الموضوع: عايزه أشترى شنطه سفر

كل الماركات دي فعلا ممتازه وبتيجي بضمان دولي كمان ، اغلاهم سامسونايت وارخصهم اميركان توريستر لكن كلاهما جودته كويسه ، السعر بيختلف حسب الموديل وكمان اللون.

المشاركة الأصلية كتبت بواسطة dede_dodo88

الماركات دي لو شنطة hardshell فالسعر مش هيقل عن ألفين تلاتة, بس امريكان توريستر يمكن تبقى ارخصهم, القماش هتبقى أرخص أكيد..
أنا كنت جايب واحدة hardshell من United colors كانت بحوالي ألفين و شوية و ده كان من 3 سنين, فأكيد دلوقتي الأسعار زادت عن كده..

شكرا للرد والاهتمام
هو انا عارفه ان فعلا الشنط غاليه زى الاسعار اللى حضرتك قولت عليها
بس أنا محتاجه شنطه تتحمل وتعيش شويه حلوين وكمان يكون سعرها مناسب

وهل United colors هو نفسه محل بينيتون؟
ولو كده يعنى ممكن اشوف فى بينيتون لو ماركه غير hardshell ممكن الاقى سعرها كويس ولا ماعندهمش غير hardshell ؟

وهشوف برضه كده امريكان توريستر بس فعلا يهمنى ان الخامه تكون كويسه مش ووتر بروف والحاجات الأى كلام دى

وشكرا مره تانيه لرد حضرتك

المشاركة الأصلية كتبت بواسطة sayedmatrix

كل الماركات دي فعلا ممتازه وبتيجي بضمان دولي كمان ، اغلاهم سامسونايت وارخصهم اميركان توريستر لكن كلاهما جودته كويسه ، السعر بيختلف حسب الموديل وكمان اللون.

متشكره جدا للرد والاهتمام

طيب يعنى امريكان توريستر خاماتها بتبقى مش قد كده يعنى بتكون ووتر بروف مثلا والعجل بتاع الترولى بتاعها بيكون ضعيف او اضعف شويتين من سامسونايت وعشان كده سعرها ارخص؟

وايه رأى حضرتك فى شنط دلسى؟وهل سعرها زى سامسونايت ولا ارخص ؟

شكرا مره تانيه للرد

فى ماركة أسمها 3m
أنا كنت أشتريت منها شنطة بدل كانت ب 550 جنيه من كارفور المعادى من 4 سنين
وأشتريت من نفس الماركة شنطة سفر الحجم الوسط كانت ب 400 جنيه من محل فى الدور الأرضى فى جراند مول المعادى وأنا شايف إنها ماركة كويسة وعلى قد تمنها

المشاركة الأصلية كتبت بواسطة أحمد كمال

نصيحة
ال Baggage handlers في مطار القاهرة بيبهدلوا الشنط

اشتري حاجة رخيصة تأدي الغرض احسن من شارع عدلي عشان ما تحزنيش عليها لما العجلة تتكسر و لا المقبض يتخلع


انصح بالشنط القماش عشان الهارد شيل بتوزن زيادة

مختلف مع حضرتك بسافر كل مكان من مطار القاهرة و الشنط brands كلها و جايبها من برة و محصلش إن شنطة اتبهدلت ..