الساده الافاضل تصفخت معظم موضوعان هيونداى ولم اجد اى معلومات عن ال sonata فالرجاء من الساده الخبراء تقييم السياره لاننى اجدها بالنسبه الى سعرها وامكانياتها سوف تسحب البساط من فئه 2000cc مقارنه بالاسعار والكماليات
وشكرا:victory:
عرض للطباعة
الساده الافاضل تصفخت معظم موضوعان هيونداى ولم اجد اى معلومات عن ال sonata فالرجاء من الساده الخبراء تقييم السياره لاننى اجدها بالنسبه الى سعرها وامكانياتها سوف تسحب البساط من فئه 2000cc مقارنه بالاسعار والكماليات
وشكرا:victory:
الوحيد اللي معاه سوناتا هنا هو العضو الكريم سمعة..وهو كاتب عنها كلام حلو جدا في كذا مشاركة ليه.
اسم عضويته اعتقد بالشكل دا
som3a
ابحث عن مشاركاته بإستخدام محرك البحث وهيفيدك جدا كلامه.
معلش لسه شايف الموضوع هجهز رد لحضرتك و اكتبه انهرده ان شاء الله
للاسف غبور غلى العربية 5000 جنيه بس مش عارف لسه موجوده بالسعر القديم و لا لأ عند حد من الموزعين.
السعر الجديد : 155000 للمانيوال 2000cc
170000 للاوتوماتيك 2000cc
190000 للاوتوماتيك 2400cc
و هى فعلا عربية ممتازة و هكتب لحضرتك مواصفاتها و معلومات عنها انهردة ان شاء الله.
تفتكرو لو واحد هيجيب عربية ب 195 اللف جنية
هيجيب سوناتا الكورى
هيا عربية محترمة جدا بس توكيل زى الزفت + اعتقد ان الفورد فوكس افضل او الفكترا او الاكتوفيا
(على فكرة انا بسال)
شكراً يا عم سمعه على اهتمامك بس من فضلك انا عايز معلومات من مالكها لان كل حاجه انا قراتها عنها فى النت وغيره :k49:
Note : ma3lesh el keyboard mafihoush 3arabi
Abou-Ghaly Elmarghany is selling Sonata 2009, the 2000 CC still with 165000 and with negotiation, you can get it with 160000 (Almost Ramadan prices)
Ostaz Som3a, mestaneyin rad 7adretak, I am also thinking about Sonata 2000 CC (was thinking about vectra Before, but the current shape will be dead after the Insignia next year)
alf shokr
معلش يا جماعة اتاخرت عليكوا فى الرد كام يوم
اولا انا عندى السوناتا 2400cc موديل 2007 عامل بيها 40300 دلوقتى (اربعين الف) تقفيل غبور طبعا
الصراحة انا بشكر فى العربية بشكل رهيب , العربية ممتازة جداااا فى كل حاجة.
اولا من ناحية قوة الموتور فموتور ال2000cc قوته 144 حصان يعنى اقوى بحوالى 42 حصان من موتور الفكترا و لا الوكتافيا و لا الجيتا.
اولا امكانيات العربية (ال2000cc)
steptronic
جنوط 16
تكييف اوتوماتيك
multifunction (زراير التحكم فى الكاسيت اللى فى الدركسيون)
cruise control
parking sensors
1 airbag للسائق (فى ال2400 2 )
فرش جلد
كرسى السائق كهرباء
راديو + كاسيت + CD mp3 + aux + usb (مش متاكد اوى من ال usb )
abs + ebd
حاجات عادية زى :
مسند قدام و واحد تانى ورا فى الكنبة , Fog lights , مقياس حرارة , كمبيوتر للرحلات لقياس متوسط استخدام البنزين , فاضل كام كيلو على التنك و الكلام دا.
من ناحية الوسع فالعربية واسعة جداااااا بشكل غريب و تاخد 5 مستريحين على الاخر و فاردين رجلهم كمان.
من ناحية الثبات فتقدر تجيب بيها 200 و انت مطمن ( انا اخرى جبت 190 على طريق العين السخنة محاولتش اجيب اكتر من كدا مع انها تجيب و تجيب اكتر من 200 بس مش عارف اقصى سرعة كام)
الفرامل بتاعتها فوية جداااا للصبح و كذا مرة اضطريت استخدمها جامد لما عربية قدامى توقف فجاة و لا عربية تطلع من قدامى علشان كدا فعلا مقدر قوتها.
