العربية بتعمل كيك داون لوحدها

**mohamedMohYass** · 28-04-2016 12:04 AM

العربية عملت النهاردة حركة عجيبة و كررتها 4 مرات. ابقى ماشي على 100 و فجأة تعمل كيك داون و تنزل على النقلة الأقل و ال ار بي ام يعلى لغاية 5 و بعد كده ينزل مع ان دوسة البنزين ثابته.
العربية ماتريكس اتوماتيك 2005 ماشية 113 ألف. و كمان ساعات و هي بتطلع بعد لما اشيل رجلي من الفرامل و ادوس بنزين تنتش و تنطر نطره لقدام كده.
مش عارف ممكن تكون حساسات و لا الموضوع كده الفتيس باظ؟؟

**tata2011** · 28-04-2016 05:46 PM

نفس المشكلة كانت عندى والحمد لله حلتها . حضرتك بتروح تغير حساس فتيس هو عبارة عن سلك اخره زى فيشة . شوف مركز خدمة بكون محترم الاول بيكشف بالكومبيوتر عشان يتأكد .

**mohamedMohYass** · 28-04-2016 09:12 PM

tata2011

كانت بتنتش معاك برده في الطلعة و ساعات مع الزحمة كده و تحس بالنقلات؟ ياريت يكون حساس فتيس و ميبقاش الفتيس بيودع
و اجيب الحساس ده منين و سعره كام؟

**mohamedMohYass** · 05-05-2016 03:22 AM

رحت كشفت كمبيوتر عند احمد الكهربائي اللي في شارع الدقي و طلع في حساس tps و لما غيرته النهاردة بواحد جديد كوري طلعت مشكلة تانية ان الفتيس مبقاش بينقل الا على ار بي ام 5 مع انه قبل تغيير الحساس كان بينقل على 3 و احيانا 2.7 كمان.
فعلا قرفت و مش عارف المشكلة فين؟ ياريت لو حد قابلته نفس المشاكل يقول