مظبوط الانوس كدة العداد بتاع البنزين مش بيفصل لما الكونتاك يفصل
عرض للطباعة
غالبا نقاط التوصيل بتاعت العوامة عايزة تتنضف... القصة مش فلم بس حتحتاج فك الطلمبة من التانك
MMamdouh
عموما انا جبت العوامة جديدة اصلي كانت 525 جنيه وتركيبها كلام فارغ
عند أي ميكانيكي
انا عندى مشكلة تانية بس بصراحة مش مركز فيها خالص
العوامة القراءة بتاعتها نسبيا مش مظبوطة بمعنى
انى لما افول تدينى القراءة الصح
بعد اول 200 كيلو بيفضل على علامة الفول تانك
بعد كده بيدأ ينزل والغريب انى وانا ماشى بشوف المؤشر وهو بيتحرك !!!
بالمناسبة للزميل الفاضل العوامة بتاخد القراءة بتاعتها ومش بتفصل مع الكونتاكت وعلشان محدش يلعب فى افكارك العوامة بتاخد القراءة وبتفصل كهرباء بعد كدة بمعنى انك لو فكيت العداد هتلاقيه واقف على اخر قراءة ومش محتاج كهرباء
طيب كالمعتاد نتقل عليك يا ممدوح باشا ونطمع فى كرم اخلاق وحسن سجيتك (حلوه حسن سجيتك ديه) وتربتك الخصبة المعطاءه (بذمتك مش كلام جامد وكبير) ......الخ كفايه مسح جوخ
ممكن يا ممدوح باشا طريقة فك وتنظيف العوامة ويا ريت لو فى صور
اقترح على حضرتك ان اى خطوة صيانة او تركيب او استبدال قطعة فى العربية اذا كان شرحها وافى تثبت فى الموضع المثبت الخاص بحضرتك
ديه مش مشكلة..لانك لما بتفول العربية بتبدأ تأخذ من الاحتياطي اللي هو تقريبا بيكون 10 لتر(خلي بالك ان الاحتياطي ده بيبقى تحت علامة الصفر في المؤشر عشان كده انت بيتهيالك انه مش محسوب لكن هو محسوب لكن المؤشر مفيهوش علامه تخليك تعرف الاحتياطي كام) يعني ممكن يمشيك 130 كيلو او اكثر حسب استهلاك عربيتك..وبعد ما يخلص الاحتياطي يبدأ يستخدم من التانك العادي ..ويبدأ المؤشر ينزل النزول الطبيعي له بعد علامة الفول تانك.
لو طلع في عيب في العوامة لا قدر الله و اضطريت تغيرها ابعد عن الصيني و عن تجربة