عايز اغير زيت الـ ١٠،٠٠٠ لعربيه رينو ستيب واي ٢٠١٥
الزيت الاصلي توتال
بس في ناس اشتكت منه
عايز احط ليكوي مولي او موتل
انهي افضل بين ليكوي مولي ولا موتل ولا افضل على نفس نوع الزيت
العربيه ٢٢ الف كيلو و انا كده كده بره الضمان
شكراً
عرض للطباعة
عايز اغير زيت الـ ١٠،٠٠٠ لعربيه رينو ستيب واي ٢٠١٥
الزيت الاصلي توتال
بس في ناس اشتكت منه
عايز احط ليكوي مولي او موتل
انهي افضل بين ليكوي مولي ولا موتل ولا افضل على نفس نوع الزيت
العربيه ٢٢ الف كيلو و انا كده كده بره الضمان
شكراً
التوتال باغيره علي ١٥ الف
ايه الشكوي اللي وصلت ليها
مش شكوى بس انا بتكلم ان الاداء و السحب فيه اقل من ليكوي مولي و موتل ( ده الكلام اللي اتقالي من كذا حد اعرفه، انا مش فاهم في الزيوت عشان كده بسأل )
الناس اللي بتشتكي اشترت الزيت بدون التأكد من كونه مناسب للموتور أو ﻷ....
الزيت المناسب محدش يعرفه غير اللي صنع الموتور.. وبالتالي هو اللي بيطلب مواصفات للزيت في كتالوج العربية. ..
مفيش زيت في الدنيا مناسب لكل أنواع السيارات... علشان كده كل شركة زيوت بتعمل أنواع كتيرة علشان تتناسب مع طلبات صانعي المواتير..
والزيوت في شركات الزيوت نفسها فيها مستويات .. درجة أولى ودرجة تانية ودرجة تالتة...
علشان كده ما ينفعش نقارن ماركة زيت مع ماركة تانية كده بدون ما نحدد أنهي زيت بالضبط هو اللي حنقارنه..
والمفاجأة...
إنك لما تيجي تقارن الزيوت اللي مواصفاتها متشابهة في شركات الزيوت.. مش هتلاقي فرق ملحوظ ما بينهم في الأداء..
دور على المواصفات.. مش على الماركات.
...
ده الكلام المظبوط مش اى زيت لمجرد انه له سمعه كويسه الاهم كلام المصنع فى الكتالوج زى ما يقول احنا ننفز لان المصريين مش مصنع لاى سياره يبقى كلام التوكيل هو اللى يمشى وافضل زيوت للشركات المعروفه خصوصا فى مصر الغش زى الهوا هات زيت عربيتك زى الكتالوج من شركه معروفه لان الزيت مش هو اللى هيديك قوة حصان زياده الزيت وظيفته تزيت كل اجزاء المحرك الداخليه وتنظيفه باستمرار وتحمل درجات الحراره العاليه مع الاحتفاظ بللزوجه وربنا يوفقك وشكرا
Borio1704
يا باشا انا بعتلك رساله هنا و ع الفيس عشان تعبرني و انت ما اخدتش بالك D:
انا ملقتش في الكتالوج نهائي نوع الزيت الموصى بيه
رينو ستيب واي ٢٠١٥ اوتوماتيك
الزيت الاصلي بتعها توتال 5w30
مش عارف اكتر من كده و بصراحه مش بفهم في الزيوت و عشان كده سألتك بعد ما قريت كل مواضيعك بس معرفتش اوصل للزيت في الكتاب بتاع العربيه
هجاوبك على اسألتك عشان حفظتها من مواضيعك D:
سواقتي سواقت الشباب العاديه، شويه جري و اسمع شعبي D:
شويه امشي اتمشى بمعنى اصح و اسمع ام كلثوم D:
شويه اقرص ع المكنه بس مش غشامه اللي هو الجري في الطريق المناسب زي السخنه و طريق السويس و الطرق المفتوحه، جوه البلد بقى سواقه طبيعيه.
بالنسبه للسوأل بتاع بفضل ايه
(استهلاك بنزين ولا السعر ولا الكفائه و عمر الماتور)
الاجابه ان شاء الله تونس D:
الكفائه و الاحسن و الافضل بغض النظر عن السعر او استهلاك البنزين.
