معايا سيات ١٣٣ مغير ماتور ومركب بتاع ١٢٧ ومعدل جميع التعديلات ومغير جوان وش السلندر ومظبط تكيهات ومركب رداتير ٤ماسوره نحاس جديد وبرده العربيه بتسخن اعمل ايه ساعدونى بس ارجوكم بدون استهزاء وكمان مركب مروحه كهرباء بتروموستات
عرض للطباعة
معايا سيات ١٣٣ مغير ماتور ومركب بتاع ١٢٧ ومعدل جميع التعديلات ومغير جوان وش السلندر ومظبط تكيهات ومركب رداتير ٤ماسوره نحاس جديد وبرده العربيه بتسخن اعمل ايه ساعدونى بس ارجوكم بدون استهزاء وكمان مركب مروحه كهرباء بتروموستات
العربيه كرونه ولا كبالن..لو كرونه ركب مروحة تشتغل علي الموتور وركبلها قميص كويس..وبس
معدلها كبالن
بس ايه دخلها بموضوع السخونه وهل ينفع اركب مروحه تاني كهربا
اتأكد من اتجاه المروحة...
السيات 133 غير بقية العربيات اللي متعودين عليها في مصر
فتحات التهوية اللي ورا مش معمولة عشان تدخل هوا بارد على الموتور... بالعكس... عشان تطرد الهوا السخن
أمال الهوا البارد بيدخل منين؟؟؟
العربية فيها فتحات من تحت بتدخل الهوا الساقع على الرادياتير، والمروحة بعد كده تسحب الهوا وتطرده بره... بس الخدعة الكبيرة إن المروحة بتسحب الهوا ناحية الموتور... يعني لقدام .. مش لورا.. وفيه مجرى جوه الكبوت عشان يساعد الهوا يخرج برا
اتأكد إن المروحة بتاخد الهوا من الرادياتير وتدخله على الموتور (من ورا لقدام عكس اتجاه حركة العربية)..
وقوللنا إيه الأخبار.
...
ياباشا انا ركبت مروحه تانيه ورا الرداتيرشغاله نفخ واللي ناحيه الماتور شغاله طرد وبرده مفيش فايده مؤشر الحراره بيعدى النص وبعدين بملي الرداتير ميه الاقي تروح علي القربه تملاها كلها وبتغلي مع العلم لسه مغير جوان وش السلندر وطول ماانا ماشي علي الغيار الاول او التاني مفيش سخونه واول ماجيب التالت او الرابع تسخن
- ممكن الموتور واخد هوا
- ممكن الثرموستات مش هي الصحيحه و راكب عندك واحده خطأ / او راب بطريقة معكوسة
- ممكن غطا الراديتر او الاربة خربان
- ممكن وش السلندر مكتوم / شرخ / الجوان راكب غلط / جوان صناعة رديئة جدا / ... الخ
روح لواحد شغله دورة تبريد محرك و يكون فاهم شغله
شوف الشكمان وعلبة الشكمان ادام انت غيرت ماتور يبقي لازم تبص علي الشكمان وده مسؤل عن سخنية العربية برضو.
شكمان سليم في واحد اكتشف ان طلمبه المياه اللي راكبه بتاعت27ريشها معكوسه علشان بتلف عكس فعلا وعدلت الريش وظبطط معايا بس في الجو الليل بس بالنهار بتسخن جامد والمياه بتغلي هل مفيش حل تاني عندكم علشان انا قررت الغي المروحه اللي خلف الرداتير واجيب مروحه كبيره شويه وهاكبها فوق الماتور زي الميكانيكي ماقالي بس محتار اشغلها شفط ولا دفع