صباح الفل
حد فاهم يفيدني لو سمحتم
ايه افضل نوع زيت
موتل
ليكوي مولي
فالفولين
كاسترول
رافينول
عرض للطباعة
صباح الفل
حد فاهم يفيدني لو سمحتم
ايه افضل نوع زيت
موتل
ليكوي مولي
فالفولين
كاسترول
رافينول
من تجربتي الاختيار بيعتمد علي التجربه هتجرب الكل مع تغيير الفلتر كل مره اللي هتلاقي صوت الموتور هادي والسخانه مبترفعش بسرعه والتجميع حلو واستهلاك البنزين كويس يبقي العربيه مضبوطه عليه..وبس
ولا واحد...
أفضل زيت هو اللي مواصفاته مكتوبة في كتالوج عربيتك...
ولا بالتجربة. .. ولا بالآراء.. ولا بالماركة.. ولا بأي حاجة تانية غير المواصفات
ببساطة.. افتح كتالوج عربيتك واعرف إيه المواصفات اللي طالبها... وبعدين اشتري أي زيت يحقق كل المطلوب في الكتالوج... ساعتها تبقى فعلا اشتريت أفضل زيت.
الموضوع محتاج شوية معلومات بسيطة وبعدين المسألة تبقى سهلة خالص..
لمعلومات أكتر.. أنصحك تدخل على ااموضوع ده
http://www.nilemotors.net/Nile/341680-a.html
...
borio1704o1704
يا باشا انا بعتلك رساله هنا و ع الفيس عشان تعبرني و انت ما اخدتش بالك D:
انا ملقتش في الكتالوج نهائي نوع الزيت الموصى بيه
رينو ستيب واي ٢٠١٥ اوتوماتيك
الزيت الاصلي بتعها توتال 5w30
مش عارف اكتر من كده و بصراحه مش بفهم في الزيوت و عشان كده سألتك بعد ما قريت كل مواضيعك بس معرفتش اوصل للزيت في الكتاب بتاع العربيه
هجاوبك على اسألتك عشان حفظتها من مواضيعك D:
سواقتي سواقت الشباب العاديه، شويه جري و اسمع شعبي D:
شويه امشي اتمشى بمعنى اصح و اسمع ام كلثوم D:
شويه اقرص ع المكنه بس مش غشامه اللي هو الجري في الطريق المناسب زي السخنه و طريق السويس و الطرق المفتوحه، جوه البلد بقى سواقه طبيعيه.
بالنسبه للسوأل بتاع بفضل ايه
(استهلاك بنزين ولا السعر ولا الكفائه و عمر الماتور)
الاجابه ان شاء الله تونس D:
الكفائه و الاحسن و الافضل بغض النظر عن السعر او استهلاك البنزين.
ياريت يا باشا تفيدني عشان انا فعلاً لا افقه شئ في الزيوت.
شكراً
التجربه مع ثبات مواصفات خدمة الزيت ..يعني مثلا موبيل -1 هو نفس مواصفات شل الترا ..الاتنين تخليقي ونفس مستوي الخدمه مش هتقدر حضرتك تحدد ايهما افضل الا من خلال التجربه ..بخصوص اللزقه اللي علي صدر العربيه والكتالوج المفروض ميتحددش زيت بالاسم تلاقي مثلا المستورد لطلعلك ستيكر موبيل ??!! دا نصب عيني عينك وتعاملات مع شركات
د عبدالرحيم
والله يا فندم انا مش عارف اوصل للحاجات دي
دورت كتير في الكتاب بتاع العربيه و ملقتش
حضرتك انت زكرت مواصفات زيت عربيتك وهو 5/30 وهتلاقي 5/40 وكله زيوت تخليقيه اقل تغيير علي 8 الف/كم ...اي نوع هتقرأ علي الجركن بتاعه الرقم دا استخدمه بدون قلق ..ارشحلك شل الترا او ليكومولي ..
يا سيدي حقك عليا.. أنا آسف.. يا ريت تعذرني ﻹن عندي ضغط شغل مش مخليني أدخل على المنتدى ولا الفيس إلا في السريع قوي.
بالنسبة لمواصفة الزيت... فمفيش فعلا ولا أي عربية ما بينزلش معاها مواصفة الزيت المناسب... ﻻ يمكن..