ياريت يا باشا تفيدني عشان انا فعلاً لا افقه شئ في الزيوت.
شكراً
الساده الأعزاء .
قصه الصانع هو إلي بيدي توصيه عن نوع الزيت دي حقيقه 100% بس تعمل إيه بقي لو نوع الزيت مبقاش متداول في السوق , يعني أنا معايا كيا سيراتو 2009 وكنت بستعمل زيت Shell عشره الاف كيلو لغايه سنتين فاتو وده لان كيا بتنصح بيه و بس فوجئت مره واحده إن معظم بنزيمات شيل إتغيرت لتوتال الفرنسيه و مبقاش متوفر إطلاقأ غير في التوكيلات و أماكن تغيير الزيت الخاصه و إلي متضمنهاش أصلأ و فكان لازم أغير نوع الزيت من shell إلي توتال وبأمانه حاسس إن ماتوري مبقاش ذي الأول في العزم ولا السحب بس أعمل إيه ما باليد حيله ؟؟ حد عنده إقتراح هل أستمر في زيت توتال ولا في نوع أحسن ؟؟
ولكم كل الشكر
انا كمان عندى نفس المشكله كنت ماشى اكتر من سنتين مع زيت شيل الازرق الاوربى 10w40 وكان مريح الموتور وكل شئ تمام وكنت بشتريه من التوكيل مباشر من المعادى علشان الغش اللى عايشين فيه رغم انى من سكان اكتوبر وبروح المعادى علشان اكون مطمئن للزيت من 2 شهر بطلة شيل تستورد الجيركن الازرق بسبب الدولار ودلوقتى تايه مش لاقى مواصفات الزيت زى الكتالوج 10w40 وخايف من توتال ومش لاقى زيت عدل فى السوق ومش مقتنع بزيوت زى ليكوى مولى وبيزول وويلفر واى زيت مجهول المصدر مش عارف احط ايه بعد الشيل لانى مقتنع بيه وشكرا
وجهة النظر العامة و التى ذكرها بعض الاخوة الاعضاء .....
ضرورة الاهتمام بمواصفات الزيت الموصى به فى كتالوج السيارة ... و قلة الاهتمام بالشركة المصنعة للزيت ...
فمثلا .... موصى فى الكتالوج زيت لزوجته 5W-40 ... مش مهم احط شل و لا موبيل و لا كاسترول ... المهم احاول احاول التزم باللزوجة
و احيانا كثيرة احسد الكثير من الناس قدرتهم على تمييز ارتفاع او انخفاض صوت المحرك بعد تغيير الزيت .... انا عن نفسى لا استطيع التمييز !!!! و كمان نعومة سحب الموتور للتغيير من زيت شل لموبيل مثلا او بالعكس
الاستاذ Mohamed Desoky ...
فيه زيت كاسترول ماجنيتيك ... الى علبته خضراء .... لزوجته 10W-40 و سعره تقريبا فى حدود 325
انصح حضرتك تجربه ... الزيت موجود فى السوق من فترة و ناس كتير بتستخدمه
و عاوز اوضح نقطة اخرى .... من خلال سؤالى للكثير من الناس .... تقريبا مفيش شخصين بيجتمعوا على زيت واحد
شكرا لرد حضرتك بس كاسترول سعره غالى جدا 325 ج وانا كنت بحط زيت شيل 210 ج وفلتر 25ج وانا بغير الزيت بنفسى وبحس بصوت الموتور احسن مع شيل وجربت زيوت كتير قبل كده نفس درجة اللزوجه لكن الموتور كان احسن مع شيل الازرق 10w40 وزى الكتالوج ما بيقول زيت وفلتر كل 5 الاف كيلو او 6 شهور ايهما اقرب وليه فرق السعر كبير بين شيل الازرق 210 وكاسترول ماجنبتك 325 ج وفى الاخر هغيره على 5 الاف كبلو يبقى الفرق 115 ج لنفس الكيلومترات مفيش حاجه ارخص ونفس اللزوجه وشكرا لحضرتك
للأسف كلام حضرتك مش صحيح..
