لسه مكلم توكيل دايموند و سألتهم لو أنا معايا قطع غيار "فلتر هواء و زيت" و هما يركبوهم فى الصيانة و قالولى ينفع .. مش لازم أشتريها من عندهم
سؤال كده ... إيه أوفر ..أجيب الفلاتر و الزيت من بره و لا مش فارقة كتير فى الفلوس
لسه مكلم توكيل دايموند و سألتهم لو أنا معايا قطع غيار "فلتر هواء و زيت" و هما يركبوهم فى الصيانة و قالولى ينفع .. مش لازم أشتريها من عندهم
سؤال كده ... إيه أوفر ..أجيب الفلاتر و الزيت من بره و لا مش فارقة كتير فى الفلوس
حضرتك هتغير فلاتر ايه يا فندم لو حاجات بسيطه ممكن تشتريها و نركبها ف البيت و مش هتحتاج ان شاء الله توكيل الا مثلا لو فلتر البنزين عشان فك و تركيب و مربوط ف العوامه يبقي التوكيل احسن بس عموما هو اي توكيل يعني تضرب سعر التركيب ف اتنين لو الصنايعي بره هييركب مثلا ب10 جنيه يبقي ف التوكيل هتدفع 25 ف نفس الشغل
شكرأ لرد حضرتك .. والله أنا مضطر أروح عشان صيانة ال 20 ...غير كده مكنتش عتبته :)
فلتر هواء+ فلتر زيت + زيت توتال ... سعر الصيانة 1020 من غير 10% ضريبة
يا خبببر 1000 جنيه ف شويه الحاجات دي
فلتر البنزين ب50جنيه اصلي و 330 سعر زيت موبيل او شيل او بترومين دا اعلا سعر لانضف زيوت في مصر علي ما اعتقد و فلتر الهو ا الاصلي مش بيعدي 300 جنيه بتاع بلادها يا فندم :crying2::N_no[1]::N_no[1]:
اشتري الحاجه من برا احسن يعني الزيت و الفلتر هاته من البنزينه اللي هتشتري منها الزيت و فلتر الهوا من اي مكان مضمون و اتاكد انه اصلي و شوف هياخدو كام ف تركيبهم
و الله لولا ان حضرتك لازم تروح عشان يثبتو الصيانه كنت قولت لحضرتك روح اضربهم بالجزمه دول شويه حراميه لولا الصيانه كنت قولت لحضرتك تركبهم ف البنزينه و العامل هياخد 5 جنيه تركيب و يرطب ع العربيه كمان هههههههههههه
اتمني تتقبل مروري يا فندم
اهم حاجه يا فندم كلم المهندس المسؤل عن الصيانه عشان ما تشتريش الحاجات و تيجي تركبها يقولك لا سورى ما اقدرش لانها حصلت معايا ف توكيل تويوتا القصراوي و قلعتلهم هناك بلبوص و كنت هضرب المهندس بسبب كلمه زى دى
ربنا يكرمك ..و متشكر اوى لزوق حضرتك
ياعم ده في البنزينه بيغير لك الزيت والفلتر ب10 جنيه
وسعر الفلتر الاصلي 90 جنيه
والزيت ب340 جنيه
فلتر الهواء في دياموند ب320
وده غالي جدا .. اغلى فلتر هواء في تاريخ البني ادمين فاكرينها باسات ديه ولا ايه مش عارف
لانه برا مش هيزيد عن 100 جنيه