مواصفة الزيت احتمال تلاقيها في واحد من 3 أماكن:
1- صفحة تغيير الزيت في قسم الصيانة في الكتالوج
2- قسم المواصفات في آخر الكتالوج بيبقى أحيانا فيه قايمة بأنواع وكميات الزيوت والسوائل المستخدمة في العربية.
3- أحيانا بتبقى العربية (الأوروبية بالذات) معاها 2 كتالوج... واحد لتوضبح إمكانيات السيارة.. والتاني للصيانة.. ومؤخرا بقو بيكتبوا مواصفات السوائل والزيوت في كتالوج الصيانة.
دور في ال3 أماكن دول.. وكمان فيه في آخر كل كتالوج قايمة بكل الكلمات المهمة اللي جت في الكتالوج. .. دور على كلمة زيت المحرك في القايمة دي وهتلاقي جنبها رقم الصفحة اللي ظهرت فيها الكلمة دي في الكتالوج.
عموما.. عربيات رينو دلوقتي بتطلب إن الزيت يكون معتمد من رينو ومطابق لمواصفة الزيت بتاعتها
رقم مواصفة رينو لزيت الموتور rn700 أو rn710
لما تشتري الزيت اتأكد إن عليه رقم المواصفة دي.. والمفروض تلاقي الكتالوج بيقوللك نفس الكلام
على فكرة.. أنا ما شفتش كتالوج الرينو سانديرو ولا أعرف مكتوب فيه إيه بالتحديد.. بس أنا قلتلك اللي أعرفه بحكم خبرتي مع كذا موقف مشابه.
بالنسبة لظروف الاستخدام اللي حضرتك قلتها.. فدي هتفيدنا بعد ما نعرف إيه هي توصيات كتالوج عربيتك الأول.
...
أنا نزلت الكتالوج من على النت...
https://www.renaultusa.com/News/Driv...%20Sandero.pdf
وفعلا زي ما توقعت.. مواصفة الزيت موجودة في كتيب الصيانة.. وهو قايل كده في الكتالوج في صفحة 4.5 (القسم الرابع صفحة 5).
شوف كتيب الصيانة عندك مكتوب فيه إيه... ويا ريت تصورلنا المكتوب ﻹن كتيب الصيانة ده مش موجود على النت.
يا باشا انا يهزر معاك .. ربنا يعينك
انا صورت كل ما يخص الزيت هما خمس صفحات بس مش عارف ابعتهم هنا ممكن ابعتهوم لحضرتك واتس اب او فيس او فيبر
هما فعلاً كتابين
واحد بتاع العربيه كلها و واحد للشاشه
و بشكرك جداً على زوقك و اخلاقك و لتعبك و انك تدور على الكتالوج تعبتك معايا يا باشا انا اسف
وشكراً جداً لحضرتك
و مستنيك تقولي ابعتهوملك فين
ملحوظه العربيه سانديرو استيب واي مش سانديرو بس عشان لو بتختلف او حاجه
شكراً
حضرتك بتحرجني كده والله..
بالنسبة للصور... تقدر حضرتك تدخل على موقع نايل موتورز لرفع الصور بنفس حسابك بتاع المنتدى هنا.. في الرابط ده مركز تحميل نايل موتورز
وبعد كده تاخد كل لينك بتاع كل صورة وتحطها في الـicon بتاع الصور ده http://www.nilemotors.net/Nile/image...nsertimage.gif
وساعتها كل الصور هتظهر في الموضوع هنا.
...
استاذي الفاضل و المحترم BORIO
أشكرك جدا لتعبك و اهتمامك
دي كل الصور اللي في الكتاب فيما يخص الزيت
للأسف هو مفيهوش عربي و الكتاب التاني للشاشه
[IMG]http://nileup.com/up/uploads/nilemotors_14617729431.jpg[/IMG]
[IMG]http://nileup.com/up/uploads/nilemotors_14617729432.jpg[/IMG]
[IMG]http://nileup.com/up/uploads/nilemotors_14617729433.jpg[/IMG]
[IMG]http://nileup.com/up/uploads/nilemotors_14617729434.jpg[/IMG]
[IMG]http://nileup.com/up/uploads/nilemotors_14617729435.jpg[/IMG]
[IMG]http://nileup.com/up/uploads/nilemotors_14617729436.jpg[/IMG]
[IMG]http://nileup.com/up/uploads/nilemotors_14617729437.jpg[/IMG]
ماهو مكتوب في الكتالوج أهه يا فندم
في الصفحة دي
http://nileup.com/up/uploads/nilemotors_14617729435.jpg
مكتوب تحت عنوان Engine Oil Grade.. انك ترجع لكتيب الصيانة اللي جاي مع العربية
كتيب الصيانة ده اللي بتديه للتوكيل علشان يختموا فيه لما تروح تعمل صيانة عندهم... ساعات بيسموه كتيب الضمان..
