السلام عليكم ورحمة الله وبركاته
حصل معايا موقف انهارده حبيت اشرككم معايا لعل الفائدة تعم باذن الله
باختصار المراية الشمال اتخبطت ووقعت وضاعت - نيسان صني الشكل الجديد 2013 - الحمدلله كانت المراية بس او ما يطلق عليه الكف ، دخت عشان الاقيها بتتباع لوحدها والحمد لله لقيتها في الاخر في نص البلد عند بتاع قطع غيار بيبيع حاجات نيسان الشكل الجديد كلها (الخارجية) وسعرها 85 جنيه الحمدلله المحل اسمه محمود أنور لقطع غيار السيارات بس معرفش احط رقم تليفونه ولا ممنوع في المنتدى
باذن الله محدش تتكسر مرايته ولا يحتاج يشتري مراية تانية بس قلت اقلكم اللي حصل معايا لاني سألت في التوكيل مودرن موتورز عليها لقيتها بتتباع كاملة لازم وسعرها 700 جنيه بدون الضريبة وتركيبها 150 جنيه
يوم سعيد باذن الله :)
محمد
المفضلات