رأيكم فى شراكه فى كافيتريا

**EgyArmy** · 27-04-2016 01:51 AM

المشروع ده عمتا حلم حياتى من فترة طويله اوى
الشراكة هتكون عبارة عن

الشريك الأول
راجل معرفهوش و ده افضل فى التعامل المالى بينا لأنه بيبقى فيه حساسيه كبيرة بين المعارف
مهمته هتكون المحل فقط و هو صاحبه و المحل متشطب سوبر لوكس

الشريك الثانى
انا
مهمتى هتكون عبارة عن فرش المحل من كراسى و طرابيزات و كافة الادوات زى التلاجة و الخلاط و التليفزيون و هكذا يعنى من الابرة للصاروخ زى مابيقولوا

المصاريف المستهلكة
يعنى الخامات زى الشاى و القهوه و الكهربا و المايا هتكون عليا انا من مكسبى

الادارة
هتكون عليا لكن يومية الصنايعيه بالنص و لو هو عايز يديرها معايا مفيش مشكلة

تقاسم الارباح
هيكون بالنص

ايه رأيكم فى المشروع ده لحد دلوقتى ؟

**amr011111** · 27-04-2016 08:56 AM

هى عموما الشراكه فى مصر نظام فاشل من قبل ما يبدأ. بس اعتقد ان هو كده داخل بالمحل فقط ونص اجرة الصنايعيهز وطالما الاداره ليك يبقى ديه نقطه فى صالحك. لاوم برضه تتفقوا لو لا قدر الله المشروع ممشيش هل هتاخد حاجتك ولا هيقولك نظير ايجار المحل. يعنى لازم تتفقوا على كل حاجه وبالتوفيق

**EgyArmy** · 03-05-2016 08:48 AM

المشاركة الأصلية كتبت بواسطة amr011111

هى عموما الشراكه فى مصر نظام فاشل من قبل ما يبدأ. بس اعتقد ان هو كده داخل بالمحل فقط ونص اجرة الصنايعيهز وطالما الاداره ليك يبقى ديه نقطه فى صالحك. لاوم برضه تتفقوا لو لا قدر الله المشروع ممشيش هل هتاخد حاجتك ولا هيقولك نظير ايجار المحل. يعنى لازم تتفقوا على كل حاجه وبالتوفيق

للأسف كلامك صح أن نظام الشراكة فى مصر نظام فاشل و لكن أنا حبيت ابدأ التجربه بس و يبقى لو فيها خسارة تبقى قليلة مش تبقى دبح على الأخر , و شغل الإدارة المشروع دة بقاله سنين فى دماغى و ان شاء الله لو اتعمل هيبقى قصة الإدارة دى بالنسبالى بما أنى مقيم على الكافيتريات هيبقى نتلافى المشاكل و الحاجة الى بيحبها الناس هتكتر , و لو المشروع ممشيش الحاجة أكيد بتاعتى لأن هيتكتب عقد بكدة