للأسف أنا ما لقيتش كتالوج العربية اللي بينزل معاها (دليل المستخدم).. ولو كنت لقيته كنت عرفت أوصل للمعلومات بسهولة أكتر بكتير..
اللي لقيته كان كتالوج الصيانة تقدر تنزله من هنا..
Login - Daihatsu club
هو كبير قوي (1009 صفحة)..
هتلاقي مواصفات زيت الموتور في صفحة 32
مواصفات زيت الفتيس الأوتوماتيك في صفحة 55
جدول الصيانات من صفحة 21 إلى 23 (شامل الصيانة في الحالات العادية والحالات الشاقة)
وعن طريق الكتالوج ده تقدر تفك العربية كلها حتة حتة وترجعها تاني فبريكا :)
بالنسبة للزيت...
لما تشتري الزيت .. أي زيت.. اوعى تدور على الماركة..
دور على المواصفة..
مهما كانت الماركة مشهورة.. لو المواصفة غلط يبقى الماركة مالهاش قيمة نهائي..
امسك علبة الزيت وبص على ظهرها (ووشها بردو).. ودور على كلمة Dexron III.. لو لقيتها يبقى الزيت مناسب لعربيتك..
ما لقيتهاش.. ما تشتريش الزيت مهما كانت ماركته.
بالنسبة لمانول.. أيوه عندهم زيت دكسرون 3
https://www.mannolegypt.com/fb/p/sit...3_4l.800x0.jpg
اشتريه بدون أي قلق.
...