خناقة كبيرة مع البنك الأهلي لسحب فلوسي بالدولار

السلام عليكم يا شباب


أنا أدفع أقساط كبيرة كل ثلاثة أشهر وأضطر إلى التحويل بالدولار من خارج مصر على البنك الأهلي أو بنك مصر

ومن هنا تبدأ المشكلة

المرة الماضية حوّلت الفلوس على بنك مصر وذهب أخي ليستلمها فرفض البنك إعطاءه دولاراً واحداً بحجة "مفيش عندنا دولارات"


وبعد انتظار اليوم كله ومفاوضات وحيال تدخل أحد الموظفين الذين يعرفهم أخي لكن تم صرف المبلغ كله من فئة 5 دولار!!! حسبي الله ونعمة الوكيل. وطبعا شركات الصرافة تنظر إلى الأوراق الصغيرة باعتبارها فكة وحجمها عبئاً عليها وبالتالي تصرفها بثمن بخس


يوم الاثنين حولت مبلغ 5000 دولار هذه المرة على البنك الأهلي. ورفض البنك الأهلي أيضاً أن يصرف الحوالة بالدولار وبدأت المفاوضات والصراخ مع مسؤولي البنك يوم الثلاثاء كله ثم يوم الأربعاء كله وبعد خناقة مع الموظفين وضجة في البنك، تم صرف المبلغ أمس لكن من فئة 10 دولار فقط وإذا كان عاجب!!!

السؤال الآن: أنا حوّلت فلوسي عبر القنوات الرسمية للدولة ودفعت جميع الرسوم المقررة، لماذا إذن تضطرنا الحكومة اضطراراً للجوء إلى المهربين؟


لماذا تضطرنا الدولة للتوقف عن إرسال الدولار إلى مصر وإعطاء أموالنا لتجار العملة في الخليج؟


منذ أيام كنت مع أحد الأصدقاء فقال يوجد من يشتري الدولار ب 11 جنيه ويودعها في حسابك في مصر قبل أن تعطيه الفلوس هنا. فرفضت والله وقلت له لا أنا سأرسل الفلوس إلى مصر


شراء الدولار من المصريين في الخليج بدأ ينتعش وهذا والله لا يرضيني أبداً لأني أراه نكاية في مصر الدولة قبل أن يكون معارضة للحكومة.

جهات مجهولة لا نعرفها تريد بأي وسيلة منع التحويلات إلى مصر بعد ضرب السياحة وتراجع إيرادات قناة السويس وتستغل غباء الحكومة وتعنت البنوك

أنا أريد سحب أموالي فبأي مبرر قانوني أو سند دستوري تمنعني؟

للأسف الغباء الحكومى البيروقراطى مستمر للأبد

بس يا صديقى هو مش جهات بتحاول منع التحويلات و الكلام بتاع نظرية المؤامرة الكونية على النظام إللى هو أساسا متآمر على نفسه بغبائه

الموضوع إن تجار العمله لقوا بيئة خصبة بسبب التعنت و الغباء الحكومى فمن الآخر بيصطادوا فى الميه العكره

حول على المصرف المتحد .............. اكثر احتراما ................. و عمولة التحويل برضه قليلة .........

خلينا نكون عمليين ........ انا بحول على بنك مصر ....... فرعه فى اسكندرية ...... و لا مرة مارضيش البنك يدنى دولارات ....... كل مرة بيدينى دولار و من فئة ال 100 دولار و من غير مشاكل ....... و اخرها من 3 اسابيع بالظبط و كان برضه مبلغ

جرب كده تحول عليه و شوف

اقتباس:

---

المشاركة الأصلية كتبت بواسطة mr_green

للأسف الغباء الحكومى البيروقراطى مستمر للأبد

بس يا صديقى هو مش جهات بتحاول منع التحويلات و الكلام بتاع نظرية المؤامرة الكونية على النظام إللى هو أساسا متآمر على نفسه بغبائه

الموضوع إن تجار العمله لقوا بيئة خصبة بسبب التعنت و الغباء الحكومى فمن الآخر بيصطادوا فى الميه العكره

