محتار: نيو اوبترا مصرى ولا بروتن بيرسونا ماليزي

**ehabomar1987** · 22-04-2016 11:39 AM

باترا فيه حد راح شاف الاوبترا المصري مواصفاتها وكماليتها والناس اللي معاها الاوبترا المستوردة اخبارها ايه وهي افضل ولا البروتن بيرسونا ياريت مقارنة عادلة وواضحة بكل التفاصيل ولو اي حد عنده معلومة ياريت يشاركها معانا والعربيتن في نفس السعر تقريبا

**tamer61** · 22-04-2016 02:24 PM

المشاركة الأصلية كتبت بواسطة ehabomar1987

باترا فيه حد راح شاف الاوبترا المصري مواصفاتها وكماليتها والناس اللي معاها الاوبترا المستوردة اخبارها ايه وهي افضل ولا البروتن بيرسونا ياريت مقارنة عادلة وواضحة بكل التفاصيل ولو اي حد عنده معلومة ياريت يشاركها معانا والعربيتن في نفس السعر تقريبا

انا اتفرجت عليها امبارح وكمان معايا الاوبترا المستوردة (الصيني) ... بالنسبة للمصري اللي شفتها ... عربيه كويسه جدا وواضح من تقفيلها انها معموله حلو .... الفروق عن الموديل المستورد ... تغيير طفيف في تصميم التابلوة بحيث بقا لونه رمادي غامق في بيج فاتح ... تغيير لوحة العدادات ... الطارة بقت جلد طبيعي والكلاكس بقا في النص مش الجانبين ... زجاج خلفي فاميه ... فرش الجلد والأرضية والرف الخلفي (اللي ورا الكنبه الخلفية) كلهم بقوا لون بيج فاتح ... مسند الايدي اللي في فرش الباب بقا جلد بيج يعني فخامته اعلي ..... الموتور والفتيس والعفشه واحده في العربيتين

نيجي بقا لميزات الاوبترا عموما ... مع العلم العربيه معايا من سبع شهور وعامل بيها ١٦ الف كيلو بفضل الله بدون مشاكل

صالون واسع جدا وفخم مع الفرش الجلد ... ثبات ممتاز علي الطريق وعلو العربيه مناسب جدا لطرق مصر .... فتيس ٦ سرعات بيدي اداء ممتاز وكمان بيخلي ال أر بي ام دايما قليل علي السرعات المختلفة وده بيخليها موفرة في البنزين .... تصميم العربيه جميل وشكلها انسيابي جدا .... فرامل abs و فيها كمان ebd وبصراحة فراملها ممتازة جدا .... الدركسيون فيه مالتي فانكشن خاصه بالكاسيت فقط .... إجمالا اداء العربيه كويس ومرضي جدا

يعيبها من وجهة نظري وهنا بتكلم علي المستوردة مش المحلي ... خامات التابلوة والابواب من الداخل كانت ممكن تبقي أفضل من كده ... وده أفتكر تحسن بنسبه كويسه في الانتاج المصري

حاولت إديلك نبذه عن العربيه والفرق بين الاتنين (محلي ومستورد) ومن اللي شفته في العربيه المصري انا متفائل جدا جدا انها حتبقي كويسه من ناحية التقفيل والخامات بإذن الله

ربنا يوفقك للخير دايما .... ولو ناوي علي الاوبترا احجز علي طول نازله بسعر حلو جدا ومحدش عارف ممكن تغلي ولا لأ

**ehabomar1987** · 22-04-2016 03:16 PM

شكرا يا استاذ تامر على رايك وتوضيحك انا ميال اكتر للنيو اوبترا بس خايف وقلقان من موضوع التقفيل المصرى والحاجة الوحيدة اللى فكرت علشانها فى البيرسونا هى انها تقفل برة

**tamer61** · 25-04-2016 12:15 AM

المشاركة الأصلية كتبت بواسطة ehabomar1987

شكرا يا استاذ تامر على رايك وتوضيحك انا ميال اكتر للنيو اوبترا بس خايف وقلقان من موضوع التقفيل المصرى والحاجة الوحيدة اللى فكرت علشانها فى البيرسونا هى انها تقفل برة