على فكرة.. نفس الطريقة المعقدة دي بقت في كتالوجات أغلب العربيات الأوروبية...
الواحد ما كرهش منتجات أوروبا من فراغ.
...
ماهو كتالوج الصيانه في نفس الكتالوج ده بس اخر كام صفحه
والله الواحد مش عارف الفرنساويين دول بيفكروا ازاي!!!!!
فين جدول الصيانة بتاع العربية؟؟؟؟
المفروض الكتالوج يكون فيه جدول لكل الأجزاء اللي محتاجة صيانة وإمتى مواعيد تغييرها.. ومواصفات السوائل كلها (زيت موتور وزيت فتيس وزيت فرامل وزيت باور ومية الرادياتير وحتى مية المساحات)..
يعني اللي يشتري عربية فرنساوي يصينها ازاي؟؟؟ لازم يروح التوكيل؟؟؟؟
والله شغل يهود بجد.
معلش اعذرني بس بجد أنا مضايق جدا من أسلوب التفكير بتاع الناس دي.
عموما.. لو الناس دي بتفكر صح.. يبقى المفروض يكون معاك 3 كتالوجات.. الاتنين اللي معاك + كتالوج الصيانة اللي فيه كل الصيانات اللي العربية محتاجاها.
وسبحان الله... حاطين أماكن ختم التوكيل في الكتالوج اللي مافيهوش جدول الصيانة !!!! ده إيه الناس دي؟
...
مش عارف والله يا باشا
انا والله تعبت .. انا بقيت بدخل محلات زيوت عشان اشوف مواصفات زيت توتال 5w30 اللي المفروض تبع العربيه و اشوف مواصفاته عشان اجيب حاجه شبهه .. بس و انا في المحل حسيت اللي بعمله اي كلام
كلمت التوكيل طبعاً مارديوش يفيدوني و لازم اروحلهم عشان اعرف ..
انا تقريباً شكلي كده هغير في التوكيل عشان مضطر مع اني بره عشان رديت الخبطاط و غيرت زيت بره بس مضطر اروح عشان
اغير تيل و طنابير
اغير زيت الفرامل
اعمل Update للـ Media Nav
ممكن اعمل كل ده بره ماعدا ال Update
بس هروح عشان اضمن ان الطنابير و التيل و الزيت بتاع الفرامل بتوع العربيه ،، مع اني والله شاكك فيهم و خايف ميغيروش حاجه و ادفع و امشي و اكتشف انهم مغيروش و ارجع اتخانق ان في نفس المشكله لسه و الدوامه اللي مصر كلها عايشاها مع التوكيلات كلها
فعلاً محتار اروح اغير هناك عشان الاصلي ولا اغير بره قدام عيني و ابقى مطمن ..
احنا بنجيب عربيات عشان التوكيلات تبهدلنا و تحرق دمنا ... كفايه اصلاً اني في مدينه نصر و مضطر اروح ابو رواش اللي في اخر الدنيا و معزفش طريقه عشان هو ده الفرع الوحيد اللي عنده الUpdate .. متفهمش ازاي فرع واحد بس اللي بيعملهولك
لا و اللي يحرق دمك اكتر لما تكلمهم تشوف فرع تاني بيعمله يقولك هو انت اصلاً عرفت منين ان في Update و تحسه مضاااايق اوي انك عرفت و هتعمله !!!!!
بعد تجربه visco, liqui, amsoil eo, amsoil signature
افضلهم amsoil signature هو غالي شويه اللتر ب110 يعني ال 4 لتر ب 440 بس ممتاز لحد دلوقتي عامل بيه 1000 كم بس تحس ان صوت الموتور والسحب اختلف خالص....شوف بردو باقي تجارب العضاء وربنا يوفقك لما فيه الخير .
