سؤالي عن زوايا و مواسير و الشنال ستيل

**carmodeler** · 26-04-2016 02:22 AM

انا في الفترة الجاية هابقى محتاج مواسير مربعة في الغالب هتبقى مش ازيد من 8 في 8 سم وسمك 4 او 5 مم و ومقاسات تانية اصغر و زوايا و شانال مقاسات مختلفة بس المشكلة ماعرفش هجيبهم ازاي واحد قالي روح السبتية بس مش عايز اروح عمياني من غير ماعرف اجيب منين و هل ممكن يبقى في انواع بتختلف في الجودة مثلا وهل الاسعار بتبقى زي حديد التسليح بتاع البنا وهل في مكان معين في السبتية اروحه مضمونة جودته مثلا واسعاره فياريت الاقي حد يفدني في الحكاية دي و هل ممكن الاقي هناك مكن لحام مستعمل و اسعاره حلوة انا عموما الجودة عندي قبل السعر بس في المعقول ولا ابقى اجيب راجل بتاع لحام افضل مع اني سامع ان مصنعيتهم بتبقى غالية اوى ولا ايه رايكم انا بفكر في حكاية مكنة اللحام لاني مش مستعجل و اعتقد عندي وقت كفاية اني ممكن اتعلم من النت سواءا يوتيوب او المنتديات الاجنبي بس الاهم دلوقتي عايز اجيب الحديد اللي محتاجه لان كل حاجة عمالة تغلى و شكرا و اسف على الاطالة

**mr_green** · 26-04-2016 09:00 AM

موجودة المواسير دى فى السبتية إستلس أغلبها على ما أتذكر

مش قادر أوصفلك مكان بعينه بس لأن كلهم جنب بعض

أنا فاكر إشتيرت قبل كده المواسير المربعة دى من حوالى 12 سنة من هناك كنت بستخدمهم قوالب لحاجة معينه إنزل خد لفة مش هاتخسر حاجة

**carmodeler** · 26-04-2016 05:58 PM

شكرا لردك ان شاء الله انا كده كده هروح اول مايو كنت بسال بس المعلومة لو مع الواحد قبل مايروح ايي سوق بتبقى مفيدة جدا زي ماتيجي تشتري كمبيوتر مثلا انك تعرف الاسعار و افضل الاماكن افضل من انك تنزل من غير ماتبقى عارف حاجة خالص و ده اللي انا فيه في الحالة دي و شكرا مرة تانية على ردك

**HeMa_LanCeR** · 27-04-2016 11:29 AM

المواسير دي تجيبها من السبتية من شارع سوق العصر
هتلاقي المحلات كتير وبتبقي بطول 6 متر لو انت محتاج مقاس او سمك معين
لأن قليل اللي هتلاقي عندة فضلات ولو موجوده هتبقي متر او اتنين كده يعني
انا طبعا بتكلم عن الحديد مش استانلس
بالنسبة بقي للحام انسي
انت تجيب لحام احسن
انا عندي المكنة وبعرف الحم كويس جدا بس للأسف متعبة لدرجة لاتتخيلها وخصوصا لو في الأول انا فضلت ايام مبعرفش اغمض عيني وانام بسبب اللحام
يعني انت لو حاجه معينة هات لحام اوفر ليك (ولصحتك)