من اسبوعين فيات نزلت اسعار العربيات بتاعتها
و انهاردة منصور عامل اعلان فى الاهرام انه نزل سعر الاوبل مش عارفة وصلت كام الصراحة
هل معنى كده ان شوية شوية الاوروبى هينزل ؟؟؟؟
و طيب و بالنسبة للمصرى و الكورى و اليابانى و كل اللى هوا مش اوروبى هيحصله ايه؟؟؟
حد يفيدنا يا جماعة
.........
ياخوننا ماتتعشموش والنبى
الكلا فى مصر مختلف
وبعدين فيات نزلت يادوب 5000 جنيه
النزول الحقيقى زى اللى قالت عليه الصحف الخليجيه بالنسبه للسيارات الخليجى واللى هاتقل بنسبة 40%
هو ده نزول الاسعار اللى معمول عليه القلق ده كله
انما 5000 جنيه ايه اللى معتبرينهم نزول اسعار
نزول الاسعار من اعراضه التاثير على باقى الاسعار
حد شاف تغيير فى اسعار العربيات الجديده او الموديلات الحديثه فوق موديل ال 95
طبعا مفيش
والبنزين كل يوم بيرخص لحد اللحظه دى وطلع سيادة الوزير قال البنزين فى مصر مش هايرخص
اللى عاوز يعيش فى مصر مستريح واعصابه تستريح يعيش على الحدس مش على الحسابات والتفكير
ومحدش ينتظر حاجه سمع عنها لانه هايلاقى العكس
العربيه اللانسر شكل البومه المفروض انها موديل قديم بعد نزول اللانسر الشارك
والطبيعى فى اى دوله فى العالم ان ماتبقى من الشكل القديم او ان كان الطلب عليه مازال موجود فى خلال سنه من نزول الشكل الجديد يجب ان يباع بسعر يقل عن سعرها ايام ماكانت اخر موديل بما يعادل 70% من تمنها فى الوقت ده
تعالوا بصوا هنا فى مصر
مازالت تباع على سعرها القديم والكااااااااااارثه اللى سمعتها اليومين اللى فاتوا ان البومه قلت فى السوق جدا ومازال عليها طلب فغليت 5000 جنيه وناس بتقول 7000
طب بالزمه ده كلام
بجد فعلا حرام الافتراء اللى فى مصر ده
حرررررررام وبجد كفايه .. ومفيش حل للاسف
و الله انا سالت فى الرواس امبارح على 1300 لانسر كلاسيك يعنى اقل حاجة قالى انها زادت و بقت ب الف95
....... مفيش نزول فى الأسعار ياجماعة السوق هنا لايحكمه منطق
أسعار 2009 غليت عن 2008 ولسه حتغلى
----------
أوبل خفضت 5 الاف فقط لاغير ولغت المانوال يعنى بقت تبدا من 170 للايزى .. وده لانها موديل قديم و الانسينيا حتحل محلها ان اجلا او عاجلا .....
-
الفيات عايز يبيع ........ علشان كده رخص
طالما مفيش تغيير فى الجمارك يبقى مفيش تخفييييض للاسف .......
--
اليابانى غلى ياجماعة من 5 الاف الى 15 الف .....الاسبوع اللى فات
الهوندا غلت اسعار 2009 مع زيادة بعض الكماليات
الكورولا والياريس غليت
السوبارو غليت 5 الاف والهاتش غليت 10 الاف تانى من اسبوع
اللانسر أعلنت أسعار 2009 وهى أغلى 10 لاف عن 2008 مع نفس الكماليات
-
لاسف تحس انهم بيعاقبوا الناس علشان السوق نام شويه والناس بتحلم بالتخفيض :(
حسبي الله و نعم الوكيل في جشع التجار في مصر
ها ها ها .. حلوة قوي موضوع بيعاقبوا الناس دي .. الظاهر كده فعلاً.اقتباس:
المشاركة الأصلية كتبت بواسطة ahmad7610
بس النكته أن فيه نظرية في الاقتصاد ممكن أي بقال يطبقها .. الا وهي :
أكسب قليل = بيع كتير = مكسب أكتر = انتشار اكتر
بالرغم من أن اوبل تعاني من اثار الازمة المالية لدرجة انها طلبت تدخل الحكومة الالمانية لانقاذها من الافلاس و مع ذلك ينخفض سعر سيارات اوبل في مصر تنخفض فقط 5000 جنيه أي مايوازي 700 يورو !!!
فعلا مصر حاجة تانية الناس اللي فيها عايشين في عالم تاني و زمن تاني
الوضع فى مصر يختلف عن كل الدول
مفيش حاجه بترخص ولو عشان يحفظوا ماء الوجه هينزلوا الفين ثلاثه بالكثير
مصر فى معزل عن اسواق العالم فيما يتعلق بتخفيض اسعار اى سلعه