-
تكييف الياريس
السلام عليكم , عربيتى يارس 2009 ماتيوال
عشان دخلة الصيف و لما جيت اشغل التكييف لقيته مش بيسقع اوى. قلت اروح لتباع التكييفات و اشيك لو فى تسريب او كده قاللى مفيش تسريب (لو فى كان فضى الفريون كله مش حبة و حبة). المهم زودت الفريون و بعدها بيومين حسيته مش قوى , قالى حانضف الدورة عشان الفريون ممكن يكون فيه هباب و رايش من شوية ضعف فى الكمبروسر . و نصف (ركب الاسطوتانة ففتحة الطرد و كبس شوية و بعدين ظبط فريون). بساله عالكمبروسور قالى ممكن ييكون ضعف شوية بس استنى لما يجيب اخره بعد سنة و لا سنتسن و غيرة
السؤال بقى هل ده صح و لا فتى , و لا ممكن يكون فيه بلف او اويلسيل بيسرب , و لو حد يعرف بتاع تكييفات شاطر فى اسكندرية ياريت يدلنى
و شكرا
-
لو غيرت الكمبرسور متجيبش بتاع ياريس هات بتاع كورولا بكلتش
تقريبا كورولا حتى 2006
لو سيارتك ياريس القديم
-
-
بيتباع استيراد
باشا بدل ما تصرف بيتباع استيراد 1200 جنية وريح نفسك لو مفيش صنايعى شاطر عندك
-
الف شكر يا جماعة عالردود . انا الحمد لله جربته اكتر من مرة فى الحر اليومين دول و شغال و ربنا مايكتب علينا مصاريف :facebowling:
-
التسريب لو ضعيف ممكن فعلا الشحنة تنقص شوية .. يعني مش لازم يفضي كل الشحنة اللي فيه.
المشكلة التانية.. إن لو عندك تسريب.. فالفريون بيتسرب ويدخل مطرحه هوا عادي... والهوا العادي ماهواش غاز تبريد وبالتالي مش هيديك تأثير التبريد المطلوب..
في الحالة دي لازم يحصل تفريغ كامل لكل الغازات جوة دايرة الفريون عن طريق طلمبة شفط (فاكيوم).. وساعتها بيبان إذا كان فيه تسريب فعلا ولا لأ..
وبعدها يتم شحن فريون جديد.
تقدر بنفسك تطمن من عدم وجود تسريب في الأجزاء الظاهرة من الدايرة (المواسير الألومنيوم الموجودة داخل حجرة المحرك).. مجرد إعادة الربط على صواميل المواسير بيكون كافي (خلي بالك .. الربط يكون بالمعقول علشان المواسير ألومنيوم طري)..
ولو لسة التسريب موجود يبقى لازم تغير الأورنج (O-ring) أو الجوانات بتاعت الوصلات دي تتغير... وتكلفتها بسيطة جدا (20-30 جنيه بالكتير قوي).
لو عايز واحد أمين .. في واحد (كهربائي أصلا بس بيشتغل في التكييفات) إسمه ياسر .. جنب كوبري العوايد (في آخر نزلة الكوبري على إيدك اليمين وانت جاي من الزراعي) .. 01220395224 (يا رب ما يكونش غير نمرته علشان دي عندي من زمان)
...
-
شكرا يا باشا عالمعلومات , و انا متابعه و الحمد لله كويس و الماسورة لما بامسكها بتبقى تلاجة , و حشوف موضوع الجوانات ده بماية و صابون عشان اطمن
و شكرا مرة تانية
Content Relevant URLs by
vBSEO 3.6.0 PL2