عرض للطباعة
ازيكم يا اهل الجروب الكرام
وحشتووووووووووووووووووووو وووووونى
انا دلوقتى عاوز اجيب عربية فى حدود ال 120 الف جنية وبفكر فى الجيتا او الباسات 2008/2009 استعمال وفى ناس كتير بتخوفنى منهم وبيقولولى بيجيبو فتيس علطول
فا دلوقتى انا عاوز اقتراحات فى حدود المبلغ ده
اهلًا ليك وعود احمد
مبدأيا الموضوع ده خاص بيك حسب رغباتك واحتياجاتك لان الفئه دي فيها موديلات كتير
فَلَو انت عايز تريح دماغك من الصيانات فحتجيب زيرو او كسر زيرو وتضحى بالإمكانيات والمستوى عندك اللوجان وال٣٠١ والسي اليزيه والصنى وهكذا
اما لو بتدور علي ركوبه محترمه بس صيانات اكتر وقطع غيار معمره اكتر حتفكر في بي ام او مرسيدس موديلات اقدم شويه او تجيب جيتا او باسات في نفس الرنج
اما بصراحه رايي الشخصي واللي انا عملته أنى جبت بي ام e٤٦ علشان اكتر من سبب اولا أنى ممكن أبيع في اى وقت بسبب ظروف شغلي فيوم محب أبيع ألاقي اللي يقدر وفي نفس الوقت ركوبه وعربية شكلها مبيقدمش وكمان لان قطع الغيار متوفرة جديد واستعمال وباسعار زى الكورى او اقل كمان وتكنولوجيا أفضل وامكانيات اكتر إنما لازم حتقف عند الصنايعي شويه بسبب ان في قطع عمرها بينتهي وبتحتاج تتغير فَلَو انت مش حتستحمل وقفه الصنايعية كل فتره علشان الصيانات يبقي خليك في العجل الحديث
وفعلا سمعت عن موضوع فتيس الجيتا ولكن كل عربيه حتلاقي فيها عيب ما او شكوى عامه وطالما انت محافظ علي عربيتك يبقي اعتمد ومتقلقش
المهم انت اختار الحاجه اللي تحبها وتكون مقتنع بيها بعيداً عن اى حاجه تانيه علشان لما تجيبها ولا قدر الله يحصل حاجه تتقبل الموضوع إنما لو اخترت علي كلام الناس مش حتتقبل الاختيار وحتفضل حاسس ان كان في اختيار أحسن
ربنا معاك في حيرتك دى
اهم حاجه لف واسأل كتير وتابع السوق واتفرج علي اكتر من موديل وخد قرار لان الأسعار عماله تطلع وحسب متطلباتك من العربيه اشترى
تحياتى
ابعد عن الالماني مستعمل ، عليك وعلى الكورلا 1600 اوتوماتيك مستعمل نظيف اضمن من الالماني
شكراااا يا معالى الباشا ... انا فعلا مش هحب القعده عند الميكانيكى ومش هبقى فاضى خالصاقتباس:
المشاركة الأصلية كتبت بواسطة eslamrace
طيب اية رائيك فى السوزوكى السياز زيرو ولا النيسان سنترا ؟
والله انا للأسف مش حقدر أفيدك في مقارنات الزيرو خاصة وانى عندي مبدأ ان شراء الزيرو في بلدنا مش صفقه جيده لأنى غالبا مش بثق في المعارض سواء جديد او مستعمل والتوكيلات عامه ولان خسارة البيع بتكون مكلفهاقتباس:
المشاركة الأصلية كتبت بواسطة mody_halawa
فممكن حد يفيدك في الموضوع ده من الزملاء
وفكر تجيب كسر زيرو بدل الزيرو علي الأقل تقلل تكلفة أعاده البيع لو لا قدر الله لقيت العربيه مش مريحاك خاصة وانها حتكون عربيّات لِسَّه ملهاش تاريخ تقدر تتعرف عليه
أتمنى ربنا يوفقك للقرار الأصح
واهم حاجه زى مقولتلك راحتك النفسيه وقناعاتك انت وبس
تحياتى.
أنا نفسي أعرف مين اللي أوهم الناس إن فتيس الجيتا بيبوظ !!!
إشاعات و الناس بتصدق
فتيس الجيتا من أول متصنعت لحد ٢٠١٠ فتيس عادي ست سرعات و روعة و مش بيبوظ
من اول ٢٠١٠ بدأ ال dsg ده فيه مشاكل ابعد عنه
يعني اي حاجه قبل ٢٠١٠ عربيه روعة المهم ميكونش dsg
اما التعميم على المطلق كده ينم عن اي كلام و خلاص
و بالنسبة لل e 46 قطع غيارها ارخص من الكوري قوي و عربية روعة