طبعا كقوة العربية من ناحية الموتور مش هتكلم عنه اساسا علشان منافسينها 105 حصان يعنى فرق 42 حصان فملهاش لزمة اشرح قوتها.
من ناحية الزوايا فهى واضحة جدا و خصوصا من وره لان فى سنسور راكنة و العربية مراياتها كبيرة , اما من قدام الناحية اللى جنب السواق لو فى شارع ديق او حاجة بعد التعود على العربية هتلاقيها سهلة جدااا
الكراسى مريحة بشكل غريب يمكن اريح من كراسى عربيات اغلى منها بكتير.
العربية كشكل فخمة جدا و بتديك احساس بالفخامة و كتير اوى ناس وقفتنى فى الشارع و سالوا عنها.
شنظة العربية واسعة جدا ممكن تحط فيها mini cooper (بهزر طبعا)
العربية عالية جدااا على الارض و مبتحكش خالص فى المطبات (الا لو مطب غريب اوى و مكسر)
من ناحية اسعار قطع الغيار فهى غالية مثلا تيل الفرامل الامامى ب 1000 جنيه (اعتقد رخصوه ل 860 دلوقتى) و الخلفى ب 650 و كنت سالت كدا على السريع على اسعار الفوانيس و الكلام دا قالولى الفانوس الامامى او الخلفة ب 1750 الواحد تقريبا بس دا لا يقارن بقطع غيار الفكترا اللى المرايا الواحدة فيها بالمكنة ب الازاز ب 4200 جنيه (الازاز لوحد ب 1200 جنيه) مع ان فانوس الفكترا رخيص حاجة غريبة شوية.
من ناحية توافر قطع الغيار فاعتقد متوافرة جدا لان غبور بيجمع العربية بس انا مش متاكد لانى طبعا مغيرتش غير تيل الفرامل و كان متوافر طبعا .
بالنسبة لل2000cc فضريبة الترخيص بتاعتها مناسبة جدا و هى 1000 جنيه سنويا غير ال2400 طبعا لان ضريبتها 2% من تمن العربية سنويا.
استهلاك البنزين كويس اوى فى ال2400 و طبعا احسن فى ال2000 , فى ال2400 العربية بعمل حوالى 560كم فى التنك و التنك حوالى 60 لتر.
من ناحية الصيانة فالصراحة المعاملة فوق الممتازة و طبعا انا مقابلتش مشاكل فمعرفش طبعا المهندسين بتوع الصيانة كويسين ولا لأ بس كل الكلام اللى سمعته عن غبور مشوفتش منه و لا اى حاجة فى مركز الخدمة نهائيا و معلومة انا مش متاكد منها اعتقد فى معاملة خاصة للسوناتا لانى لاحظت ان العربية بتخش بسرعة الصيانة و بتخلص بسرعة و كدا و عمرى بمحسيت باهمال او كلام كدا بس برده محصلش و لا اى مشكلة علشان اختبر مهملين و لا لأ بس الصراحة انطباعى ممتاز على مركز الصيانة المهم بس تحجز قبل متروح مش اكتر.
العربية ليها facelift نزل بره مصر فى 2008 كموديل 2009 و منزلش مصر و اعتقد بس مش متاكد مش هينزل قبل مدة (قالولى فى التوكيل 3 سنين من دلوقتى بس الكلام دا ممكن يطلع غلط بنسبة كبيرة)
الfacelift نفس الشكل تقريبا من بره مع اختلاف بسيط فى لون الفانوس الخلفى (كله احمر) و تغيير جوه رهييييب و نزلوا فيها امكانيات كتير زى تحكم فى كل فتحة تكييف بدرجة حرارة مختلفة و bluetooth و تليفون و تابلوه ازرق و حطولها تابلوه شبه ال santa fe بس كل دا مش فى السوناتا المصرى , كل دا فى المستوردة و معتقدش هتنزل مصر زى مقلت قريب.
الفكترا و الاوكتافيا نزل منهم اشكال جديدة بره زى مانتوا عارفين و دول هينزلوا مصر ان شاء الله السنة الجاية مع ان الinsignia هتبقى ناااار فى السعر.
الجيتا نازل شكل جديد اخر 2010 حسب كلام التوكيل.