---

لا يا فندم فيه جهات و جهات تقيلة كمان .......... الأخوان هنا فى السعودية و انا اعرف كتير منهم شخصيا ...... بيعرضوا شراء الدولار او الريال فى الخليج حتى فى احيان كثيرة بأعلى كمان من سعره فى السوق السودة فى مصر ....... و عاملين شبكة دولية لأدارة الموضوع ده


ده قسم هما قاسمين عليه ...... و ديه حقيقة لا جدال فىها ..... انهم مش حيدخلوا مصر دولار واحد

اقتباس:

---

المشاركة الأصلية كتبت بواسطة hobiko

خلينا نكون عمليين ........ انا بحول على بنك مصر ....... فرعه فى اسكندرية ...... و لا مرة مارضيش البنك يدنى دولارات ....... كل مرة بيدينى دولار و من فئة ال 100 دولار و من غير مشاكل ....... و اخرها من 3 اسابيع بالظبط و كان برضه مبلغ

جرب كده تحول عليه و شوف



لا يا فندم فيه جهات و جهات تقيلة كمان .......... الأخوان هنا فى السعودية و انا اعرف كتير منهم شخصيا ...... بيعرضوا شراء الدولار او الريال فى الخليج حتى فى احيان كثيرة بأعلى كمان من سعره فى السوق السودة فى مصر ....... و عاملين شبكة دولية لأدارة الموضوع ده


ده قسم هما قاسمين عليه ...... و ديه حقيقة لا جدال فىها ..... انهم مش حيدخلوا مصر دولار واحد

---

هافترض معاك إن ده حاصل فعلا و إنك حضرت معاهم و هم بيحلفوا القسم ده

ده مايمنعش إن الحكومة بتقدملهم أفضل مساعدة بالقرارات الغبية المستمره


إللى أنا أعرفه و إللى الناس كلها شايفاه إن أزمة الدولار سببها الرئيسى هو الغباء الحكومى

إحنا بنتكلم عن إمكانات دولة كاملة فى إيدها سيطرة كاملة على المؤسسات و القطاع المصرفى و الإستيراد و التصدير و الصناعة و التجارة

فياريت بلاش نفضل ننفخ فى فزاعة الإخوان و نعملها شماعة لأخطاء و تقصير عظيم من النظام

لو الإخوان عليهم 10% فالنظام عليه 90%

حول ويسترن يونيون

الأخ صاحب الموضوع :

أنا متفق معاك فى تعنت البنك الأهلى و مصر و ده عن تجربة شخصية لإني لى حسابين فى الأهلى و فيصل و كنت بأحول على الأهلي بسبب سرعة الوصول و قلة العمولة لكن لما لقيت التعنت و الهبل بتاع البنك الأهلى قفلت حسابى بالدولار فيه بالفعل و إكتفيت ببنك فيصل أحول عليه . بصراحة مافيش حاجة عندهم إسمها مافيش . بس أحيانا بيعطوا فكة . حاليا بأحول على فيصل لكن لما أبقى نازل بأعمل حسابي آخد معايا لغاية 10 آلاف كاش .


بالنسبة للمؤامرات و نظرية المؤامرة : طبعا مش حأنفيها لإنها موروث و معتقد تاريخي و غصب عني لازم أصدق إن العالم كله خايف من مصر من آلاف السنين و الكل يتآمر عليها من أول الحيثيين و الفينيقيين لغاية إسرائيل و أمريكا و اليابان و السودان و الإخوان و الشياطين و لدرجة أيضا إن الشمس نفسها بتتآمر على مصر لما بتقرب فى الصيف و ترفع حرارة الجو علشان تجبر المصريين ( أنشط شعوب الأرض ) على الخمول .كل ده لإنهم مش فارق معاهم التقدم و الحضارة و التفوق اللى هم فيه بس خايفين من مصر . طبعا اللى مش مصدق كلامي يفتح أى مبولة فضائية من اللى بيشتغلوا بعد الساعة 9 مساءا و يتأكد لإني بصراحة مبتفرجش .

