بص بصفه عامه
1- الاجهزه دى لازم تقرأ كويس اوى قبل ما تشترى او تحدد نوع الجهاز اصلا.. و تكون دقيق فى تحديد الموديل بالظبط .. دى صفحه على الامازون فيها نفس الجهاز اللى انت عايزه و لكن مثلا حتلاقى منه موديل Global ( اللى هو بيكون شامل عربيات اسيويه او اوروبيه .. بصوره اكبر من الجهاز المخصص لامريكا )
http://www.amazon.com/s/ref=nb_sb_no...LAUNCH+CRP+129
2- و هنا كمثال .. تقدر تقرأ ال Reviews علشان تعرف اراء الى اشتروه
Amazon.com: Customer Reviews: Launch Tech (301050118) CRP129 Pro-Code OBDII Scan Diagnostic Tool
و لاحظ ان ده مثال .. انت المفروض تشوف الجهاز الجلوبال و موديله الفرعى ايه بالظبط
3- الاجهزه دى ما تشتريهاش غير على التجربه انها تقدر تقرأ عربيتك او مجموعه العربيات اللى انت عايزها .. غير كده لا
4- كل اجهزه تشخيص الاعطال لا يمكن نهائيا ان تكون متوافقه مع جميع السيارات او حتى سنوات معينه داخل نفس الموديل
5- من تجربتى فى جهازين غاليين .. انا اشتريت السنه اللى فاتت جهاز Actron و واحد تانى innova .. من اشهر و افضل الماركات العالميه لاجهزه الاعطال الشخصيه ( موش لورشه ميكانيكى ) .. سعر كل جهاز كان فى حدود 200 الى 260 دولار .. و الاثنين مشتغلوش على عربيتى نهائى .. بالرغم انى كنت جايب النسخه ال Global علشان اضمن انها تشتغل على العربيات الاسيويه
6- الجهاز اللى انت اخترته ده تخصصى لورشه ميكانيكا ( موش شخصى ) .. الاجهزه الكويسه التخصصيه بتوصل الى 10 الاف دولار و لن تقل بحال من الاحوال عن 700 ااو 800 دولار و عاده اقل جهاز تخصصى بيكون فى حدود 2000 دولار
7- فلو انت جايبه لنفسك شخصى .. ماشى .. لكن لورشه مابنفعشى على ما اظن
8- فى موقع امازون تعليقات اللى اشتروه .. 50% شكروا فيه و 50% قالوا لم يعمل
9- نظريا الجهاز امكانياته عاليه ( بالنسبه للاجهزه الشخصيه ) بس ده نظريا هل حبقدر ينفذها ؟؟ ده السؤال .. و الاجهزه اللى كنت شاريها انا كانت فيها معظم الامكانيات دى ) و ما اشتغلتشى عندى فمفيش مقياس
10- لو انت عايزه لكيا .. اى جهاز اعتقد حيشتغل بدون مشاكل على ما اظن .. و استغنى عن بعض الامكانيات و هاته بسيط يطفى لمبه او يديك اكواد المحرك و يقرأ حساسات موتور و يكون سعره بسيط
لان مفيش معنى لشراء جهاز معقد بدون ما بكون عندك الخلفيه علشان تربط بين قراءات الحساسات و المنحنيات اللحظيه .. و بالتالى تشخص عيب او تستبعد احتماليه عيب نتيجه الربط ده بين المعلومات من الحساسات
المفضلات