مسألة تفضيل صانع معين في الكتالوج هي عملية تسويقية 100% لا أكثر
وإثبات للكلام ده..
دي صورة من كتالوجين ... واحد لهيونداي أكسنت 2011 والتاني لكيا سيراتو 2014
هيونداي أكسنت 2011
http://s4.postimg.org/72unbqtv0/image.jpg
كيا سيراتو 2014
http://nileup.com/up/uploads/nilemotors_14089717191.jpg
لاحظ إن الكتالوجين يكادوا يكونوا نسخة من بعض (بعض التفاصيل مختلفة طبعا لاختلاف الموديل)...
بس خد بالك كويس إن صانع الموتور في العربيتين واحد... إزاي يوصي بـ"شل" لهيونداي ويوصي بـ"توتال" في كيا؟؟؟؟
على فكرة.. كل كتالوجات هيونداي بتوصي بـ"شل" لحد اللحظة اللي بكتب فيها دلوقتي.
ولو دخلت على موقع توتال.. مش هتلاقي عندهم حاجة مناسبة لهيونداي/كيا إلا نوع زيت واحد أو اتنين بالكتير من وسط حوالي 40 نوع زيت بتنتجه توتال!!!!!!
يبقى الحل إيه؟؟؟
إننا نشتري بالمواصفة .. مش بالماركة.
الناس اللي بتقول على زيت إنه حلو.. بتقول كده لإن الزيت ده "صدف" إنه مناسب للموتور ومتطابق مع طلبات الكتالوج.
محدش فيهم اشترى وبص على مواصفة زيت... دي مجرد صدفة إن الزيت كان مناسب.
وتلاقي ناس تانية بتقول على نفس الزيت إنه وحش... ده بردو لإن الزيت "صدف" إنه غير مناسب للموتور.
فعليا... لو جيت تقارن بين زيتين ليهم نفس المواصفات (لزوجة ومستوى أداء) ... مش هتلاقي فرق ملحوظ بينهم في الأداء...
وتحدي !!!
...
عفوا يا فندم .... لا شكر على واجب
الكاسترول بيتغير كل 10 الاف كم .... فلو حضرتك حسبتها ... حتلاقى انه ارخص من تغيير زيت شل الازرق كل 5000 كم
عربية حضرتك نوعها ايه ؟؟!!!
انا بحييك على تغييرك الزيت بنفسك ... انا بحترم اى حد بيشتغل بايده فى العربية
حتة صغيرة كدة من عامل تغيير زيوت ..... ادلق حوالى ربع كيلو من الزيت الجديد بعد ما تصفى الزيت القديم و قبل ما تقفل طبة الزيت ... علشان تخرج زيت قديم اكتر
غير الزيت و العربية مش سخنة .. و ياريت تكون باردة ... و الزيت تقريبا كله فى الكارتيرة ... ممكن ياخد معاك وقت اطول شوية بس مش مشكلة
ربنا يوفقك
اوافق حضرتك على الكلام الجميل ده ... و ده فيه الخلاصة
فيه نقطة تانية انا لاحظتها .... الناس بتسمع كلام الصنايعية فى النقطة دى .... يعنى لو صنايعى شكر له فى زيت شل .... يبقى لازم تحط شل ... و اوعى تحط موبيل
حاجة كمان .... الصنايعية بيوصى بتغيير الزيت لدرجة اتقل لما الموتور يقدم و يعمل كيلومترات كتير
و بيوصوا كمان بوضع زيت تعاون ... الى فى الغالب بيكون احادى الدرجة ..... للمواتير الخفيفة ... علشان يعوض الفرق الى فى الشنبر ...و انا معترض على الحاجات دى
ده المكتوب فى جدول الصيانة
http://postimg.org/image/uvoldu741/
http://s32.postimg.org/q9sh5hll1/20160506_213329.jpg
سوال بس انا قريت فى المواقع عن المحرك بتاع الرينو بياخد 4.8 و مع الفلنر ممكن 4.9 و التوكيل بيحط 5 لتر كله .. فهل 0.1 او 0.2 لتر زيادة فى الموتور بياثر عليه بالسلب , او يضعف السحب , او يعمل مشكله ؟