والله يا دكتور انا لحد دلوقتي عاوز اوصل لمعلومات الزيت الموصى به الاول بعديل هقارن و اكيد هختار حاجه الماني او موتل
بس لو موصلتش للكلام ده عشان الكتالوج مش موضح بالتحديد ههبقى مضطر اغير في التوكيل وانا بعمل الصيانه و امري لله
ده المكتوب فى جدول الصيانة
http://s32.postimg.org/q9sh5hll1/20160506_213329.jpg
سوال بس انا قريت فى المواقع عن المحرك بتاع الرينو بياخد 4.8 و مع الفلنر ممكن 4.9 و التوكيل بيحط 5 لتر كله .. فهل 0.1 او 0.2 لتر زيادة فى الموتور بياثر عليه بالسلب , او يضعف السحب , او يعمل مشكله ؟
و اه انا استخدامى للعربيه 1000 كيلو فى الشهر و سعات احرق على الموتور لحاد 6000 ار بى ام , يريت تنصحونى بنوع زيت كويس و على العلم التوكيل بيستخدم زيت توتال بس لسه معرفش لزوجه كام عشان لسه عامل 1000 كيلو بس الاستخدام زى موضحت .
ملحوظة :
(انا لسه مقرصتش على الموتور و لا عديت 4000 ار بى ام بس ناوى بعد 5000 كيلو )
شكرا مقدما
زيت باسات 2005 افضل شئ
السلام عليكم
حسب الصورة المرفقة يمكن لحضرتك استخدام درجة اللزوجة 5-30 او درجة اللزوجة 5-40 و الكتالوج بيطلب مستوي خدمة ACEA A3 or A5
متوفر عندنا من امسويل الزيت بلزوجة
5-30 و فئة السيجنتشر و بحقق مستوي خدمة API SN & AECA A5
AMSOIL Signature Series 5W-30 Synthetic Motor Oil
و متوفر عندنا من امسويل لزوجة 5w40 اوروبي و ده بيطابق مواصفة رينو و يحقق مستوي خدمه A3 - API SN
AMSOIL European Car Formula 5W-40 C-ESP Synthetic Motor Oil
شوف حضرتك يناسبك ايه و ممكن تراسلنا علي الصفحة في التوقيع او علي الجروب الخاص بنا
انا وضعت زيت اليوم نوعة
Motul 8100 X-cess 5W-40 Synthetic 100%
الصراحة تحفة صوت موتور السيارة بقى ناعم جدا كان فى هزة خفيفة فى السيارة وهى واقفة كنت فاكرها قواعد ماتور اختفت تماما وجارى التجربة
ملحوظة الزيت السابق موبيل ون
https://www.youtube.com/watch?v=6PorEF6ozRc
إيه نوع العربية يا فندم؟؟؟ أو بمعنى أصح إيه هي توصيات الكتالوج؟؟؟
عموما.. الزيت ده مناسب جدا للعربية اللي بنتكلم عليها هنا (رينو سانديرو ستيب واي)...
ومواصفاته في اللينك ده..
https://www.motul.com/system/product...5W-40_(GB).pdf
وحسب المكتوب في المواصفة دي.. فالزيت ده بيتغير حسب توصيات كتالوج العربية فقط.
...
