تقرير عن الالفاروميو الجوليتا 2015
الحمد لله ربنا هداني بعد اكتر من 3 شهور بحث في كل العربيات ابتداءا من الكوري لحد الالماني لاني دايما وانا بشتري عربيه لازم شرط اساسي وهو ماتكونش منتشره.....
*الشكل الخارجي..
ماشاء الله اسطوره بكل ماتحمله الكلمه من معني جميله جدا ملفت للانتباه جدا والشكل الامامي والخلفي تحفه بمعني ادق من وجهة نظري 10/10
*الشكل الداخلي
التابلوه جميل فعلا ولاكن يوجد بعض الملحوظات
1-فقير نسبيا للتابلوهات العاديه .شاشه في التابلوه صغره مش كبيره زي الليون مثلا, الكاسيت شاشته صغيره
2-الاضاءه الداخليه مش كتيره مش زي البي ام مثلا
3-اضاءه الصتاون عند فتح الابواب ضعيفه وخاصه ان فرش السقف اسود
تقيمي الشخصي 8/10
الصالون فرش جلد طبيعي حقيقي تحفه فنيه ومريح جدا ومع خاصيه lumber support والكراسي الاماميه هيدروليك وفعلا مريحه جدا ويوجد مخدع يد في المنتصف امامي وخلفي
تقيمي الشخصي 10/10
*مساحات التخزين
الشنطه مش عارف حجمها بالظبط ولكن حلوه جدا مش ضيقه خالص ممكن تاخد شنطتتين سفر كبار وواحده صغيره عن تجربه
للاسف مافيش اماكن كتير حوليك وانت سايق تحط فيها الموبيل مثلا ولكنها مرضيه
تقيمي 8/10
*الماكينه
1400 تربو multi air 170 حصان ماشاء الله جري غير طبيعي وصلت 230 وكان لسسه ممكن تجيب اكتر ولكن الطريق كان زحمه وبتجيبهم بسهوله اوي... ومرضيه جدا
ملحوظه ال بي ام 320 والشروكو المعدله تتطلع منها الفتيس مش بيخلي طلعتها قويه زي ال فتيس الشروكو وال بي ام
واستهلاك البنزين حلو اوي بتعمل حوالي 230 كم في 20 لتر في المتوسط
تقيمي ليها 9/10
*الامكانيات
1 -بانوراما اماميه وخلفيه مع امكانيه فتح الاماميه
2-باركنج سنسور امامي وخلفي صوت وصوره
3-day time light led
4-ليدات امامي وخلفي
5-مرايات ضم كهرباء
6-مقابض نيكل ونيكل علي الابواب
7-فاميه خلفي وجانبي ملون غامق
8-جنوط 17 جميله جدا
9-فرش جلد احمر او جملي او اسود حسب لون العربيه
10-مثبت سرعه مع محدد سرعه
11-بلوتوث كامل تقدر تقرا الرسايل وتتصفح الاسماء وكل الملتيميديا والتحكم فيها من الطاره او الكاسيت
12-تقدر تختار طريقه واسلوب القياده من بين 3 انظمه sport>>>normal>>>eco
13-تكيف duel zone وفتحة تكيف خلفيه
14-مخرج usb >>aux
15-فتيس 6 نقلات مش زي بتاع البرافو وكمان شفتات في الطاره
16- مفتاح ريموت 2 شكله تحفه فعلا
17-طبعا abs <ebd<asr
18- ايرباج 8
19-التابلوه لونين مع الفرش
العربيه ماشاء الله تحفه وكمان لما رحت اعمل صيانة 10000 سالت علي اسعار قطع الغيار حلوه جدا تيل امامي كل 30000كم 750 جنيه
خلفي 525
فانوس امامي 2000 بالضريبه
فلتر زيت 65
فلتر هواء 120
كان نفسي ارفع الصور بس للاسف مش عارف