محدش جرب يحط بنزين 80 للصنى ؟؟
عرض للطباعة
محدش جرب يحط بنزين 80 للصنى ؟؟
انا معيا 2011 بحط بنزين 80 وعادى مافيش مشاكل لكن علي الطريق المفتوح بتفرق شوية في سحب العربية
جربته في عربيتي صني 2009
السحب فيه مش حلو
وناس كتير قالت وحش علي التصفيق في الموتور فبعدت عنه
السلام عليكم ورحمة الله وبركاته هل المصنع كاتب فى الكتالوج بنزين 80 يمكن لو اى عربيه فى الضمان واكتشفه ان العميل بيحط بنزين 80 على طول بره الضمان يا ساده البنزين فى مصر مغشوش 92 بيتخلط مع 80 والمحطاط بيعمله اوسخ كوكتيل بدون اى رقابه من الدوله البنزين 80 فى الاول مش هيزعلك غير الالتنتيش والتصقيف لكن مع الوقت تسلخات البساتم وانسدات فلاتر على مواسير على رشاشات والايدل كل شويه يبرجل وتنظيفه كل شويه هم كبير ومصاريف مداريه وهيجى وقت والموتور يفتح بقه فى المصاريف ال 80 كويس للقديم لكن الانجيكشن بهدله مع الوقت
الماتور مش مجهز لبنزبن 80
و زي ما قال العضو Mohamed Desoky هي مسالة مؤقتة و هتفتح علي نفسك مصاريف كتير لان البنزين ال 80 سيئ جدا ف مصر
بصراحه اللى خلانى اجرب 80 ان العربية غول بنزين ..
انا حاليا بخلط 80 على 92 ودا مخلى مفيش صوت سكة او تسقيف غير مع الكبس المفاجئ لكن ف المشى العادى تمام
وربنا يستر
لو العربيه فيها علبه بيئه .. يبقى ما ينفعشى تحط بنزين 80 .. او حتى تخلطه على 92
السبب ان بنزين 80 غير خالى من الرصاص .. و الرصاص ده بيترسب فى علبه البيئه و يسدها مع الوقت ..
و حتى لو اخذت مشوار طوالى كل الشوائب بتتحرق الا الرصاص بيفضل موجود علشان درجه ذوبانه عاليه اعلى من حراره الشكمان
علشان كده الكتالوج بيقول لو حطيت بنزين 80 .. اذهب للتوكيل مباشره
و كمان بنزين 80 قد يؤثر على حساس الاكسجين لو العربيه بها حساس اكسجين
و خلى بالك علبه البيئه مكلفه
علبة البيئه دى وظيفتها تحويل الانبعاث الضار من المحرك اكسيد الكربون الملوث للجو الى بخار غير ضار بلصحه وليها اسم علمى بس مش فاكره دلوقتى المهم كتر استخدام او خلط بنزين 80 المليان بلرصاص القاتل اللى مش موجود غير فى مصر لان الدوله بتخاف على الجو والشعب المصرى اتعود على مادة الرصاص الموجوده فى الجو من السيارت القديمه المهم علبة البيئه لو انسدة اول عيوبها العربيه مش هتسحب والسخونه بتعلى صيف او شتاء ولما بتبوظ مفيش ميكانيكى بيكتشف العيب بسهوله بيكلفك فلوس كتير على مايوصل للعيب ولو حتى العلبه باظت دى اغلى حاجه فى العربيه علبة البيئه دور على مواضيع علبة البيئه وانتى هتعرف انك بتغلط وبتتعب نفسك على الفاضى العربيه بتاكل بنزين يبقى نشوف السبب مش نغير البنزين علشان سعره ارخص دور شوف العيب فين لكن تخلط دى فهلوة مصريين
هى علبه فى الشكمان فيها بعض المواد المختلفه لمعالجه العادم ( اكاسيد النتروجين و اول اكسيد الكربون )
و بتكون 3 مراحل او قد تختلف حسب نوع السياره .. كل مرحله بتعالج نوع معين من الغازات .. عاده المرحله الاولى ( الاقرب للموتور بتعالج اكاسيد النتروجين )
و بيكون راكب قبلها و بعدها ( حسب التصميم ) حساس شكمان بيقيس نسبه الاكسجين فى العادم و يبعت النتائج للكمبيوتر .. الكمبيوتر بيحدد نسبه الخلط و ضخ الرشاشات بناء على معطيات الحساسات دى
لو اتسدت العربيه حتسخن .. و كمان المعالجه حتكون موش صح .. وبالتالى ممكن تلخبط قراءه الحساسات اللى على الشكمان بنسبه
انت حاطط صوره فى توقيعك .. الشكل ده من نيسان زودوا عليه حساس اكسجين على حد علمى علشان موضوع البنزين
بنزين 80 ممكن يؤثر علي الحساس ده .. و بنزين 80 بصفه عامه حيعمل كربون فى الموتور
يعنى اللى انت فاكر انك حتوفره حتصرف قده و اكثر ضرر
بالتوفيق
80 هو نهاية بعدية شوية فرأي
المشكلة مش في رقم البنزين
مشكلتنا بجد ان 92 هنا ردئ اصلا فما حال الاقل
عايز توفر بنزين حط زيت موتور خفيف اللزوجة الخفيفة المناسبة للموتور تعرفها من مواقع الزيوت زي ليكوي مولي مثلا بتدخل مو العربية والسنة والموتور وهتطلعلك كذا لزوجة اختر اخف لزوجة خصوصا لو العربية حالة الموتور كويسة.. وسوق بطريقة اقتصادية متعديش سرعة 90 كم فرمل العربية بالموتور لو اوتوماتيك تيجي قبل الزحمة او قبل المطب تسيب بنزين وهي هتبطأ لوحدها ..مالاخر دوس بنزين ع قد المسافة اللي هتمشيها لما بتجري الفرملة جامد يعني جريت عالفاضي يعني حرق بنزين عالفاضي