الصراحة تقفيل السوناتا كويس اوى , مشتكتش غير من حاجات هايفة اوى زى قطعتين من البلاستيك صغيرين فى الباب و القايم و غطا صغير مش عارف بتاع ايه (تحت الكرسى ) اتفكوا قبل كدا و ركبوهم فى التوكيل و انا واقف فى دقيقة واحدة بالظبط و دا كمان علشان دى كانت اول دفعة حسب كلامهم , انا كنت فاكر ان هيظهر فيها عيوب تقفيل بسبب سمعة تقفيل الفرنا و غبور عموما بس اتاكدت ان فى اهتمام غريب بيها من غبور و لم يظهر و لا حاجة غير دول و انا عارف ان دى حاجة تافهة بس انا قلت اذكرها علشان تتطمنوا ان مفيش اى حاجة , على فكرة انا اتاكدت ان تقفيلها احسن من الوكتافيا فى رايى بسبب شوية عيوب سمعتها فى تقفيل الوكتافيا حاجات بسيطة بس بالمقارنة لعدم ظهور عيوب فى السوناتا يبقى السوناتا احسن مع انى لحد فترة قريبة كنت فاكر العكس و انا بتكلم على تجربة شخصية مينفعش اعممها علشان كدا انصحك تسال 2 -3 كمان من ملاك السوناتا علشان تطمن 100%, مش عايز افتى و اقول تقفيلها احسن من الفكترا لانى شفت بعينى عيب فى الفكترا فى الازاز بيزيق و هو بيفتح و بيقفل , بس طبعا دول تجارب فردية و مش مقياس نهائيا.
بالنسبة لسعر اعادة البيع كنت فى الاول اعتقد انه هيبقى ممتاز نظرا لسرعة انتشار العربية بس بعد الضرايب الجديدة و اسعار البنزين الجديدة و خوف الناس من استهلاك ال 2000و ال2400 , كمان فى ناس فاكرين ال2000 عليها ضريبة ترخيص 2% فاعتقد ان السعر مش هيكون كويس زى الجيتا و الاوكتافيا و اعتقد هيكون احسن بكتير من الفكرتا.
من ناحية الشكل انا شايفها احلى بكتير من الباقين من الشكل الخارجى بس فى نفس الوقت شايف ان تابلوه الفكترا و الاوكتافيا و الجيتا احلى من تابولها لان تابلوهها كلاسيك شوية بس دى طبعا مسالة ازواق!!
عيب صغير لاحظته و مش عارف ملاحظتى دقيقة و لا لأ و هى ان دهان العربية مش حلو زى التانيين , مش عارف دى ملاحظة دقيقة و لا لأ , يا ريت الناس اللى بتشوفها فى الشارع تقولنا.
الصلااحة انا شايف من ناحية المناسبة للطرق المصرية ان السوناتا مناسبة جدااا للطرق المصرية بسبب امتصاص الصدمات لدرجة العربية ممكن تنزل فى حفرة و متحسش بيها , مريحة جدا العربية فى السواقة و خصوصا كل ما تتعود عليها اكتر و طبعا الموتور بيدى احساس بالقوة شديد جدا
على فكرة العربية قوية جدا من ناحية الجسم يعنى لو ريحت على عربية تانية مش هتتطبق و الكلام دا و لو حكيت فى حاجة جامد اخرك هتلاقى خربوش.
بالنسبة للoptions فانا شايفها اقل شوية من العربيات اللى بنفس سعرها , مش متدلعة زيهم لان الفكترا مثلا فيها مرايا تطوى كهرباء و المرايات عاكسة للضوء و تلاجة (فى الفئات العالية ) و فتحة سقف (فى الفئات العالية ) و زينون (فى اعلى فئة) و الجيتا فيها زينون (فى اعلى فئة)و فتحة سقف(فى اعلى فئة) و جنوط 17 (فى اعلى فئة) و مقياس لضغط الهواء فى الكاوتش بس فى نفس الوقت السوناتا فيها حاجات مش موجودة فى الفكترا زى سنسور الركنة و حاجات مش فى الجيتا زى الفرش الجلد (الجيتا الخليجى بس اللى فيها فرش جلد و دى سعرها بيبدا من 212 الف) و طبعا الجيتا فيها 10 airbags.
