عرض للطباعة
السلام عليكم
لو سمحت صديق لى خريج تجارة ولكن يعمل كمهندس اتصالات
وخلص دبلوم دراسات عليا فى حاسبات ومعلومات الاكاديمية البحرية
هل يمكن تغير المسمى الوظيفى فى البطاقة لمهندس ؟
لانه عنده مشاكل فى السفر والمهنة فى جواز السفر ؟
المسمى الحالى: حاصل على بكالوريوس تجارة
مهندس - أشك
المسمى الوظيفى فى البطاقة حاجة من إتنين
يا يختم الورق من الشركة إللى شغال فيها و إللى بدورها بتختمه من التأمينات و بالتالى على حسب المسمى بتاعه فى التأمينات هايكتبولوه
أو هايختمها من النقابة و بالتالى نقابة المهندسين مش هاتختمله !
طيب يا فندم ملهاش حل
الدراسات العليا المفترض انها مرحلة اعلى من البكالوريوس
ولو حتى تغير المسمى لتغير مناسب لوظيفته علشان مشاكل السفر
هو مش المفترض ان المؤهل الدراسى عامل مهم ؟
والمؤهل الدراسى هنا اتغير
مش متأكد صراحة بس أساسا حاسبات و معلومات مش تابعه لهندسة
هو يسأل فى المكان إللى عمل فيه الدراسات العليا و همه هايفيدوه أكثر إن شاء الله
تمام
طيب هم خريجى حاسبات بيكتبوا ايه :)
الشركات بتسجله فى التأمينات أخصائى برامج آلية على حد علمى و بالتالى ده إللى الشركة بتكتبهوله فى البطاقة فى حالة إنه شغال
تمام
جزاك الله خيرا
ربنا يسهل ونلاقى حل ان شاء الله
انا خريج حاسبات ومعلومات - ومكتوبة مهنتي فعلاً [أخصائي برامج آلية] في البطاقة من 2010 ومعاها اسم الشركة اللى انا شغال فيها قطاع خاص (اسم المهنة ده اجباري من التأمينات للاسف)
بالنسبة لنقابة المهندسين اعتقد مش بتقبل الا خريج كلية هندسة من الاساس - بس ممكن يروح ويسأل أفضل
حاولت ادور عن شروط العضوية ولكن موقع النقابة مش كاتب حاجة - بس لقيت اللنك ده
https://ar.wikisource.org/wiki/%D9%8...A7.D8.A8.D8.A9
البلد دى مشكلة فى كل حاجة للاسف !!
لا بتقدر درجة علمية ولا اى حاجة
اومال مهندس شبكات او it هيعمل ايه ؟؟ لو خريج حاسبات
حاجة غريبة فعلا
مش حيكتب مهندس الا لو عضو نقابه حتي لو معاه بكالوريوس هندسه بيتكتب حاصل علي بكالوريوس هندسه
طيب مهندسين الشبكات وميكروسووفت
والناس اللى شغالة فى it
بيكتبوا ايه ؟