بالنسبة للإخوان و أبناء الشاطر اللى بيلموا دولارات المصريين لإسقاط الدولة ( مش عارف هي الدولة لغاية دلوقتي مسقطتش . يارب تنجح و تجيب مجموع كبير )فدة جزء من الخرافات اللاإرادية اللى الناس بتحب تقولها لكن الحقيقة إن ده بزنس جديد نشأ نتيجة تضييق التعامل بالدولار من حكومتنا الرشيدة التى هي من أذكي حكومات الأرض .الفكرة ببساطة إن لوبي كبار المستوردين و لوبى كبار رجال الصرافة بالتعاون مع رجال أعمال خلجيين (أصحاب صرافات ) بدأوا يجمعوا الدولارات خارج مصر ثم يقوموا بسداد تكاليف الإستيراد من برة برة من هذه الأموال . الفكرة مجرد فهلوة و شطارة منهم مش مؤامرة ولا حاجة . بالمناسبة يوجد فى مصر تجار كبار يقومون بالشراء مباشرة من المواطنين ( اللى يعرفوهم ) مثل فتح الله و أولاد رجب ( و أكيد غيرهم بيعمل كدة ) لسداد مستحقات الموردين الأجانب .

اقتباس:

---

المشاركة الأصلية كتبت بواسطة moustafa_saad

حول ويسترن يونيون

---

رسوم التحويل يا أخ مصطفى غالية في ويسترن يونيون.

المرة الماضية ذهبت إليهم ووجدت أن الرسوم 90 دولار أمريكي يعني 950 جنيه تقريباً!! حتى أن الموظف نصحني أن أرسل المبلغ على ثلاث دفعات: مرة ألفين ومرة ثانية ألفين ومرة ثالثة ألف، لأن سعر التحويل فوق ألفين دولار هو المذكور أعلاه!

اقتباس:

---

المشاركة الأصلية كتبت بواسطة ahmedwagdy03

الأخ صاحب الموضوع :

أنا متفق معاك فى تعنت البنك الأهلى و مصر و ده عن تجربة شخصية لإني لى حسابين فى الأهلى و فيصل و كنت بأحول على الأهلي بسبب سرعة الوصول و قلة العمولة لكن لما لقيت التعنت و الهبل بتاع البنك الأهلى قفلت حسابى بالدولار فيه بالفعل و إكتفيت ببنك فيصل أحول عليه . بصراحة مافيش حاجة عندهم إسمها مافيش . بس أحيانا بيعطوا فكة . حاليا بأحول على فيصل لكن لما أبقى نازل بأعمل حسابي آخد معايا لغاية 10 آلاف كاش .


بالنسبة للمؤامرات و نظرية المؤامرة : طبعا مش حأنفيها لإنها موروث و معتقد تاريخي و غصب عني لازم أصدق إن العالم كله خايف من مصر من آلاف السنين و الكل يتآمر عليها من أول الحيثيين و الفينيقيين لغاية إسرائيل و أمريكا و اليابان و السودان و الإخوان و الشياطين و لدرجة أيضا إن الشمس نفسها بتتآمر على مصر لما بتقرب فى الصيف و ترفع حرارة الجو علشان تجبر المصريين ( أنشط شعوب الأرض ) على الخمول .كل ده لإنهم مش فارق معاهم التقدم و الحضارة و التفوق اللى هم فيه بس خايفين من مصر . طبعا اللى مش مصدق كلامي يفتح أى مبولة فضائية من اللى بيشتغلوا بعد الساعة 9 مساءا و يتأكد لإني بصراحة مبتفرجش .

بالنسبة للإخوان و أبناء الشاطر اللى بيلموا دولارات المصريين لإسقاط الدولة ( مش عارف هي الدولة لغاية دلوقتي مسقطتش . يارب تنجح و تجيب مجموع كبير )فدة جزء من الخرافات اللاإرادية اللى الناس بتحب تقولها لكن الحقيقة إن ده بزنس جديد نشأ نتيجة تضييق التعامل بالدولار من حكومتنا الرشيدة التى هي من أذكي حكومات الأرض .الفكرة ببساطة إن لوبي كبار المستوردين و لوبى كبار رجال الصرافة بالتعاون مع رجال أعمال خلجيين (أصحاب صرافات ) بدأوا يجمعوا الدولارات خارج مصر ثم يقوموا بسداد تكاليف الإستيراد من برة برة من هذه الأموال . الفكرة مجرد فهلوة و شطارة منهم مش مؤامرة ولا حاجة . بالمناسبة يوجد فى مصر تجار كبار يقومون بالشراء مباشرة من المواطنين ( اللى يعرفوهم ) مثل فتح الله و أولاد رجب ( و أكيد غيرهم بيعمل كدة ) لسداد مستحقات الموردين الأجانب .

