الموضوع: رأيكم ونصيحتكم فى بيجو 307 موديل 2007

السلام عليكم ورحمة الله وبركاته
انا حاليا بعد البحث الكتير ناوى على بيجو 307 موديل 2007 بعد المقارنة مع رينو ميجان 2007 هاتشباك لانى عايز ابعد عن الافيو واللانوس والنوبيرا والفئة دى بس عايز اعرف ارائكم فيها خصوصا ان معظم الاراء بتكون يا ايجابية جدا يا سالبية جدا مفيش الوسط و عندى كام سؤال بس :

1- هل فيه عربية افضل منها فى نفس السعر بس اهم حاجة متكونش موديل قديم يعنى 2005 فيما فوق ويفضل هاتشباك بس لو فيه حاجة سيدان مميزة ممكن افكر فيها وتكون اوتوماتيك

2- الاستخدام اليومى سفر 100 كم او اكثر من محافظة لمحافظة نظرا لظروف الشغل فهل العربية دى تستحمل وايه نظام اسنهلاكها للبنزين والتكييف

3- ايه المصاريف المتوقع ان اصرفها عليها بعد الشراء وافضل طرق الكشف عليها

4- هل سعر 70000:75000 مناسب للعربية دى على حسب الحالة ولا لأ

منتظر ارائكم ونصائحكم
وشكراااااا

رأيى الشخصى ان العربية نفسها جميلة ولا غبار عليها..لكن وهى جديدة
موديل الفين وسبعة معناه ان مشاكلها هتكون بدإت وصيانتها بقت محتاجة عناية اكتر واهتمام وفهم فى تفاصيلها
وقرب من اماكن صيانتها مع المقدرة على تحمل التكاليف.
وده سر ان اسعار عربيات قوية وجميلة زى دى تنزل الارض عن السعر اللى معروض على حضرتك كمان
وبتكون تقيلة فى البيع.
وحضرتك من اللى ذكرته عن ظروف شغلك محتاج عربية ما تشغلش بالك بيها وتكون اد الطرق اللى حضرتك هتتعرضلها اللى احسنها هيكون الزراعى مثلا.
انا احترت الحيرة بتاعة حضرتك واستقريت نفسيا على اللانوس!
لكن عن تجربة:
لو ناوى تجيب بيجو حمولة وشيك وفى رنج السعر ده واقل ..
ومصاريفها اقل فى الصيانة وقطع الغيار:
هات بيجو 406 مانيوال
حالة كويسة واعمللها السيرفيس بتاعها وهتتحمل معاك جدا ان شاء الله.