فى فلوينس الى فيها سمارت كى . هل فى طريقه انى اسيب العربيه دايرة واخرج و اقفل السنتر من برة . انا حاولت لكن طول ما العربيه دايرة مبيقفلش حتى لو استخدمت الريموت
عرض للطباعة
فى فلوينس الى فيها سمارت كى . هل فى طريقه انى اسيب العربيه دايرة واخرج و اقفل السنتر من برة . انا حاولت لكن طول ما العربيه دايرة مبيقفلش حتى لو استخدمت الريموت
جرب الطريقه دى
لما تبقى جوه العربيه لازم تبقى قافل السنتر والاربع أبواب مقفولين ، بعدين افتح أكرة الباب عندك بس وإنزل ، يعنى بابك بس اللى يبقى مفتوح
لما تنزل طلع المفتاح من الريموت واقفل بابك ، ولما ترجع لازم تفتحها بالمفتاح برضه ماينفعش الريموت
http://nileup.com/up/uploads/nilemotors_14615233661.jpg
للأسف مينفعش الطريقة دى
الفلوانس كل السنتر بيشتغل مع بعض بغض النظر انه باب فتحته، يعنى لو حتى فتحت شنطة العربية فقط ده كفيل بفتح جميع الأبواب مع بعض...السنتر كله بيفتح مع بعض و يقفل مع بعض، مفيش طريقة لفتح قفل باب واحد فقط.
تانى شىء ان الفلوانس فيها دايرة لوجيك معقدة بتمنع غلق السنتر من بره و العربية دايرة، حتى لو بالمفتاح...السنتر بيعمل زى السوستة، بمعنى اول ما هتقفله هيفتح تانى بصوت تكه عالية للتنبيه ان العربية مفتوحه
للأسف مينفعش تقفل السنتر من بره و العربية دايرة و ده تنبيه ليك لان لوجيك العربية بيفرض انك ناسى العربية دايرة و طالع بيتك فبيرفض الاغلاق...ثم مفيش اى لوجيك بالنسبة له وراء غلق سيارة دايرة من الخارج..الطبيعى اطفاء السيارة ثم غلقها
تحياتى
أعتقد إنت تقصد إن سايب مثلا المدام فى العربية و التكييف شغال و عايز تقفل عليها
لو هو ده يبقى هى إللى هاتقفل من جوه بعد ما إنت تنزل و تفتحلك تانى
غير كده ماينفعش
كنت قرأت من فتره ان الفلوانس فيها خاصية تحكم في نوع فتح السنتر للابواب .....
يعني ممكن افتح باب واحد فقط او اتنين او الاربع ابواب ..... الكلام ده مظبوط ولا لأ !! ياريت التوضيح والتصحيح
بالظبط كدة ولو فى طفل مثلا و الى سايق عاوز يجيب حاجه فى السريع . واحيانا بحب انزل الصبح ادور و اقفل اجيب حاجه على ما تسخن دقيقه مثلا و ارجع .بس هو فعلا واضح ان اللوجيك بتاع العربيه مش بيسمح بكدة
هو المشكله الاكبر فى العربيه ان الواحد بيبقى عندو هاجس انو نسى العربيه شغاله و طلع لان مفيش حمايه من الموضوع دة غير ان العربيه مبتقفلش ومبتعملش صوت الرنه بتاعه القفل فالواحد لو كان سرحان ومركزش مع الصوت بيبقى مقلق انو ممكن اكون نسيت ابطل. اعتقد كان لازم يبقى فيها اوبشن انها مثلا تبطل بعد فترة لو جايب على الp ومتحركتش و العربيه دايرة اة حاجه كدة