طبعا نيسان ( لا .. نقول وكيل نيسان هنا ) اساء لسمعه العربيه بعدم تحمل اخطاء تصنيع .. و بيتصرف باجرام و قله ذوق مع العملاء ( اللى شاريين منه عربيات غاليه ) حسب ما قرأنا كلنا فى الموضوعات الخاصه باعطال الفتيس
و كمان نيسان اساءت لنفسها بهذه الموديلات
و المفروض شكوى جماعيه لنيسان اليابان .. و عدم الاقبال على شراء سيارات نيسان لحين رد نيسان اليابان و حل مشاكل عملائها
الملاحظه ان العيب ظاهر بس فى ال SUV جوك و قشقاى
كان احد الاعضاء رد فى المنتدى بخصوص الفلوانس ان كل شيئ تمام و العربيه عامله 100 الف او اكثر ( حسب ما اتذكر من كلامه ) .. السنترا ما سمعتتش حد اشتكى لحد دلوقتى فى المنتدى
بس لما ظهرت السنترا التايلاندى .. كنت كتبت فى المنتدى رد بالمزايا و العيوب .. و كان فيه شكوى فى السعوديه ان الفتيس بيسخن ( موش بيعطل ) لما يمشوا على سرعات عاليه لمسافات طويله 160 او اكثر سرعه .. بيطلع سخونه داخل الصالون
الشكوى دى كانت فى السعوديه .. قبل نزول السنترا التايلاندى او فى اول نزولها
و اختى اشترت سنترا لسه مستلماها من كام يوم .. و فهمتها كل موضوع السخونه فى فتيس السنترا اللى اشتكوا منه فى السعوديه ( بس وقت ما حجزنا ما كانش ظهر عيوب الجوك و القشقاى او حد اتكلم فيها ) .. و مع ذلك انا رشحتها لها كافضل الموجود بثمن معقول .. بس انا حاخليها تغير زيت الفتيس على 50 الف حتى لو الضمان ضاع ( ما لم يجد جديد فى اللى انا فاهمه )
عموما انا قرأت مره برشور بتاع اشهر شركه فتيس فى اليابان .. و كان فيه ملحوظه عن الاستخدام الشاق للفتيس مما يستوجب تغيير الزيت بصوره مستمره على فترات اقل .. الكلام ده كان عن زيت الفتيس الاوتوماتيك العادى ( موش ال CVT ) .. و اظن مفيش استخدام شاق اكثر من مصر .. العربيه ماشيه اول او تانى او واقفه معظم الوقت
عموما كان فيه موضوع عن زيت الفتيس Life time فى المنتدى .. و ان احتمال يكون ده سبب فى ظهور هذا العيب ؟؟
اقرأالموضوع ده حتفهم موضوع زيت الفتيس Life time
توجس وحذر وطلب الرأي بخصوص فتيس القشقاي 2013