رد شركة لادا على الشكوى ضد توكيل الامل

**lonedoctor** · 12-12-2008 05:43 PM

انا عارف انك بتتكلم عن السيارة 2107 اكيد وانا موش زعلان اخى الكريم بالعكس احنا بنتناقش ونستفيد من خبراتنا الشخصية وانا لما اتكلمت عن الاليكو والكابرس كنت باضرب مثل فقط لا غير عشان اقولك طبعا على مقدار خبرتى المتواضعة فى السيارات انه ليس بالضرورى انه العفشة والدركسيون يكون سبب عدم ثبات السيارة
وعموما انا ليس عندى خبرة فى السيارة 2107 ولم اقم بقيادتها اصلا فلا استطيع الحكم بشكل جيد ولكن انا باتكلم بناء على خبرات الاخرين وما اسمعة من كلام الزملاء وتقبل تحياتى يا باشمهندس : :k10:

**mtageldeen** · 12-01-2009 11:51 AM

يا جماعة الذي فهمته من رد الشركة بالإنجليزية مختلف عن الترجمة التي قرأتهل بالعربية.
وما فهمته ان الوكيل في مصر لا يستطيع ترويج أي موديل من لادا إلا الموديل الذي إشتري حق ترويجه.

وبالتالي فإن الرد غير مخيب للآمال

ولو أنا مخطيء يا ريت حد يوضحلي.

وأشكر كاتب الموضوع علي إيجابيته ومخاطبته للشركة في الخارج

**فادى** · 12-01-2009 05:27 PM

المشاركة الأصلية كتبت بواسطة lonedoctor

انا معلوماتى ان الناس دى دايما بيعملوا حساب لكل حاجة وبياخدوا مثل هذه التعليقات ماخذ الجد وليس عندهم نظام الطابونة والجمعية المنتشر فى بلدنا ام الدنيا لكن انا كنت واهم عموما انا رديت عليهم وحذرتهم تحذير شديد اللهجة بان السوق الان اصبح للكورى والصينى قادم وان لم تتغير سياستهم سيفقدوا السوق المصرى للابد

ههههههه
يبقى انت متعرفش الروس.
دول ألعن مننا فى نظام التنفيض و مشى حالك و الشاى يا بيه و الطابونة.
انا اتعاملت معاهم كتير فى مجال عملى و حافظهم, هما موهوبين جدا و متعلمين كويس, لكن يعيبهم الفساد المنتشر و التنفيض و الكسل.

**LADA2107s** · 26-01-2009 06:07 PM

للتصحيح ترجمة خطابهم ان " توكيل لادا ايجيبت من حقه فقط ان يسوق ما يبيعه وليس من حقه ان يسوق ما لا يبيعه"
اعتقد انك قولتلهم فى خطابك ان فيه موديلات احنا منسمعش عنها فى مصر والناس بتقولك ان من حقهم بس ان يعملوا دعايه للموديلات اللى هم واخدين توكيلها وبيبيعوها

**eng.octooo** · 26-01-2009 06:51 PM

التوكيل بيتحكم فى سلعتة جوة بلدة

**lonedoctor** · 27-01-2009 01:13 AM

انا لم اذكر مطلقا اى شئ عن الموديلات الموجودة خارج مصر وانما كان كلامى عن الموديلات الموجودة حاليا فى مصر لدى التوكيل

**zicooo2008** · 02-10-2009 10:32 PM

اولا يا جماعة الوكيل او الشركة الام لها علاقة بنسبة المبيعات و مالهاش دعوة باى حاجة غير كدة ثانيا العربية دى بالذات مشهورة من 70 سنة و الجيش واخد منها كتير و هى بشكل عام عربية مفتوحة

