-
ارجو رد عاجل لو سمحتم
انا هشتري عربية النهردة ان شاء الله عن طريق معرض بتاع واحد معرفة المهم ان البايع هوة ابن صاحب العربية بيقول انه بيبيع عربية والده وفعلا اتئكدت من اسمه في البطاقة ولقيته ابنه وبيقول ان والده عايش بس هوة هيبيع بداله عشان هوة بعيد عننا شوية والعربية باسم والده طبعا وهوة معهوش توكيل فياتري ائمن طريقة اشتري بيها هية اية يعني المفروض اني كنت هدفعله معظم المبلغ وهستلم العربية والباقي عند التخليص بس مش عارف بقي كدة لما هنمضي العقد الابتدائي دة هوة هيمضي ازاي وهوة مش صاحب العربية وهيمضي باسم مين الحقوني بالرد ارجوكم عشان هشتريها بعد صلاة الجمعة ان شاء الله
-
اذا كان الابن عنده توكيل من الاب يبقى توكل على الله
غير كدا اوعى تعمل حاجه زي كدا
الدنيا مبقاش فيها خير
اتأكد الاول من التوكيل عشان البيع بالشكل دا مش هيكون رسمي
والله اعلم
-
لازم يكون معاه توكيل من والده بيبيع العربيه طبعااااااااااا
وحاسب عشان فعلا الدنيا مبقاش فيها خير !
-
يا اما يكون الابن معاه توكيل يا أما الاب هو اللي يمضي ويبيع
-
اوعى تشتري منه الا لما يكون معاه توكيل عام او توكيل للعربيه لو اشتريت منه من غير كده ممكن الاب يقول انك سارقها لانه مابعلكش حاجه وتبقى خسرت فلوسك على الاقل
-
لازم وجود توكيل من الاب للابن و الا يكون البيع غير صحيح و يمكن ان يسترد الاب عربيته فى اى وقت لانه لم يوافق مباششرة او يتوكيل من احد ...
-
لازم كمان الاب يكون عايش
والا الورثة هيطعنوا فى البيع امام المجلس الحزبى لو فى اولاد قصر لأن تاريخ البيع كده هيكون بعد تاريخ الوفاة
-
زي الكل ما اجمع .... يا يكون فيه توكيل او الاب نفسه يكون موجود و يوقع .
و ربنا يوفقك .
-
لازم يكون معاه توكيل من الاب زى ما الكل اجمع او ممكن لو عايش بره مصر يعمله بره ويتختم من الشهر العقارى
-
صح كلام
وبعدين انت مش ضمن مش ممكن يكون مسبتة من ابوة او وخدة من وارة مثل عامل نسخة على المفاتيح من وارة
Content Relevant URLs by
vBSEO 3.6.0 PL2