---

يا أخ أحمد أنا لم أسمي أي جهة عند الحديث عن الجهات التي تجمع الدولارات من المصريين في الخارج لأني فعلاً لا أعرفهم.

قد يكون تحليلك هو الأقرب للصحة فعلاً. المستوردين المزنوقين بدأوا يتصرفوا من برة لبرة وإن ده بزنيس كبير...

إن شاء الله أشوف بنك فيصل الإسلامي لأن عندي حساب فيه

اقتباس:

---

المشاركة الأصلية كتبت بواسطة mr_green

هافترض معاك إن ده حاصل فعلا و إنك حضرت معاهم و هم بيحلفوا القسم ده

ده مايمنعش إن الحكومة بتقدملهم أفضل مساعدة بالقرارات الغبية المستمره


إللى أنا أعرفه و إللى الناس كلها شايفاه إن أزمة الدولار سببها الرئيسى هو الغباء الحكومى

إحنا بنتكلم عن إمكانات دولة كاملة فى إيدها سيطرة كاملة على المؤسسات و القطاع المصرفى و الإستيراد و التصدير و الصناعة و التجارة

فياريت بلاش نفضل ننفخ فى فزاعة الإخوان و نعملها شماعة لأخطاء و تقصير عظيم من النظام

لو الإخوان عليهم 10% فالنظام عليه 90%

---

كلامك مضبوط. الحكومة يقع عليها الجزء الأكبر من المسؤولية ولابد لها أن تتحرك. والمثل العربي يقول "بيدي لا بيد عمرو"

اقتباس:

---

المشاركة الأصلية كتبت بواسطة mr_green

هافترض معاك إن ده حاصل فعلا و إنك حضرت معاهم و هم بيحلفوا القسم ده

ده مايمنعش إن الحكومة بتقدملهم أفضل مساعدة بالقرارات الغبية المستمره


إللى أنا أعرفه و إللى الناس كلها شايفاه إن أزمة الدولار سببها الرئيسى هو الغباء الحكومى

إحنا بنتكلم عن إمكانات دولة كاملة فى إيدها سيطرة كاملة على المؤسسات و القطاع المصرفى و الإستيراد و التصدير و الصناعة و التجارة

فياريت بلاش نفضل ننفخ فى فزاعة الإخوان و نعملها شماعة لأخطاء و تقصير عظيم من النظام

لو الإخوان عليهم 10% فالنظام عليه 90%

---

بص .......... ماليش مزاج اجادل بس ماشى :)

الموضوع مش اختراع .......... انت موارد النقد الأجنبى فى مصر محدوده و معروفة ....... قناة السويس .. السياحة .. كان الأول البترول و الغاز بس بقى بيتحول كله دلوقتى لسداد حاجة السوق المحلية .. التصدير (مواد خام فى معظمها و منتجات زراعية) .. المنح و القروض

اكبر حاجة فى دول تقريبا كانت السياحة ........ و أظن واضح حالها عامل ازاى بعد موجة الأرهاب الأسلامجى الأخوانجى الداعشى و خصوصا حادثة الطيارة الروسية

و عشان تصنع و تنتج منتجات ينفع تصدرها برة بكميات كبيرة و تنافس فى السعر و الجودة .......... ده حياخد شوية وقت فالأسرع انك تنجح فى استعادة السياحة

اماعن مؤامرة الأخوان ........ بصراحة ما ينكرش مدى قذارتهم و ارهابهم و محاولاتهم الحثيثة لضرب مصر بأى طريقة من ايام القنابل و تفجير محولات و ابراج الكهرباء .... الا اخوانجى او أهبل :)

و انا بنزه حضرتك طبعا عن الأوصاف ديه ...... لان حضرتك زميل محترم و مجتمع المنتدى يتشرف بوجودك فيه

اما تقييم نسبة مسئولية كل واحد من النظام او الأخوان ...... لما نيجى للأرقام و النسب مش بعرف افتى عشان ماعنديش حسابات او ارقام مؤكدة

تحياتى ....... و يارب الخير لبلدنا

اقتباس:

---

المشاركة الأصلية كتبت بواسطة wawamoha

حول على المصرف المتحد .............. اكثر احتراما ................. و عمولة التحويل برضه قليلة .........

