السلام عليكم ورجمه الله وبركاته
أولا انا زعلان جدا جدا من الاعضاء اللى مبيسهموش معانا بدور وحتى مش مكلفين نفسهم حتى لوو برد انا زمان قولت الكلام ده وناس قلت لى لآ يا عم عندهم ظروف لحد ماجالى احباط وأظن عندى حق مع أنى عارف ان فيه ناس عاوزه تشارك بس مستغرب والله بجد ليه كدا
وياما تنبح صوتى ياريت يا جماعه نتقابل كل واحد يقول ياسلام فكرة ممتازة واللى يقول نفسي والله .وان شاء الله.والزعيم يقول عاوز سندوتشات
يعنى أحنا ملناش خاطر عندكوا ولا ايه قلت معلش يا هيرو استحمل
وبقيت ابص على المنتدى كدا من بعيد لبعيد
جه المعلم نور وأضاف للمنتدى روح جميله وعزيمه وهو من الشخصيات المحترمه جداجدا وبحبه اوى فى الله قال
يا جماعه عاوزين نتقابل ونتعرف حسيت بأحساسه وقلت والله تمام أوى
وعمل يا عيني موضوع وأستطلاع على الميعاد للمقابلة وقليل اللى دخل والأكتر اللى أعتذر الراجل أحبط وقلى يظهر مفيش فيدة
للدرجه ديه.فى الحقيقه انا مقدرش على زعل الراجل ده أبدا
وقلت له أنا جاى والزعيم هانى واللى شارك فى الموضوع بأيجابيه وانا والله قادر أجيب ناس كتير من عندى بس عاوزين أعضاء المنتدى
فين كريم ومحمود وتامر وبيشوو وليد و مصطفى وكل الاعضاء
يا جماعه والله حدا ميصحش ابدا
مش معقول ناس غرضها الخير والحب فى الله يقبلوا التجاهل ده منكم
الرجل صمم لوجو للمنتدى واخد رأيكم وطبعه والكل قال رقم 2 أجمد واجد وجميل
وناس كتير شركت واللوجو ده هنعمل بيه تخفيضات على أسعار قطع الغيار الجديدة والاستيراد والزيوت والبنزينات
نجى للجد وللمقابلة وتوزيع اللوجو منلقيش حد عاوز يشارك بالذمة ده ينفع
على العموم أحنا معاكم لأخر نفس واللى يقدر المجهود ده ويساهم معانا هنشيله فى عينينا وهنكون أيد وحده وصحاب واللى مش عاوز هو حر
واحنا معاكوا للأخر وأقترحنا أخر معادين
وفى حاله عدم جدوا موضوعي وده المتوقع طبعا عن تجربه سابقه
فهضطر لترك المنتدى وكفايا عليه اللى هعرفهم فى المقابلة
وشكرا