السلام عليكم

بقالى كتير مدخلتش بس كان لازم أجى أستشير ذوى الخبرة

انا شارى العربية مستعملة و هى عملة 52000 كيلو و هى عاملة 62300 اول ماشترتها غيرتلها فلتر هوا و بنزين + سير كاتينة + سير باور + زيت + تيل فرامل أمامى

البوجيهات مغيرتهاش عشان ساعت ماشترتها الميكانيكى قالى الى راكبة أحسن من الجديدة

المهم انا عندى حاليا مشكلة فى عفشة العربية حاسس انى فى أصوات كتير طول ما أنا ماشى + ان العربية صوتها بيعلى قبل ماتجيب السرعة المخصصة لكل غيار

و أنا مغير زيت قريب ماكماتش بيه 500 ك من إمارات مصر

المهم أنتوا إيه رأيكم أروح التوكيل أعمل صيانة 60.000 ولا أروح أغير بوجيهات و أربط عفشة برة

لأنى لما سئلت التوكيا قالى الصيانة شاملة تغيير سيور و فلاتر و بوجيهات و طلمبة مياه و بس و 1400 جنية و لو ى أى حاجة تانية بدفع ثمنها غير إن انا مش بعمل صيانة عادة فى التوكيل.

انا حاسس أنى مشكلت علو صوت المتور ده بوجيهات فأنا عايز رأيكم و لو كده أحسن بوجيهات إيه و أحسن واحد بيعما عفشة فين

انا ساكن فى وادى حوف عشان الأماكن البعيدة

و شكرا و مستنى ردودكم