ضمان السوناتا 3 سنين او 100000 كيلو
بالنسبة للسؤال ان العربية كورى و فى غيرها المانى و مش عارف ايه , احب اوضح ان السوناتا بتنافس الكامرى (ايوه الكامرى منافستها ) و الهوندا الاكورد فى امريكا و ممكن اجيبلكوا مقارنة من اكتر من حته مختلفة و مطلعين السوناتا احسن من الكامرى (ايوه الكامرى!!!!) , كمان هيونداى تطورت جدا و خصوصا فى ال 10 سنين الاخيرة و نزلت عربية كتير بجودة ممتازة زى السوناتا دى و الازيرا و السانتا فيه الجديدة و الveracruz و i30 و الالنترا و طبعا مش محتاج اقول الجينيسيس اللى بتنافس لكسس و مرسيدس و bmw .
بعدين المقارنة عربية بعربية مش كوريا و اليابان و المانيا .
لو حد عايز يسال على اسعار قطع الغيار رقم مركز الخدمة 35390760 و اطلب مبيعات قطع الغيار و اسال على اللى نفسك فيه.
انا سافرت بالعربية كتييير جدا و الصراحة اقدر اقول انها ممتازة و معملتش اصوات و لا مشاكل و لا اى حاجة (غير الصوت بتاع البلاستكة بتاعة القايم اللى فكت و اتركبت فى التوكيل فى دقيقة) , يعنى لا مشاكل و لا تغيير لاى حاجة فى ضمان و لا اى حاجة .
انصح بشدة بالعربية دى و ارجو برده تسال 2 -3 من ملاك العربية علشان تعرف انها مش حالجة خاصة و انها حالة عامة و تطمن جدا قبل متشترى.
ارجو اكون وضحت كل حاجة , لو فى اى اسالة تانية انا فى الخدمة
انصح بشدة بالسوناتا عن الفكترا و الجيتا و الاوكتافيا
قعلا احسن منهم بكتير فى رايى الشخصى.
استاذ سمعه لا اجد ما يقال شكرا على اهتمامك و تحليلك الوافى بس انا سمعت عن نزول معظم عربيات غبور ف.. هل رايك الزاحد يستنى شهرين تلاته
ايه رايك احسن لون فيها او ايه الالوان اللى اخترت بينها وشكرا
Alf Shokr Ostaz Som3a..
I think the 2000 C doesn't have the cruise control feature
So2al:
El 3arabeya fiha 7asas da3't le3agal ? Tyre pressure Sensor
Also
Ab3ad el 3ababiya moush meday2ak, especially in our streets? I think the dimensions of the car is very wide, is this making any issues for you?
ALF SHOKR YA BASHA :-)
الصراحة انا رايى بالنسبة لقرار الشراء كل الناس تستنى شوية لان التوكيلات تعانى بشدة من انخفاض المبيعات و بسبب الركود الشديد فى كل الاسواق ممكن الاسعار تنخفض كتير جدا , هى اكيد ان شاء الله هتنخفض بشدة فى العربيات الاوروبى و هتستقر قليلا او تغلى بعدين ترخص تانى لنفس السعر او اقل شوية فى اليابانى للارتفاع الفظيع فى الين بس الكورى الله اعلم بس لانى مش متابع عملتهم (اعتقد غبور بيستورد بالدولار) بس الازمة المالية و انخفاض تكاليف الانتاج و الضغط بسبب انخفاض المبيعات فى التوكيلات و حاجتها لسيولة ممكن تدفعها لتخفيضات شديد و طبعا انخفاض تكلفة النقل.اقتباس:
استاذ سمعه لا اجد ما يقال شكرا على اهتمامك و تحليلك الوافى بس انا سمعت عن نزول معظم عربيات غبور ف.. هل رايك الزاحد يستنى شهرين تلاته
ايه رايك احسن لون فيها او ايه الالوان اللى اخترت بينها وشكرا
بس الصراحة كل الكلام دا توقعات , لو كانت عربية اوروبى كنت قلت لحضرتك اوعى تشترى قبل 6 شهور اطلاقا بس بالنسبة للكورى فانا اتوقع انه هينخفض بس ماقدرش اجزم قد ايه .
بصراحة انا لو مكان حضرتك استنى شهرين تلاتة بس الصراحة متعتبرش دى نصيحة لانى مش متاكد الكورى هينخفض جامد و لا هينخفش انخفاض قليل نسبيا.
