شكرا على التقرير
عاجبانى اوى الكاميرا اللى فى المرايات ومتصلة بالكاسيت
الجلد الفخم
الواجهة الامامية اتغيرت للأفضل
الخلفية شكلها مش اوى
السعر طبعا مبالغ فيه
شكرا على التقرير
عاجبانى اوى الكاميرا اللى فى المرايات ومتصلة بالكاسيت
الجلد الفخم
الواجهة الامامية اتغيرت للأفضل
الخلفية شكلها مش اوى
السعر طبعا مبالغ فيه
لو أننى إمتلكت هذه السياره فى يوم من الأيام فهذا ما سأفعله:
1 - سأضعها فى جراج خاص
2 - عندما أريد الإستجمام سأنزل من البيت لأجلس بداخلها . . . و أسترخى
3 - لكن صدقنى . . . لن أسير بها فى شوارع مصر أبدآ
هذه السياره خساره فى شوارع مصر . . . و ستفشل فى مصر إن لم يكن بسبب سعرها المبالغ فيه سيكون بسبب أسعار قطع الغيار
نتمنى من الله ان السعر يبقى معقول بس ده صعب مع الأسعار النار دلوقتى
تحفه جديدة لمحبي السيفيك
انا اخمد بالي ان الي بيحسب ثمن العربية المتوقع بيحسبه على اساس سعرها في دول الخليج وده في نسبة خطأ تقريبا 20% بمعنى ان احنى ماحطناش في حساباتنا الاتي:
1- مكسب توكيل دول الخليج والي هو متوقع يكون من 10 ل 15 الف ريال او درهم.
2- تكلفة الشحن لدول الخليج اغلى عشان المسافة و تكاليف قناة السويس الي السفن لازم تعدي عليها عشان توصل لدول الخليج والي متوقع انها تفرق في العربية مثلا 5 ريال او درهم.
يعني مفروض تكون الرخص من الرقم الي احنا شايفينه ده ب 15 او 20 الف درهم او ريال يعني 50 الف جنيه تقريبا والنتيجه ان سعر العربية فروض يكون تقريبا بعد الجمارك ومكسب الوكيل 300 او 310 الف جنيه.
ولو هانحسب سعرها من امريكا فأغلى سفيك فيكي يا امريكا ب 26500 دولار يعني 235,320 جنيه مصري (ده شامل برضه ربح الوكيل في امريكا) والي هي مش هاتنزل عندنا بنفس المواصفات دي (ومانزلتش في الخليج برضه بالمواصفات دي)
وخلي بالكو ان التوقعات دي ممكن توصل بشكل او بآخر للتوكيل لو كان بيعمل دراسه للسوق ومن هنا نلاقي سعر العربية مولع لانهم شايفين الناس متوقعه السعر ده.
ده رأيي المتواضع والله اعلم
العربية خرافة طبعا.. وفي رأيي إنها لازم تبقى كده لإن السيفيك طول عمرها هي اللي بتحط المثل اللي العربيات التانية بتقلده.
وأنا شخصيا شايف إن شكلها المرة دي أفضل كتير من الجيل اللي فات.. سواء من الأمام أو من الخلف.. بس أنا مش بحب شكل الشنطة اللي خلى العربية بقت ليفت باك... مش سيدان.
بالنسبة للسعر... فبرده معروف إن هوندا طول عمرها أغلى السيارات اليابانية...
يمكن السعر مبالغ فيه شوية صح... بس شوف كمية الأوبشنز والمميزات اللي في العربية.. وقارنها بعربية تانية فيها نفس التجهيزات دي... هتلاقي الفرق قليل جدا..
أنا فاكر إن السيراتو الهايلاين في السعودية وصل سعرها حوالي 80 ألف ريال.. وده أعلى من عربيات ياباني كتير في نفس الفئة.. وأعلى كمان من الكيا أوبتيما (الفئة الأعلى) الفاضية..
وده شيء طبيعي.. إنك لو عايز تجيب الهايلاين من موديل هتلاقيه أغلى من الفئة الأولى من الموديل الأعلى منه.
ملحوظة بالنسبة للكاميرا الجانبية...
الكاميرا الجانبية موجودة في موديلات هوندا الكبيرة.. وأنا ركبت هوندا أوديسي وكان فيها كاميرا جانبية بردو وكل المميزات بتاعت الكاميرا الخلفية..
الميزة فعلا إن الكاميرا دي تنزل للفئة بتاعت السيفيك... ودي أحد المميزات اللي مخلية سعر السيفيك في فئة لوحده.
اللي عايز يتميز... لازم يدفع.
...
السيراتو الهاي لاين ب 60 الف ريال
السيفيك الهاي لاين عامله 100 الف ريال
ودة بصراحه جنون ما بعده جنون
الناس في السعوديه هنا هاملين العربيه دي اصلا ومحدش بيفكر فيها ولا بتتجاب
كده العربيه دي عمره ماحد هايجبها وسلملي علي الهوندا بقي
الهيونداي الازيرا ب 85 الف 3500 سي سي
الكامري ب 80 الف والبيز لاين ب 73 الف ريال 2500 سي سي
السوناتا ب 65 الف ريال 2400 سي سي
الباجيرو ب 79 الف ريال 3500 سي سي
الاكورد بتبتدي من 95 الف ريال
بص علي اللينك ده
https://haraj.com.sa/1113704978/هوند...فار_2016_/
مين هيسيب اكورد ويجيب سيفيك
مين هيسيب الوحوش دي ويروح يركب سيفيك !!!
لابد من مراجعه سعرها لان العربيه كده بتنتهي خالص
على عكس المتوقع ان اشوف العربيه عند كتير من شركات التاجير بس لسه مانتشرتش في الشارع رغم ان كله طبعا بيجيب 2000 سى سى لان موضوع البنزين والتربو ده مش فارق معاهم
عقدتناااا ياعم حرام عليك ....