السيارة اسبيرانزا m11 ومن ساعة ماجبتها كنت باستعمل موبيل ون والملاحظ كان صوت الموتور عالى فى السلانسية والسيارة واقفة طبعا واللى يقولى دة قواعد عايزة تتغير واللى يقول هى العربية كدة صوتها عالى
اولا زيت موبيل نزل من العربية زى الطين رغم انى منزلة على 9500 وهو موبيل التخليقى المفروض 10000 وكنت مغيرة فى التوكيل
واول موضعت الزيت الجديد ودورت السيارة الهزة بالفعل كانت موجودة وبعد ثوانى راحت والموتور بقى ناعم جدا ويكاد ان يكون مسموع والعزم زاد جدا رغم انى اعرف ان لو العربية عزمها ضعيف يبقى المشكلة ممكن انسداد فى فلتر الهوى او كهرباء مكنتش متصور ان الزيت ممكن يكون هو المشكلة انا لسة واضع الزيت النهاردة ولسة حاجربة الايام اللى جاية
بالنسبة لكتالوج السيارة مع الاسف مش عندى ونزلت الكاتلوج من موقع عربى بس مع الاسف معرفتش منة حاجة
طبعا انا اخذت مواصفات الزيت المفروض اللى اضعها فى العربية عندى من توكيل ليكوي مولي اللى فى شارع هارون لانة نظر فى الكمبيوتر عندة وقالى الموصى لسيارتك 5w40 او10w40 والافضل الاول رغم انى كنت عايز اضع 5w30 لكنة اعترض بشدة وقالى ممكن يعمل لك مشكلة طبعا انا مرديشى اشترى ليكوى مولى من اللى سمعتة من شكاوى الاعضاء من انة بيتبخر بسرعة وبيعلى صوت الموتور بس للامانة انا مجربتوش واشتريت
Motul 8100 X-cess 5W-40 واللى عجبنى فية صراحة انة مستورد ومكتوب صريحة
على العلبة من الخارج
Synthetic 100%
مكتوب فى المواصفات فى اللنك اللى حضرتك واضعة انة ممكن يقعد 20 الف بيتهيالى صعبة
دة اللى مكتوب فى الكتالوج
The engine oil consumption is affected by a number of factors. The new engine will reach the normal value of consumption after the vehicle has run for approximately 5,000km. The engine will consume more oil under the high-load operation. It is necessary to carry out the regular inspection on engine oil, for example, when adding fuel or before starting a long-distance journey. When inspecting the engine oil, parked the vehicle on the level ground. Turn off the ignition switch and wait a few minutes to allow the engine oil to flow into the oil pan (a longer time may be needed if the exterior temperature is rather low or the engine has not reached the operating temperature). The vehicle engine should not be started before the inspection of engine oil. Pull out the dipstick and wipe it with a piece of clean non-cottony cloth, then fully insert the dipstick and
In case the oil level stays between the MIN and the MAX signs at the lower end of dipstick, there is no need to add the oil again. The hot engine oil may surpass the above gap sign for several millimeters due to the thermal expansion.
In case the oil level is flush with or below the MIN sign, only add the engine oil in line with Chery specifications to make the level stay between the MIN and the MAX signs. See the chapter “Capacity and Specification” for details.
Filling Cover for Engine Oil
Simply rotated anticlockwise and pulled, the filling cover will be open. Do not open the filling cover during the operation of engine.
Close the cover by rotating it clockwise until hearing a click sound.
Do not use the engine oil
additives or engine processing agents. They are not only unnecessary but in some cases may also damage the engine, and this kind of damage is not within the scope of warranty.
Empty containers of wasted engine oil can not be thrown away along with the home rubbish. When discarding these items, please ask the qualified waste disposal agency for treatment.
الزيت أكيد بيفرق في سلاسة التشغيل.. وممكن يكون سبب في زيادة استهلاك البنزين .. خصوصا لو بتستخدم زيوت لزوجتها تقيلة...
بس خلي بالك... صوت الموتور مش مقياس على جودة الزيت...
وكمان... لون الزيت وهو نازل مش مقياس على جودة الزيت... بالعكس... ده الزيت الغامق معناه إنه نظف موتورك من الرواسب والأوساخ اللي جوه.. ولو الزيت بينزل كده يبقى لازم أدور في سبب المشكلة الأصلية اللي بتخلي الرواسب الكربونية والأوساخ تدخل للبلوك.
ده طبعا بافتراض إن الزيت مناسب للعربية أصلا.
عموما.. الزيت ده مواصفاته كويسة بالإجمال..
موضوع تبخر الزيت مش مشكلة الزيت على فكرة... لإن أصلا مفيش حاجة اسمها تبخر الزيت.. إنما اللي بيحصل إن الزيت بيستهلك ويتحرق مع البنزين.. وعلشان كده بينقص..
فيه مواتير بتستهلك زيت بطبيعتها.. وفيه مواتير تانية بتستهلك بنسبة قليلة.. بس مفيش موتور مش بيستهلك زيت نهائيا.. حتى لو كان زيرو.
المؤكد بالنسبالي إن موتورك استريح على الزيت ده لإنه مطابق لمواصفات كتالوج العربية أو أحسن منها.. مش علشان أي حاجة تانية..
سيبك من إنه مستورد والكلام ده كله بلح... أهم حاجة إن مواصفاته كويسة حسب المكتوب على علبته وفي الداتاشيت بتاعته.. لإن ده هو اللي بيفرق فعلا.. مش بلد المنشأ إطلاقا.
