكل وكماليات ورفاهية فقط وانا لاارى سيارة كورى فى السوق تعدت فترة ال 10 سنوات وحالتها مازالت جيدة بالمقارنة لللادا صحيح هذا الفكر عالميا غير مقبول فالسيارة فى اوروبا وامريكا بعد 10 سنوات لا يسمح اصلا بترخيصها ولكن منظومة الحياة المصرية بكل معطياتها مختلفة تماما هذا ربما هو سبب استمرار الادا فى مصر وكذلك شركة الامل وتقبلوا تحياتى.
الادا ليها زبونها الخاص دة لو بنتكلم عن ال 2107 فدي مش محتاجة دعاية زي الموديلات الكتيرة ,ال 2107 بتتباع علي اساس السمعة القديمة للعربيات الادا الجامدة القوية ,لكن منقدرش نقول ان الادا افضل من الانوس لان لامجال للمقارنة لان اللي بيفكر في الادا صعب انه يفكر في الانوس مش معني كدة ان الادا افضل من الانوس او ان الانوس افضل من الادا اللي بيحدد ايهما افضل اية اللي انت محتاجة من العربية لو عاوز شكل ونعومة وانسيابية يبقي لانوس لو عاوز حاجة جامدة وقوية ومتخفش عليها وسهلة الصيانة وقطع غيار رخيصة يبقي الادا وهكذا
لكن يبقي ان الادا الجدديد مش منتشر في مصر بسبب توكيل الامل !
اوافقك الراى تماما فيما ذهبت اليه وانا دائما انظر للامور بنظرة كلية فلا يوجد شئ مطلق والقضية نسبية وتخضع لكثير من العوامل ومنها شخصية الانسان نفسه وثقافته احيانا تتدخل فى نوع السيارة التى يرغب فيها وكذلك احتياجاته وفى النهاية انا ارى ان خير الامور الوسط وبالذات فى بلدنا الجميلة الشئ العملى دائما هو الافضل وبالمناسبة انا نازل مصر فى القريب العاجل وناوى اشترى حاجة زيرو ومتحير بس تجربتى مع الاليكو تخلينى افضل اللادا بس لسة متحير اى موديل فيها ياريت لو تشاركنى الراى
نفس فكرة ال 128 والشاهين
مفيش أي دعاية
لكن مش ملاحقين على الحجوزات
ده علشان العربية عمله دعاية لنفسها
جايز اللادا تكون مش بتبيع في اوروبا و امريكا بس انا عندي لادا 2105 موديل 1995 و دليلها موجود عندي و بالإنجليزي و ناوي ارفعه علي الموقع هنا إن شاء الله.
لكن بالنسبة للشئ اللي اسمه BYD ده فاللادا تضربه ميت جزمة طبعا و خاصة الموديل الجديد اللي هوكالينا لانه فول اوبشن و من لادا يعني شركة رسخت اسمها من سنين طويلة و خاصة في مصر لكن اروح اشتري حاجة اسمها BYD و انا مش عارف لها اصل من فصل يبقي جايز انا فلوسي كتير مع كامل احترامي ان كان حد عنده BYD.
بس حضرتك Byd من الماركات الصينية المحترمة بشهادة الاعضاء مالكيها
أولا الاختلاف في الرأي لا يفسد للود قضية
بصراحة لا لم اجربها و حرام احكم علي سيارة بالفشل من اول تجربة او احكم عليها بالنجاح من اول تجربة ايضا بس الشركة دي بقالها كام سنة في مصر انا شخصيا لم اسمع عنها سوي من السنة دي او السنة اللي فاتت بينما اللادا اي واحد ملوش في العربيات يعرفها و اللي عنده تجربة مع byd ياريت يقول لنا