**SAMER_ENGINES** · 04-10-2009 02:37 PM

بصراحة مش عارف ازاي الـ 2107 وحشة بدون تحيز لأني معايا 2105 و مش عشان لادا هتحيز لها لأني قلت قبل كدة و بقول تاني أنا أول واحد نفسي أغيرها بس بالنسبة للثبات فأنا معايا 2105 و أعتقد اني هي هي الـ 2107 بس فرق سعة الموتور و الشكل و الثبات بتاعها عادي جدا و عمري ما حسيت أنها مش ثابتة بعكس بعض العربيات الجديدة الحديثة اللي الكل بيشتكي منها و من ثباتها و من فراملها.
و الفرامل علي فكرة ممتازة جدا و كانت طلعت إشاعة اني اللادا فيها عيب في دورة الفرامل و لكني لم أشعر بده و سألت أكثر من واحد معهم لادا و قلت ربما أنا المحظوظ الوحيد اللي أشتري سيارة لادا فراملها جيدة و لكن الجميع قال لي أني فراملها عادية و لا مشكلة فيها.
و لعلمك و ده كلام سواق تاكسي بيسوق لادا 2107 و شيفروليه لانوس تاكسيات أني سحب اللادا 2107 الإنجيكشن أفضل من سحب اللانوس إنجيشكن طبعا و ده كلام سائق مش كلامي و لم أقد ال2107 إنجيكشن حتي أؤيد الكلام ده أو أرفضه.
بس حتي أكون حيادياً فما أعرفه أني اللادا الـ 2107 الجديدة يقال أنها بتاكل تيل فرامل خاصة الأمامية بطريقة رهيبة.

**abdokingcars** · 16-02-2010 08:15 PM

ده توكيل زباله كل مااصلح حلجه عندهم يبوظو حاجه

**midomizo** · 20-02-2010 05:02 PM

المشاركة الأصلية كتبت بواسطة samer_engines

بصراحة مش عارف ازاي الـ 2107 وحشة بدون تحيز لأني معايا 2105 و مش عشان لادا هتحيز لها لأني قلت قبل كدة و بقول تاني أنا أول واحد نفسي أغيرها بس بالنسبة للثبات فأنا معايا 2105 و أعتقد اني هي هي الـ 2107 بس فرق سعة الموتور و الشكل و الثبات بتاعها عادي جدا و عمري ما حسيت أنها مش ثابتة بعكس بعض العربيات الجديدة الحديثة اللي الكل بيشتكي منها و من ثباتها و من فراملها.
و الفرامل علي فكرة ممتازة جدا و كانت طلعت إشاعة اني اللادا فيها عيب في دورة الفرامل و لكني لم أشعر بده و سألت أكثر من واحد معهم لادا و قلت ربما أنا المحظوظ الوحيد اللي أشتري سيارة لادا فراملها جيدة و لكن الجميع قال لي أني فراملها عادية و لا مشكلة فيها.
و لعلمك و ده كلام سواق تاكسي بيسوق لادا 2107 و شيفروليه لانوس تاكسيات أني سحب اللادا 2107 الإنجيكشن أفضل من سحب اللانوس إنجيشكن طبعا و ده كلام سائق مش كلامي و لم أقد ال2107 إنجيكشن حتي أؤيد الكلام ده أو أرفضه.
بس حتي أكون حيادياً فما أعرفه أني اللادا الـ 2107 الجديدة يقال أنها بتاكل تيل فرامل خاصة الأمامية بطريقة رهيبة.

معظم تيل الفرامل الامامى بتاع اللادا حاليا بيتاكل اسرع من التيل الكنا بنستوردة من حوالى 5 سنين
العيب فى المستورد مش فى الشركة انا حتا اخر مرة غيرت تيل ماعدش 6 اشهر وكان بيصفر ومتاكل

الموضوع: رد شركة لادا على الشكوى ضد توكيل الامل

LinkBack

أدوات الموضوع

عرض

-

-

-

-

-

-

المواضيع المتشابهه

مفاجئة شركة الامل

شركة الامل وروح الثورة

شركة الامل هل ستجمع السيارة byd s6

ضاع الامل في شركة الامل

شكرا شركة الامل

الكلمات الدلالية لهذا الموضوع

المفضلات

المفضلات

ضوابط المشاركة