---

بعد تعليق حضرتك دخلت على موقع المصرف المتحد وتصفحت أقسامه، وواضح إنه بنك كويس. بس للأسف ليس له سوى فرع واحد في محافظتي ويبعد عني 70 كيلومتر تقريباً

اقتباس:

---

المشاركة الأصلية كتبت بواسطة hobiko

خلينا نكون عمليين ........ انا بحول على بنك مصر ....... فرعه فى اسكندرية ...... و لا مرة مارضيش البنك يدنى دولارات ....... كل مرة بيدينى دولار و من فئة ال 100 دولار و من غير مشاكل ....... و اخرها من 3 اسابيع بالظبط و كان برضه مبلغ

جرب كده تحول عليه و شوف



لا يا فندم فيه جهات و جهات تقيلة كمان .......... الأخوان هنا فى السعودية و انا اعرف كتير منهم شخصيا ...... بيعرضوا شراء الدولار او الريال فى الخليج حتى فى احيان كثيرة بأعلى كمان من سعره فى السوق السودة فى مصر ....... و عاملين شبكة دولية لأدارة الموضوع ده


ده قسم هما قاسمين عليه ...... و ديه حقيقة لا جدال فىها ..... انهم مش حيدخلوا مصر دولار واحد

---

شكراً للنصيحة، بس فرع الإسكندرية بعيد جداً.. كنت نتمنى الاحترافية من الحكومة وأن تكون السياسة المصرفية موحدة في بنوك الدولة كافة

بالأمس كتب بعض الأشخاص أن فرع التجمع الخامس يصرف لك أي مبلغ، وحتى لو أردت إيداع أي مبلغ لا يسألك عن مصدره وكل معاملاتهم ميسرة

ألسنا نعيش في دولة واحدة؟

اقتباس:

---

المشاركة الأصلية كتبت بواسطة عبدالحكيم

شكراً للنصيحة، بس فرع الإسكندرية بعيد جداً.. كنت نتمنى الاحترافية من الحكومة وأن تكون السياسة المصرفية موحدة في بنوك الدولة كافة

بالأمس كتب بعض الأشخاص أن فرع التجمع الخامس يصرف لك أي مبلغ، وحتى لو أردت إيداع أي مبلغ لا يسألك عن مصدره وكل معاملاتهم ميسرة

ألسنا نعيش في دولة واحدة؟

---

عندك حق طبعا ...... انا بس حاولت اساعد باللى اعرفه

بعيدا عن نظرية الموأمرة وان فى ناس بشترى الدولار من بره مصر علشان تسقط الدولة الكلام ده مش صحيح
كل اللى حصل ان الدولة بتضيق على الدولار فى مصر و التجار مش عارفين يلمو دولارات من السوق ولو لموها مش بيعرفوا يحولوها لبره مصر للشركات الا بقيود كتيرة فعملو الطريقة دى انهم يدفعولك فى مصر وياخدو منك الدولار بره مصر وكده كده بيحولوه لشركات برده بره مصر و كده اصبح الخاسر الوحيد هو الدولة وده مش غلط من الناس لا المفروض الدولة هى اللى تلاقى حل و توفر الدولار للتجار او تعوم الجنيه