فكرة انه رخص الالنترا و الاكسنت و الماتريكس و اعلانه ان الاسعار لن تنخفض يعكس مدى قوة الازمة عليه فانا اتوقع انه هينزل بس معرفش قد ايه و امتى قريب بعد شهرين تلاتة و لا بعد 6 شهور لسنة, على فكرة اكتر ناس تاثرت بشدة من الازمة المالية فى مصر اصحاب المصانع و المنتجين بعديهم التوكيلات يبقى اكيد غبور فى ازمة كبيرة جداا جدااا جداا فمتوقع انه يخفض جامد.
موضوع اللون دا اذواق طبعا بس معظم السوناتا فى مصر و من ضمنهم عربيتى اسود و الصراحة انا شايفه لون جميل جدا فى العربية بس برده الشامبين و الفضى حلويين جدا برده.
انا بحب اوى الابيض فيها بس معتقدش انه مناسب اطلاقا فى مصر.
الالوان المتوافرة (اللى انا اعرفه) : الابيض - الاسود - الكحلى - الفضى - السماوى - الفيرانى - النبيتى - الشامبين (دهبى).
حضرتك ميال للون معين؟
اعتقد ال2000cc فيها cruise control , الوتوماتيك اكيد فيها , مش متاكد اوى من المانيوال بس اعتقد فيها.اقتباس:
Alf Shokr Ostaz Som3a..
I think the 2000 C doesn't have the cruise control feature
So2al:
El 3arabeya fiha 7asas da3't le3agal ? Tyre pressure Sensor
Also
Ab3ad el 3ababiya moush meday2ak, especially in our streets? I think the dimensions of the car is very wide, is this making any issues for you?
ALF SHOKR YA BASHA :-)
اللى انا مش متاكد منه الكرسى الكهرباء فى ال2000cc , هو موجود فى ال2400 بس مش متاكد من ال2000, الباقى متاكد منه دا لو مكنش غبور غير المواصفات.
لا مفيهاش حساس العجل , الجيتا هى اللى فيها .
بصراحة ابعاد العربية مش مدايقانى اطلاقا و بمشى بيها فى شوارع جانبية ضيقة عادى خالص و مكانتش مدايقانى حتى فى الاول مع انها كبيرة جدا و طبعا بعد متعودت عليها بقت بمشى بيها بسرعة كانى فى شارع رئيسى و انا ماشى فى الشوارع الجانبية .
الفكرة ان مراياتها كبيرة و انا شايف زوايا العربية كويس من قدام و ورا.
عمرى محسيت انها مشكلة اطلاقا.
اى استفسارات يا جماعة اسالوا و متتكسفوش من كتر الاسئلة لو فى اسئلة كتير عادى خالص, الواحد مينفعش يدفع 160 و لا 170 الف فى عربية و فيها و لو زرار واحد مدايقه او فيها حاجة ميعرفهاش عنها.
اسالوا فى كل صغيرة و كبيرة.
:36_1_1[1]:اقتباس:
انا مش شايف ان فيه مشاكل عند سمعة في الابعاد خالص
وانا راكب معاه بحس انها اوتوبيس مع ان معايا 316 وهي مش صغيرة بس برضوا
لكن ده بلطجي وبيدخل جوة الشوارع الجانبية وبيتحكم في السوناتا كأنها عجلة :)
العربية دي لو كان فيها فتحة سقف !!!!!!!!!!!!!!!!!!!!!!!!!!!!!!!!!!
كانت تبقى جووووووون
يا سمعه باشا اشكرك على الرد السريع وعلى فكره انا كان معايا اسبرانزاa620 ولم اتاثر بحجم العربيه وقبلها 505 بيجو ومشكلتى الاساسيه لا اثق الا فى العربيه الحجم الكبير مع موتور 2000 كنت بامشى 200 مرتاح وعلى فكره انا كنت فى مقارنه ال سوناتا مع ال جالينا الاسبوع السابق مع واحد صاحبى وعن تجربته الشخصيه مع ال جالينا حدث و لا حرج 560كم / 47 لتر بنزين لعداد من 180 : 200 الثبات ولا كلمه المشكله الوحيده السخونه العداد يصل الى ال 90 و لا ينزل ابدا
ma3lesh again for writing in boss English/arabic .. Ma3andish 3arabi...
Ostaz Thunder..
Thanks. I will request a "laffa" from Som3a before getting my Sonata :-)
Som3aa Bek,
AL SHOKR REALLY !!!
your comments are great, very descriptive, and very helpful.