على فكرة.. الداتاشيت مش مكتوب فيها إنه يقعد 20 ألف كيلومتر...
المكتوب إنه مطابق لمواصفة RN 0700 بتاعت رينو.. والمواصفة دي معمولة مخصوص علشان مواتير البنزين بتاعت رينو اللي بتشتغل بالتنفس الطبيعي (من غير تربو ولا سوبرتشارجر).. وكمان مواتير الديزل الصغيرة (1500 cc) اللي بتطلع أقل من 100 حصان ومطلوب منها تغير الزيت كل 20 ألف أو سنة.
يعني مش أي مواتير يمشي فيها 20 ألف... دي مواتير معينة من رينو
ورجع وقال بعد كده إنك لازم ترجع لكتالوج عربيتك الأول.
أنصحك تدخل على الموضوع ده لمزيد من التوضيح عن زيوت المحركات..
http://www.nilemotors.net/Nile/341680-a.html
...
للأسف الكلام اللي حضرتك حطيته من الكتالوج مش بيتكلم عن نوعية الزيت نهائي... إنما بيتكلم عن كيفية تغيير الزيت ومعدلات الاستهلاك وكده...
وهترجملك المكتوب..
استهلاك زيت المحرك يتأثر بعدد من العوامل.. المحرك الجديد سيصل إلى معدل الاستهلاك الطبيعي بعدما يتم تشغيل السيارة لمسافة 5000 كيلومتر تقريبا.. سوف يستهلك المحرك المزيد من الزيت في حالات التشغيل بالأحمال العالية.
من الضروري إجراء فحص دوري على زيت المحرك، وعلى سبيل المثال: عندتعبئة الوقود أو قبل بدء رحلة طويلة المسافة.. عند فحص زيت المحرك اركن السيارة على سطح مستوٍ ، اطفئ المحرك وانتظر لبضعة دقائق للسماح للزيت بالانسياب إلى خزان الزيت "الكارتيرة" (قد تحتاج لوقت أطول في حالة كانت حرارة الجو الخارجي باردة أو أن المحرك لم يصل بعد إلى درجة حرارة التشغيل). ويجب ألا يتم تشغيل السيارة قبل فحص زيت المحرك.
اسحب مقاس الزيت وامسحه بقطعة قماش نظيفة غير قطنية، ثم أعد المقاس مرة أخرى.. في حالة كان مستوى الزيت بين علامتي MIN و MAX في أسفل المقاس فلا داعي لزيادة الزيت مرة أخرى... يمكن لزيت المحرك الحار أن يتعدى فوق العلامة بعدة مليمترات بسبب التمدد الحراري.
في حالة كان الزيت أقل من علامة Min فأضف فقط زيت المحرك المتطابق مع مواصفات شيري لجعل المستوى بين علامتي الـMIN و الـMAX.
أنظر باب "السعة والمواصفات" للمزيد من التفاصيل. >>>> الحتة دي هي اللي هتلاقي فيها مواصفات زيت الموتور بالتفصيل... ارجعلها علشان تتأكد.
غطاء الملء لزيت المحرك
ببساطة أدره عكس عقارب الساعة واسحبه، وعندها سيفتح غطاء الملء... لا تفتح الغطاء أثناء تشغيل المحرك
أغلق الغطاء بتدويره باتجاه عقارب الساعة حتى تسمع صوت طقة.
لا تستخدم إضافات الزيوت أو المستحضرات التي تعمل في المحرك .. فهي ضرورية فقط في حالة كان هناك ضرر في المحرك.. وهذا الضرر ليس ضمن نطاق الضمان.
العبوات الفارغة لزيت المحرك لا يمكن إلقاؤها مع قمامة المنزل.. وعندما يتم التخلص من هذه الأشياء نرجو أن تسألوا عن وكالة مؤهلة للتخلص من المخلفات ليتم معالجتها.
..
هو فعلا نوعية من الزيت محترمة وومش حينفع يتعرف كويس ولا وحش الا بعد استخدامة فترة اشكرك ياباشا وتعبتك معايا جزاك الله كل خير
شكرا لمعلومات حضراتكم القيمة ، لى سؤال من فضلكم تغيير الزيت يكون على أساس الكيلومتر فقط ام الزمن أيضاً بمعنى لو غيرت زيت موبيل 1 - 10000كم و مر سنتان و خلال هذه الفترة السيارة عملت 5000 كم هل يجب تغييره أم يمكنه الإنتظار حتى 10000 كم بغض النظر عن المدة . شكرا لحضاتكم
تغيير الزيت زي أي عملية صيانة.. بتتحسب بساعات العمل.. ومنها بنترجم الكلام ده بالتقريب إلى مسافة (بالكيلومتر) أو مدة زمنية (بالشهر)... أيهما أسبق.