للاسف كل واحد بيفتى و يقول لك غلطة الحكومه .... كأن الحكومه الحاليه هى كانت السبب فى تحويل الشعب المصرى لاكبر مستورد و مستهلك لزبالة الصين و غيرها . برضه هانفضل نتعامل مع الحكومه كأنها بابا و ماما و هيه اللى توفر الدولار للمستوردين و الوكلا و المصانع و همه يستوردوا و يكسبوا او يصنعوا محلى و يبيعوا محلى و الشعب و التجار و المصنعين كله حاطط إيده فى جيب التانى ... لكن كام واحد مصنع محترم بيصدر بره و بيوفر دولاره ?
مثال ناجح من رجال الاعمال و اللى ازمة الدولار لا تؤثر عليه مصانع النساجون الشرقيون اغلب انتاجهم تصدير و لهم مصانع فى بلجيكا و امريكا و بالتالى لا تؤثر عليه ازمة الدولار و هو ده المطلوب ... مش كل واحد يروح يجيب توكيل و يستورد فقط ... لا روح اتفق مع توكيلك يصنع هنا يا ما يلزمناش ... لازم نتغير قبل ما نقول للحكومه الحقينا فى كل مصيبه .
اللى بيلم الدولار من بره لو تجار او مستوردين مش هايقدر يكمل لانه غالى و سلعتهم هاتوصل هنا غاليه و ما لهاش زبون يعنى مش هايقدر يستمر لو اخوان و ده لا اعتقد فيه لانه هايتمسك هنا و هايتعرف و هو بيودع المصرى و الخليج نفسه مشددين على تحركات الاخوان .

حضرتك قريبك هيسحبه دولار يعنى مش هسبيه فى البنك لسد احتياجات الدوله من الدولار هياخد الدولار يبيعه فى الصرافه ب 10.35 او 10.5 عادى فمش فارقه كتير لو كنت بيعته برا ب 11 و ملهاش فى الوطنيه شىء عايز تبقى وطنى سيب الدولار للبنك و خد مصرى بسعر البنك

ليه البنك بيعمل كده غصب عنه مفيش دولارات :) و الدولار الى حضرتك حولته لسه موصلش البنك و مش بيوصل الا بعدها بفتره لما البنك بيعمل مقاصه و مفيييييييييش دولارات فى البنك

اتمنى تكون الفكره وصلتك الى حضرتك بتعمله تسحب الدولار من البنك تبيعه فى الصرافه لا علاقه له بدعم الاقتصاد فى شىء بالعكس يزيد من حجم المضاربه

اما البنك فهما بيحاولو كل مره من سنه و بعدين يسيبو الناس تاخد الدولار عادى و نفسك قولت خدته فى المرتين

اقتباس:

---

المشاركة الأصلية كتبت بواسطة hobiko

بص .......... ماليش مزاج اجادل بس ماشى :)

الموضوع مش اختراع .......... انت موارد النقد الأجنبى فى مصر محدوده و معروفة ....... قناة السويس .. السياحة .. كان الأول البترول و الغاز بس بقى بيتحول كله دلوقتى لسداد حاجة السوق المحلية .. التصدير (مواد خام فى معظمها و منتجات زراعية) .. المنح و القروض

اكبر حاجة فى دول تقريبا كانت السياحة ........ و أظن واضح حالها عامل ازاى بعد موجة الأرهاب الأسلامجى الأخوانجى الداعشى و خصوصا حادثة الطيارة الروسية

و عشان تصنع و تنتج منتجات ينفع تصدرها برة بكميات كبيرة و تنافس فى السعر و الجودة .......... ده حياخد شوية وقت فالأسرع انك تنجح فى استعادة السياحة

اماعن مؤامرة الأخوان ........ بصراحة ما ينكرش مدى قذارتهم و ارهابهم و محاولاتهم الحثيثة لضرب مصر بأى طريقة من ايام القنابل و تفجير محولات و ابراج الكهرباء .... الا اخوانجى او أهبل :)

و انا بنزه حضرتك طبعا عن الأوصاف ديه ...... لان حضرتك زميل محترم و مجتمع المنتدى يتشرف بوجودك فيه

اما تقييم نسبة مسئولية كل واحد من النظام او الأخوان ...... لما نيجى للأرقام و النسب مش بعرف افتى عشان ماعنديش حسابات او ارقام مؤكدة

تحياتى ....... و يارب الخير لبلدنا

---

تصدق إنى خفت و إترعبت من الفزاعات لا يتقال عنى إخوانجى داعشى واهبى سلفى رغم إن ولا فصيل من دول بيحب التانى و لا واحد منهم بيتفق مع التانى بس سبحان الله عند ناس كثير كلهم واحد

