حد يعرف تمن لمبة الزينون بكام ؟

**محمد أنور** · 28-11-2008 03:13 AM

انهاردة و انا نازل بدور العربية و بشغل الزينون الاقي لمبة واحدة بس هي اللي شغالة .. ف مش عارف كدة اللمبة اللي مش شغالة دي اتحرقت ولا ايه ؟ و هل ممكن تتصلح ؟
يا رييييت اللي يعرف تمن اللمبة بس بدون المكن بكام يقول تمنها و فين ؟

**KoDaK_Gti** · 28-11-2008 04:06 AM

اللمبة فقط بتبدأ من 150 جنيه
عند محل اسمه بيسو ومشهور باسم حربى
جمب مسجد خاتم المرسلين فى اول الهرم

**mody_halawa** · 28-11-2008 04:10 AM

ممكن يكون الجهاز هو اللى باظ مش اللمبة

**kemo_snoopy** · 28-11-2008 12:05 PM

بوص يا باشا سعر طقم اللمبه(2لمبه) الليدات 1 بول ب 250 جنيه و الطقم الاتنين بول ب 450 جنيه
و لو اللمبه عندك بترعش بعدين طفت يبقى العيب من الجهاز مش من اللمبه
لو احتجت اى مساعده تقدر تكلمنى

**Michael_Lanos** · 28-11-2008 12:09 PM

اسمع ان ثمن اللمبه حوالى 200 جنيه وان اكثر حاجه تبوظها هي الترعيش الكتير بيها

**محمد أنور** · 28-11-2008 01:06 PM

هي اصلا اللمبة دي كانت في فانوس اتخبط مني من شهر تقريبا والفانوس اتكسر و فضلت مكشوفة كدة بتاع 5 ايام على ما صلحت العربية و ركبتها فالفانوس الجديد .. ممكن يكون ده اللي بوظها ؟ الله اعلم
عموما مش عارف بس متهيألي الزينون رخص اوي .. واحد صاحبي بيقلي انه جابه من بره و ركبه في عربيته الموضوع كله كلفه 500 جنيه .. فا مش معقول اللمبة بس ب200 جنيه
عموما تشكروا يا رجالة و انا ان شاء الله هاخدها عند الكهربائي و اشوف ايه اللي باظ بالظبط و لما ارجع هقلكوا عملت ايه

**MohaMed_Refaat** · 28-11-2008 07:32 PM

بيتهيالى الزينون مش المفروض يبقى لمبتة مكشوفة لانة المفروض اساسا يبقى فى عدسات فلو اى نقطة مية جت علية وهو سخن حتبوظة او اتلم علية تراب .

**محمد أنور** · 28-11-2008 08:43 PM

أنا خلاااااااااااااااص هطق :s:s:s:s:s:s:s
بصوا يا جماعة .. انهاردة رحت للكهربائي اللي بتعامل معاه .. الحوار اللي حصل كالآتي :
سلامو عليكو .. و عليكم السلام .. امال الاسطى سامي فين .. الاسطى سامي خرج مشوار أؤمر .. عندي لمبة زينون طافية كنت عاوزه يشوفهالي .. لمبة زينوم ؟ اشوفهالك انا دلوقتي ..
فتحنا الكبوت .. ده كده عاوز لمبة و عشان نتأكد هنشيل اللمبة و نركبها مكان الشغالة ..
و فعلا نقل اللمبة و مشتغلتش .. طيب رجع كل حاجة زي ما كانت و ركب اللمبة السليمة مكانها على ما نجيب لمبة تانية .. ركب كل حاجة زي ما كانت و جرب الاقي التانية كمان مش شغالة !!!
قلتله ايه اللي حصل بيقلي ممكن تكون اللمبة المحروقة عملت قفلة فالجهاز الشغال طيب و الحل .. استنى اشوف القفلة فين .. و قعد يفك كل حاجة و يركبها تاني مشتغلش برضه .. قالي روح لبتاع الكترونيات يبصلك عليه .. فقلتله طالاما انت ملكش فيه بتلعب بتلعب فيه ليه .. فبيقلي على اساس اني اول مرة اشتغل في زينون .. قلتله انت شكلك ولا شفته قبل كدة اساسا ..
ببص لقيت الاسطى سامي داخل .. ازيك يا اسطى سامي .. بص اللي حصل كذا كذا كذا .. قالي مش مشكلة نشوف لمبتين تانيين غير دول الواحدة ب 80 جنيه .. قلتله و اللي حرقها الصبي اللي في ورشتك ده مين يتحملها .. قالي قول الحمد لله و قدر الله و ما شاء فعل .. قلتله يعني ايه يعني انا جايلك بلمبة قايدة والتانية محروقة امشي بيهم الاتنين محروقين ؟ .. قالي معلش و انا مكنتش فالورشة و المفروض مكانش شال حاجة بايظة و ركبها مكان حاجة سليمة و قدر الله و ما شاء فعل ..
بصراحة لولا اني عارفه وبتعامل معاه من زمان كنت مسكت فيه .. دلوقتي انا قرفان عالآخر و مش عارف اعمل ايه ..؟؟؟!!!

**essa** · 28-11-2008 08:53 PM

انت الغلطااان شايف الصبى واقف والاسطى مش موجود ايه اللى خلاك تخليه يمد ايده على العربيه انت كنت استنيت الاسطى او مشيت وجتله فى وقت تانى على العموم قدر الله مَاشًاء فعل والحمد لله انها عملت قافله وحرقت اللمض وماحرقتش حاجه تانى !
وانا من رأيي حاول تصبر نفسك باللمض الاصلى بتوعها عقبال ماتشوف على مزاجك وتختار اقل سعر لانضف حاجه وعلشان كمان ماتتخمش فيهم .

**bee** · 28-11-2008 08:58 PM

شوف يا باشا
انا من فترة عندي لمبة باظت من الحادثة
وجبت مكانها واحده بــ 120 واخدتها من نفس الطقم الي راكب عندي ( صيني) تكة واحده الكلام ده من شهرين تقريبا

حاجه تانيه بقه ..
مش منطقي انك لما تركب لمبة على موديول تانى يحرقها ده كلام غريب شوية
هو ممكن يكون مسكها بايده على طول وده الي حرقها

الموضوع: حد يعرف تمن لمبة الزينون بكام ؟

LinkBack

أدوات الموضوع

عرض

-

-

-

-

-

-

المواضيع المتشابهه

حد يعرف بكام كاست وشاشة الgps للفلوانس بكام؟

حد يعرف نوع وموديل لمبة الزينون فى كورولا ٢٠٠٩ ؟

لمبة الزينون اليمين مش شغالة

الزينون بكام دلوقتي ؟؟

حد يعرف الزينون بكام؟؟

الكلمات الدلالية لهذا الموضوع

المفضلات

المفضلات

ضوابط المشاركة