تحذييير و تنبيه هام بخصوص قسم هياكل مركزغبور العبور

**profimh** · 25-04-2016 02:19 PM

السادة الزملاء
كان عندى صوت تزييق انا عامل عليه موضوع قبل كده المهم البهوات غبور قالوا زرنا فى اقرب فرع و رحت قسم الهياكل فى مركز العبور وريتنى ما رحت قعدت عندهم من الساعة 9.30 الصبح و كل شوية لسه بندور على مصدر الصوت لغايت الساعة 5 مساءا تمام حلينا الموضوع تعالى شوف رحت لاقيت الصوت زى ما هو .يافندم ده كان راح. المصيبة مش فى كده المصيبة انى لاقيت القايم من جوة متجرح بشكل يحرق الدم و المهندس يرد ده عادى من الشغل.
و عليه حبيت احذركم و انبهكم من مستوى الفنيين هناك ده غير البلاوى اللى شوفتها هناك حسبى الله و نعم الوكيل. لا المشكلة اتحلت و كل اللى كسبته تجريح القايم وتطريم مسامير الباب كاملة.

اسيبكم تتفرجوا على اللى حصل فى القايم فى المرفقات

**tasaka** · 25-04-2016 03:04 PM

حصلت معايا فى عربيه قبل كده .. من سمكرى حمار

البوهيجى بتاعى عملها كويس .. بيجيب بويه .. و بيتحط عليها نسبه مصلب خفيفه جدا .. بتصبح نصف مط زى الفابريكه للدواخل

لو ده الباب الخلفى بتفك مسمار واحد فقط و الباب مقفول ( موش مسمارين الباب .. علشان الباب يفضل على نفس الظبط ) .. و بتغطس رأس المسمار فى البويه و يترك ليجف .. كرر مره او مرتين .. و حسب ما فهمت منه ان مسامير الفابريكه بتتعمل كده

و لو ده الباب الامامى يبقى موش حتعرف توصل لمكان تفك منه مسمار واحد و الباب مقفول على ما اعتقد .. يبقى تدهن راس المسمار و هو مربوط بالقطنه

بالنسبه للتجريح فى القايم .. من نفس ماده الدهان السابقه ( ليها نسبه مصلب خفيفه جدا ) .. يتم تلقيط الجروح ( موش مساحات كبيره .. كل جرح صغير لوحده ) بقطنه رفيعه ثم تترك لتجف ربع ساعه مثلا .. كرر 3 مرات .. ثم بالقطنه يتم تسويه سطح الدهان فى المنطقه اللى عملتها

خلى بوهيجى يعمل لك الموضوع ده علشان ايده بتكون حساسه اكثر

بالتوفيق

الموضوع: تحذييير و تنبيه هام بخصوص قسم هياكل مركزغبور العبور

LinkBack

أدوات الموضوع

عرض

تحذييير و تنبيه هام بخصوص قسم هياكل مركزغبور العبور - انشر الموضوع فى :

المواضيع المتشابهه

تنبيه بخصوص عرض خصم المنتدى مع جي بي اوتو

تنبيه بخصوص سيرفر المنتدى

تنبيه هام للاعضاء بخصوص اسم العضوية

الكلمات الدلالية لهذا الموضوع

المفضلات

المفضلات

ضوابط المشاركة