الحمد لله العلم نور

تفتكر أفضل إنى يتقال عنى عندى ديل (ذيل) و سيساوى و خروف و مغيب


على فكرة التهم المعلبة دى ممكن تهوش بيها عيل صغير من العوام إللى معلوماتهم محدودة

لكن ردى عليك بسيط العيل الصغير بتخوفه يخرج من البيت لوحده أحسن يتوه و ياخده أبو رجل مسلوخة بس لما بيكبر بيعرف إن مفيش حاجة إسمها أبو رجل مسلوخة


إلا صحيح القنابل و المحولات بطلت تضرب ليه الأيام دى ؟


و ياريت نبطل إسطوانة إن التصنيع و التصدير دى حاجة محتاجة وقت عشان بنسمع الكلام ده من أيام حسنى و الوقت بيعدى و برده مفيش تصنيع و لا تصدير

لو الشعب ذاكرته سمكية فده الجزء من الشعب المتابع للفضائيات و الإعلام المرئى و المسموع إللى بيشحنه الذاكره كل يوم بمعلومات معينه ممليه عليه

لكن مش كل الناس بتنسى

حصلت مع صديق ليا قريب نفس المشكله
احد اقاربه عمله حواله بمبلغ ٥٠ الف
فى البدايه قالو مينفعش تستلمهم على طول لازم تفتح حساب بإسمك ويتحولو عليه
قال مفيش مشكله
عمل الحساب واتحولو قالو متقدرش تسحبهم دفعه واحده قيمه السحب هيبقى ١٠٠٠٠
ازاى قالو هوا دا النظام قال ماشى
اول مره سحب وتانى يوم سحب تالت يوم مفيش دولارات؟؟؟؟؟؟؟؟؟؟؟ ازاى هو انا عامل وديعه دى حواله المفروض استلمها وانا واقف قالو فى عجز تعالى بكره
بعدها بأربع ايام كل يوم مفيش تحس انه رايح يشحت منهم وبعدين ادوله الباقى خمسه فى خمسه من فئه دولاران ( اتنين دولار )
المختصر المفيد عجبك عجبك مش عاوزهم هاتهم
بقينا نشوف ناس علشان حواله ب ٣٠٠ دولار مثلا بيجو بقالهم اسبوع وعلى دورهم يقولو الدولارات خلصت
ومتاخدش فلوسك عير بمشكله

امتي بقي نتخلص من الغباء الاداري دا الي هيضيع البلد

الموضوع قديم شوية
http://www.nilemotors.net/Nile/466612-20.html

هقترح عليك الحل اللي معارفي عملوه ومشتكوش تاني خالص :ـ

بنك فيصل الإسلامي فيه ميزة إن الحساب بيكون مزدوج العملة
يعني نفس الحساب بيكون فيه مصري ودولار وريال ويورو وكل حاجة
تمام
بتفتح حساب في بنك فيصل
بتحول من الخارج على رقم حسابك في بنك فيصل

يعني لو في السعودية من تحويل الراجحي بتحول بدون مشاكل
بتكتب رقم الحساب وإسم الفرع وإسمك زي ما هو مكتوب في حسابك في مصر

بتسحب بنفسك أو أي حد معاه توكيل بنوك معتمد في البنك هيسحب الفلوس من حسابك بعدها بحوالي 3 أيام بدون أي مشاكل
بفئة 100 دولار حتى الآن

.

المشكلة موجودة وبتحصل مع كل الناس وإنت جربت بنفسك
لما حد يفتي ويقول لأ مفيش مشكلة موجودة
يبقى ميعرفش عدم اللامؤخذة
.

طب و عموله التحويل لبنك فيصل من بره كبيره و لا صغيره ؟؟؟

يعنى احسن طريقة بنك فيصل ولا qnb للتحويل من خارج مصر بدون تعقيدات البنوك التعبانة اللى بتزل فينا مع كل تحويلة

من شهر محول على فيصل و تم سحب الدولارات عادى
850 دولار

اقتباس:

---

المشاركة الأصلية كتبت بواسطة wawamoha

طب و عموله التحويل لبنك فيصل من بره كبيره و لا صغيره ؟؟؟

---

الراجحى بياخد منى 20 ريال على كل تحويلة
اعتقد فيصل لا يأخذ شييء

هو بنك فيصل فيه Internet banking?