-
اسئله مهمه عن اللانسر
اخوتى الافاضل اخوكم عاوز يركب دواسه جلد لارضيه العربيه كلها تتكلف كام و هل السروجى هايشيل الكراسى ولا لا ، و بالنسبه لصيانه ال 1000 كم باتصل بمركز الخدمه قبلها بكام يوم و بتتكلف كام و بالنسبه للمفتاح الريموت الاصلى بتاع العربيه هل ينفع اطلع عليه كذا نسخه عند اى حد بتاع مفاتيح و لا لازم حد معين علشان الكود , ومعلش اى استفسار تانى هاكتبه هنا علشان فييه اسئله كتتير عن العربيه :D , و شكرا مقدما
-
افتكرت كمان سؤال مهم المفروض لما اجى اطلع بالعربيه اسخن العربيه الصبح اد اييه و باقى اليوم اد اييه ؟؟
-
الف الف مبروك و ربنا يباركلك فيها ان شاء الله و يكفيك شرها و تاخد خيرها كله
اولا المفتاح ما ينفعش تطلع عليه لانه مشفر يعني لو طلعت عليه حيفتح الابواب بس انما مش حيدور العربية و ده نظام امان جميل جدا
ثانيا فرش العربية في توكيل الخليجي في اسكندرية شاما كراسي و ارضية و لازم حيفك الكراسي و دي ما فيهاش مشكلة لو السروجي كويس حيكلفك من 800 ال 900 جنيه و ممكن تاخد الشنطة فوق البيعة
طالما انت لسه ما حبتش الف كيلو و الجو اليومين دول حر فالموضوع مش محتاج تسخين دور و امشي علطول و ما تشغلش التكييف الا لما مؤشر الحرارة يوصل لمعدله الطبيعي
صيانه الالف في الخليجي بتكلف 140 جنيه و هي تشمل تغيير زيت و فلتر و check كامل علي العربية من تربيط عفشة و متابعة انواع الزيوت و سير الكاتينة و تنظيف فلتر التكييف و لازم برضه حضرتك تعرف منهم ايه اللي تم في العربية و تظبطهم قبل ما يبدأو شغل في العربية و ربنا يوفقك
محمد فهمي
-
جزاك الله كل خير يا استاذ محمد و انتا دايما سباق فى المساعده و المشوره حتى من ايام كونتكت , شكرا جزيلا
-
بالنسبة حضرتك لموضوع الصيانة ممكن حضرتك تتطلع على هذا الموضوع :) و لو فى أسئلة أخرى أنا تحت أمرك ,
http://www.nilemotors.net/Forum/viewtopic.php?t=2099
-
الف شكر يا استاذ اسلام و جزاك الله كل خير
-
احمد باشا
متشوف العرض اللى كان كريم منير جابه عند سروجى ممتاز فى الحرفيين
اللينك اهه:
http://www.nilemotors.net/Forum/viewtopic.php?t=3617
-
شكرا جزيلا يا دكتور معاذ :)
-
يا باشا انا تحت امرك فى اى حاجة
بس انت طمنا اول باول عملت ايه فى العربية
-
الحمد لله ركبت فرش جلد بيج جبته من محل من عندنا فى المنصوره ب 250 جنيه و عليه علامه المتسوبيشى و شكله تحفه و ركبت ااسبويلر جبته ب 250 جنيه و رشيته ب 50 جنيه و شكله جميل جدا زى الاصللى بالضبط و ركبت انزار اسمه sub zero ب 185 جنيه و ده بقى تحفه لوحده علشان بيشتغل على ريموت العربيه و مش باحتاج اغير اى حاجه فى المفتاح او الشريحه :)
Content Relevant URLs by
vBSEO 3.6.0 PL2