بص يا باشا .... انزل اتفرج عليها في اي معرض لمنصور وبإذن الله حتعجبك جدا .... وعلي فكرة انا زرت خط الانتاج بتاعها في جنرال موتورز في ٦ اكتوبر .... حاجه مشرفه بصراحه .... اتفرج عليها وانا واثق انها حتعجبك

**JAM** · 01-05-2016 02:50 PM

تقفيل مش قد كدة.. النيو اوبترا المستوردة برقبتها

**Mohamed Desoky** · 01-05-2016 03:23 PM

المستورده افضل مع انى بكره علامة الشيفورلية بحسها انها مسروقه ومحتوطه على عربيه هيا الكورفت عليها علامة شيفورليه الامريكيه لانها امريكى والشركة شيفورلية طيب ليه الانوس شيفورلية هيا مش دايوه المفروض كورى كل ده نصب الاوبترا دى اسمها بايجون صينى وn300 دى ميكروباص صينى وحجات تانيه من مصنع دايو فى بلغاريه انا مش فاهم ليه الوكلاء بيدوخونه من الصين والهند وبلغاريه ويحط العلامه التجاريه بتاعته ليه ماتنزلشى العربيات باسمها الاصلى والعلامه التجاريه الاصليه او حتى منصور وغبور يعمله عربيه ب3 عجلات ويكتبه عليها صناعه مصريه وعلم مصر عليها بدل اللملمه من كل بلد حته وفى الاخر كله للاستعمال المحلى المحلى فقط مفيش حد صدر حتى فردة كاوتش لاى بلد فى الاخر اشترى من المصنع الاصلى بلاش الوسيط اللى بيجمع اقل الخامات ويبلع فى كرشه كل المكسب وكله من جيب المواطن اللى بيحوش كام سنه علشان الزيرو والوكلاء مايركبشى غير المانى مايعرفشى يركب منتج مصنعه لانه خايف على حياته ومش مهم حياة المصريين

**Colin Chapman** · 02-05-2016 08:45 PM

المشاركة الأصلية كتبت بواسطة Mohamed Desoky

المستورده افضل مع انى بكره علامة الشيفورلية بحسها انها مسروقه ومحتوطه على عربيه هيا الكورفت عليها علامة شيفورليه الامريكيه لانها امريكى والشركة شيفورلية طيب ليه الانوس شيفورلية هيا مش دايوه المفروض كورى كل ده نصب الاوبترا دى اسمها بايجون صينى وn300 دى ميكروباص صينى وحجات تانيه من مصنع دايو فى بلغاريه انا مش فاهم ليه الوكلاء بيدوخونه من الصين والهند وبلغاريه ويحط العلامه التجاريه بتاعته ليه ماتنزلشى العربيات باسمها الاصلى والعلامه التجاريه الاصليه او حتى منصور وغبور يعمله عربيه ب3 عجلات ويكتبه عليها صناعه مصريه وعلم مصر عليها بدل اللملمه من كل بلد حته وفى الاخر كله للاستعمال المحلى المحلى فقط مفيش حد صدر حتى فردة كاوتش لاى بلد فى الاخر اشترى من المصنع الاصلى بلاش الوسيط اللى بيجمع اقل الخامات ويبلع فى كرشه كل المكسب وكله من جيب المواطن اللى بيحوش كام سنه علشان الزيرو والوكلاء مايركبشى غير المانى مايعرفشى يركب منتج مصنعه لانه خايف على حياته ومش مهم حياة المصريين

**scientist9508** · 03-05-2016 06:50 AM

بسم الله الرحمن الرحيم

أخى الفاضل

1 - بدون أى شك أو تردد أن البيرسونا أقوى بكثير كسياره و لكن النيو أوبترا تتفوق على البيرسونا فى نقطة الفخامه و الأناقه و الكماليات.

2 - إن كنت تريد سيارة خدمه شاقه فلا تتردد فى شراء البيرسونا

3 - إن كان إستخدامك للسياره راقى و خفيف فلا تحرم نفسك من الإستمتاع بأناقة و كماليات النيو أوبترا

هداك الله لأرشد أمرك و أقومه

السلام عليكم و رحمة الله و بركاته