المشاركة الأصلية كتبت بواسطة OsKaR
السلام عليكم معلش كان ليا استفسار صغير
انا معايا نوبيرا 2005 العربيه حدفت يمين مره واحده جامد مني و طلعت فوق رصيف و خبطت في عمود
قدر الله و ما شاء فعل
المهم العمود دخل في الكبوت من ناحيه اليمين و دخل جوه الحوض لحد ما وصل مكان فلتر الهوا
طبعا فلتر الهوا بالخرطوم اللي طالع منه و داخل الموتور اتكسر و الموتور اتحرك من مكانه رجع لوره شويه ناحيه التابلوه و راح ناحيه الشمال ناحيه البطاريه
المهم بعد الحادثه العربيه نايمه على الارض من ناحيه قدام على اليمين و الجنط معووج و البنزين كان بينزل على الارض و و الفتيس بقى قافش و واخد وضع مش طبيعي زي ما كان و اخد الرابع بس مايل جامد لتحت يعني عامل زاويه 30 مثلا مع القاعده بتاعته و بيشاور ناحيه الكنبه الورانيه
مش عارف انا قدرت اوصلكم الرؤيه ولا لأ
يا ريت الاعضاء يردا عليا بأي معلومه او سعر تعرفه لأني قلقان جدا و مش عارف انام بسسبها
فياريت لو حد يعرف توقعاتكم ايه بالنسبه للحصل و الخساير المتوقعه مع اسعار التصليح لو حد يعرف
عشان انا بمحتن و مش فاضي اعملها دلوقتي و بعد الامتحانات العيد ومش هشتغل فيها قبل اسبوعين بس عايل همها على الاخر