1- Ana sa2alt 3ala el dehan, et2aly enohom beyedheno 3and Mercedes (AGA Factory). to ensure best quality, which is a great indication..
2- El cruise Control, fi el 2000 CC automatic moush mawgood fo el catalogue , I for sure wish it exists :-)
3- Ana bardo sa2alt 3ala el quality control fi el masna3, they produce only 3 cars/day (compared per Verna : 80 cars /day) ... khat el entag mokhtalef tamaman.. Yes el ta2fil moush zay el koury (akid), bass they are taking care!! This information from a friend inside the factory as I am serious to get it.
4- Tab3an el 3arabeya ka-assaseyat HAYLA, bass moush "medala3a" like what you said .. It is more for business people I think ..
5- Ana kont al2an men el ab3ad , Bass enta tementeny :-), Rabena yostor we mate7eshershy fi share3 daya2 fi masr el gedida or so .
ALF SHOKR AGAIN
فعلا ال2000 مريح جدا فى السواقة , حضرتك هترتاح اوى فى السوناتا عن الجالينا لانها موتور اقوى بكتير و تكنولوجيا احدث و عربية متجربة و معروفة و بتتباع فى العالم كله بعكس الجالينا و بتبيع حوالى 150 الف سوناتا فى امريكا بس سنويا.اقتباس:
يا سمعه باشا اشكرك على الرد السريع وعلى فكره انا كان معايا اسبرانزاa620 ولم اتاثر بحجم العربيه وقبلها 505 بيجو ومشكلتى الاساسيه لا اثق الا فى العربيه الحجم الكبير مع موتور 2000 كنت بامشى 200 مرتاح وعلى فكره انا كنت فى مقارنه ال سوناتا مع ال جالينا الاسبوع السابق مع واحد صاحبى وعن تجربته الشخصيه مع ال جالينا حدث و لا حرج 560كم / 47 لتر بنزين لعداد من 180 : 200 الثبات ولا كلمه المشكله الوحيده السخونه العداد يصل الى ال 90 و لا ينزل ابدا
wegood العفو على ايه , عادى بالنسبة للkeyboard اللى مفيهوش عربى , ان شاله تكتب بالهندى المهم نفهم بعض.
متخفش خالص من الشوارع الضيقة , دى الاوتوبيسات بتاعت المدارس الكبيرة بتمشى فى الشوارع دى فاكيد اى عربية مهما كانت عريضة هتعدى بسهولة.
بالنسبة للcruise control بعد اجازة العيد ان شاء الله اكلملك غبور و اسال علشان اتاكد انه مش موجود فى ال2000 لان ال2000 اللى فى مصر فيها شوية اضافات عن اللى بتنزل فى دول تانية بره زى التكييف الاوتوماتيك و انا شبه واثق ان فيها لانى ركبتها كذا مرة فى التوكيل, بس برده هتاكد 100% ان شاء الله من غبور
بالنسبة للدهان فانا معتقدش ان لما اشتريت العربية كان غبور بيدهن فى مرسيدس بس الصراحة انا اشك حتى انه دلوقتى بيدهن فى مرسيدس , جودة الدهان مختلفة تماما , ممكن نسال فى عبور نفسه برده بعد العيد ان شاء الله.
متفق طبعا مع حضرتك فى كل حاجة
Som3a Bek..
Alf shokr again we kol sana we 7adretak tayeb....
سمعـــــــــه باشا انا شاكر لحضرتك وكل سنه وانت بخير وصحه و سلامه ويباركلك فى عربيتك::
أنا أشكرك جدا على الموضوع الرائع ده
ربنا يسهل في عمرالعربية الافتراضي
وميبقاش فيها عيوب قاتلة
أخبار التكييف ايييه
أنا بأعترف ان أقرب سيارة للياباني هيا الهيونداي
بس المشكلة في الجودة والعمر
وخصوصا ان الواحد مش غاوي غير كتير أو بسرعة
بس كلامكم بيأكد روعة العربية
حد يقولي على عيوب السوناتا
el Sonata 3amla a7la Sho3'l in USA and Canada, zay ma Som3a Al: compared with Camry and Accord .I was there 3 months ago and saw this myself.
3eyoub:
Ana ra2yi kamaleyatha olayela, "moush medala3a" like we said before ..