ادخل على الموضوع ده لو عايز معلومات أكتر..
http://www.nilemotors.net/Nile/490076-a.html
...
لو الزيت ده مر عليه سنتين .. يبقى تغيره الان .. حتى لو كنت مشيت عليه الف كم فقط
لابد تقرأ الرابط بتاع المهندس بوريو بالكامل ( رد رقم 1 و رد رقم 2 ) لانهم شرح وافى
معنى انك مشيت 5 الاف فى سنتين الاتى :
1- مشاوير يوميه قصيره جدا
2- او ان السياره لتتركن لفترات طويله بدون استعمال
لماذا التغيير :
- الزبت بيلزم يتغير لما يبدأ فيه تكون الاحماض بنسبه غير مسموحه .. تكون الاحماض بنسبه مرتفعه هو دلاله مباشره ان اضافات الزبت فقدت خواصها .. يبقى ده ميعاد التغيير
- سواء المشاوير القصيره او الركن فترات طوبله .. بيؤدى لوصول رطوبه للزيت .. و بالتالى تحدث اكسده .. و بالتالى تتكون الاحماض .. الاحماض دى بتتفاعل مع جسم المحرك و يبدأ التأكل و ايضا الصدأ الداخلى
معلومه اضافيه
- فيه عوامل و طرق كتير لتقدير عمر الزيت ( نظريا ) .. بيتم الحساب على اسوأ حاله و بنعتبر ده ميعاد التغيير
- احد هذه الطرق ( طريقه اساسيه ) .. هى تشبه حساب الحمل الحرارى على الزيت .. يعنى بيحسب عمر الزيت بعدد دورات زبت معينه ( Oil Cycle )
دوره الزيت تبدأ من زيت فى درجه حراره الغرفه .. ثم ترتفع درجه حرارته لدرجه حراره الزيت التشغيليه ( دى تختلف عن درجه حراره ميه المحرك ) .. ثم انخفاض درجه حرارته الى درجه حراره الغرفه مره اخرى
و الطريقه دى هى اللى بتخلينا نعرف ليه عربيه مشيت الف كم فى السنه لازم تغير زبت كل سنه .. زى عربيه مشيت 10 الاف فى السنه
ده لان المشاوير القصيره بتعمل دوره واحده لسخونه الزيت بس المسافه المقطوعه 5 كم مثلا ( الشخص اللى بيعمل الف فى السنه )
و عربيه ثانيه فى دوره واحده لسخونه الزيت مشى 100 كم مثلا ( الشخص اللى بيعمل 10 الاف فى السنه )
الاثنين عملو دوره زيت واحده .. بس الكيلومتر مختلف
العربيات اللى بتغير زيوت كل سنتين .. دى موتورها بيكون مصمم لكده .. و الزيت المخصص ليها بيكون مصمم لكده برضه .. و دى اسمها Long Drain Technology لازم موتور العربيه و الزيت يكونوا مصممين بالتوافق معها
و انا شايف ان معاك صنى و لانوس .. و العربيتين موش مصممين لمده السنتين دى
-
درجه حراره الزيت بتكون اعلى من درجه حراره ماء المحرك فى حدود 20 درجه مئويه ..اقتباس:
دوره الزيت تبدأ من زيت فى درجه حراره الغرفه .. ثم ترتفع درجه حرارته لدرجه حراره الزيت التشغيليه ( دى تختلف عن درجه حراره ميه المحرك ) .. ثم انخفاض درجه حرارته الى درجه حراره الغرفه مره اخرى
الزيت يصل لدرجه حراره التشغيل بعد حوالى 20 او 30 دقيقه ( موش واضحه بصراحه و محتاجه بحث )
الزيت لا ترتفع حرارته الا مع الحمل .. يعنى موتور داير حتى لمده ساعه .. ده موش حيخلى الزيت يسخن لدرجه حراره التشغيل
شكرا لمعلومات حضراتكم القيمة والوافية، بالفعل انا غيرت الزيت شكرا لكم